ક્રૂ મેમ્બર સાથે મારપીટ કરી શખ્સે પ્લેનનો દરવાજો તોડી નાખ્યો

નવી દિલ્હી,  મંગળવારે કેનેડાથી નવી દિલ્હી આવી રહેલી એર ઈન્ડિયાની ફ્લાઈટમાં એક મુસાફરે હંગામો મચાવ્યો હતો. નેપાળી મુસાફરે કેબિન ક્રૂ પર હુમલો કર્યો, અને ફ્લાઈટનો દરવાજો તોડી નાંખ્યો હતો.man broke the door of the plane after assaulting the crew member

સ્થિતિ એટલી બેકાબૂ બની ગઈ હતી કે કેબિન ક્રૂએ અન્ય મુસાફરોની મદદથી વ્યક્તિની ધરપકડ કરવી પડી હતી. જે બાદ દિલ્હી પોલીસે આ મામલે FIR નોંધી છે. મળતી માહિતી મુજબ નેપાળી નાગરિક મહેશ સિંહ પંડિતે કેનેડાના ટોરોન્ટોથી નવી દિલ્હી જતી ફ્લાઈટમાં હંગામો મચાવ્યો હતો.

પહેલા પેસેન્જરે પોતાની સીટ બદલી, પછી ક્રૂ મેમ્બરો સાથે દુર્વ્યવહાર કર્યો. દિલ્હી પોલીસ દ્વારા નોંધવામાં આવેલી એફઆઈઆરમાં કહેવામાં આવ્યું છે કે પાયલોટે યાત્રીને વારંવાર ચેતવણી આપી હતી, તે પછી પણ તે માન્યો નહીં.

ક્રૂ મેમ્બરનું કહેવું છે કે પહેલા મહેશે પોતાની સીટ બદલી, ત્યારબાદ તેણે પ્લેનમાં જ ખરાબ વર્તન કર્યું, ધૂમ્રપાન કર્યું અને મારપીટ કરી. તેમજ તે બાથરૂમમાં જતી વખતે ધૂમ્રપાન કરતો હતો, તેઓએ તેને લાઇટરથી પકડ્યો, જ્યારે તેઓએ તેને પકડ્યો,

ત્યારે તેણે ક્રૂને ધક્કો માર્યો અને તેની સીટ તરફ ભાગી ગયો. આ દરમિયાન ઘણી અપશબ્દો પણ આપવામાં આવી હતી. બાદમાં ક્રૂએ પાયલટને આ ઘટનાની જાણકારી આપી, ત્યારબાદ પેસેન્જરને પકડી લેવામાં આવ્યો. દિલ્હી પોલીસે આ મામલે કલમ 323, 506, 335 હેઠળ કેસ નોંધ્યો છે,

આ સિવાય એરક્રાફ્ટ નિયમો હેઠળ પણ કેસ નોંધવામાં આવ્યો છે. એરક્રાફ્ટમાં મુસાફરો દ્વારા આ પ્રકારની ગેરવર્તનનો મામલો નવો નથી, અવારનવાર આવા કિસ્સાઓ સામે આવ્યા છે જેમાં મુસાફરોએ હોબાળો મચાવ્યો છે.