PM મોદી સાથે સ્વચ્છતા અભિયાનમાં શ્રમદાન કરતો આ યુવાન કોણ છે જાણો છો?
નરેન્દ્ર મોદીએ સ્વચ્છતા અભિયાન કાર્યક્રમ હેઠળ શ્રમદાન કર્યું -૭૫ ડે હાર્ડ ચેલેન્જ માટે ભારતભરમાં પોપ્યુલર અંકિત બૈયાનપુરિયા સાથે વડાપ્રધાન મોદીએ ઝાડુ માર્યું
(એજન્સી)નવી દિલ્હી, વડાપ્રધાન નરેન્દ્ર મોદીએ રવિવારે સ્વચ્છતા અભિયાન કાર્યક્રમ હેઠળ શ્રમદાન કર્યું હતું. મહત્વનું છે કે, પીએમ મોદીએ તેમના શ્રમદાનનો વીડિયો પણ શેર કર્યો હતો. વડાપ્રધાન મોદીના વીડિયોમાં અંકિત બૈયાનપુરિયા પણ જાેવા મળ્યો હતો. શ્રમદાનનો વીડિયો શેર કરતા વડાપ્રધાને લખ્યું કે, આજે દેશ સ્વચ્છતા પર ધ્યાન આપી રહ્યો છે.
અંકિત બૈયાનપુરિયા અને મેં પણ એવું જ કર્યું! સ્વચ્છતા ઉપરાંત અમે તેમાં ફિટનેસ અને સુખાકારીનો પણ સમાવેશ કર્યો છે. આ બધું સ્વચ્છ અને સ્વસ્થ ભારત માટે છે.
Today, as the nation focuses on Swachhata, Ankit Baiyanpuriya and I did the same! Beyond just cleanliness, we blended fitness and well-being also into the mix. It is all about that Swachh and Swasth Bharat vibe! @baiyanpuria pic.twitter.com/gwn1SgdR2C
— Narendra Modi (@narendramodi) October 1, 2023
વડાપ્રધાન નરેન્દ્ર મોદીએ રવિવારે સ્વચ્છતા અભિયાન પર સોશિયલ મીડિયા પ્લેટફોર્મ ઠ પર એક વીડિયો પોસ્ટ કર્યો હતો. આ વીડિયોમાં તે સ્વચ્છતા અભિયાન હેઠળ શ્રમ દાન કરતા જાેઈ શકાય છે. વીડિયોમાં હરિયાણાના અંકિત બૈયાનપુરિયા પણ છે જેમણે ‘૭૫ દિવસની હાર્ડ ચેલેન્જ’ પૂર્ણ કરી છે. જે આ દિવસોમાં સોશિયલ મીડિયા પર ખૂબ વાયરલ છે. બંને લોકો સફાઈ અને ઝાડુ કરતા જાેઈ શકાય છે.
આ પણ વાંચો
‘સ્વચ્છ ભારત મિશન’માં ફાળવેલામાંથી ૭૫૪૭૯.૪૫ કરોડ ખર્ચાયા જ નહીં: કોંગ્રેસ
વડાપ્રધાન મોદીએ પોસ્ટ કરેલ શ્રમદાનના વિડીયોની શરૂઆતમાં પીએમ મોદી કહે છે, ‘રામ-રામ સારયાને.’ પછી તે અંકિતની તબિયત વિશે પૂછે છે અને કહે છે કે આજે અમે તમારી પાસેથી કંઈક શીખીશું. વીડિયોમાં બંને સફાઈ કરતા જાેઈ શકાય છે. PM મોદીએ અંકિતને પૂછ્યું, ‘તમે ફિટનેસ માટે ખૂબ મહેનત કરો છો.
આ સ્વચ્છતા અભિયાન તેમાં કેવી રીતે મદદ કરશે? આના જવાબમાં અંકિત કહે છે, પર્યાવરણને સ્વચ્છ રાખવું એ આપણી ફરજ છે. પર્યાવરણ સ્વચ્છ રહેશે તો જ આપણે સ્વસ્થ રહીશું.
પીએમ મોદીએ અંકિતને પૂછ્યું કે, સોનીપતના ગામડાઓમાં સ્વચ્છતાને લઈને લોકોનું વલણ શું છે. તેના પર અંકિત કહે છે કે, હવે લોકો તેના પર ધ્યાન આપવા લાગ્યા છે. વડાધાન મોદી અંકિતને તેની શારીરિક પ્રવૃત્તિ વિશે પણ પ્રશ્નો પૂછે છે. વડાપ્રધાન મોદી પૂછે છે કે, તમે તમારી શારીરિક પ્રવૃત્તિને કેટલો સમય આપો છો.
આના જવાબમાં અંકિતે કહ્યું કે તે દિવસમાં ચારથી પાંચ કલાક કસરત કરે છે. તેમણે પીએમને કહ્યું કે તેઓ પણ તેમનાથી પ્રેરિત છે. આ તરફ પીએમ મોદીએ કહ્યું કે તેઓ એક્સાઈઝ કરતા અનુશાસન પર વધુ ધ્યાન આપે છે. પરંતુ આ દિવસોમાં તે બે બાબતોમાં શિસ્ત લાવવા માટે સંઘર્ષ કરી રહ્યા છે.
આમાંનો પહેલો છે ખાવાનો સમય અને બીજાે સૂવાનો સમય. આના પર અંકિત કહે છે કે આખા દેશને સૂવા માટે તમારે જાગતા રહેવું પડશે. પીએમ મોદીએ અંકિતને કહ્યું કે તમે બતાવ્યું છે કે સોશિયલ મીડિયાનો સકારાત્મક રીતે ઉપયોગ કરી શકાય છે. વીડિયોમાં બંને સેલ્ફી લેતા જાેવા મળે છે.
અંકિત બૈયાનપુરિયાને અંકિત સિંહ તરીકે પણ ઓળખવામાં આવે છે. તેમનો જન્મ ૩૧ ઓગસ્ટના રોજ હરિયાણાના સોનીપતના બયાનપુરમાં થયો હતો. તેમણે ધોરણ ૧૦ સુધી પ્રાથમિક શિક્ષણ માટે સરકારી હાઈસ્કૂલ, બયાનપુર લહેરારામાં અભ્યાસ કર્યો.
આ પછી તેણે તેના ૧૧મા અને ૧૨મા ધોરણ માટે ૨૦૧૩ થી ૨૦૧૫ દરમિયાન સરકારી વરિષ્ઠ માધ્યમિક શાળા, મોડલ ટાઉન, સોનીપતમાં આર્ટસ પ્રવાહમાં અભ્યાસ કર્યો. અંકિત પછી મ્સ્ ડિગ્રી મેળવવા માટે મહર્ષિ દયાનંદ યુનિવર્સિટી, રોહતકમાં જાેડાયો. બાદમાં તે ફિટનેસ એક્સપર્ટ તરીકે સોશિયલ મીડિયા પર ખૂબ જ લોકપ્રિય બન્યો હતો.
બનાવનાર બૈયાનપુરિયાએ વિડીયો પ્લેટફોર્મ યુટ્યુબ પર ફની વીડિયો બનાવીને પોતાના કરિયરની શરૂઆત કરી હતી. જાેકે કોરોના લોકડાઉન દરમિયાન તેણે પોતાનું કન્ટેન્ટ બદલ્યું અને ફિટનેસ સેન્ટ્રિક વીડિયો પોસ્ટ કરવાનું શરૂ કર્યું. આ પછી તેણે યુટ્યુબ ચેનલનું નામ બદલીને અંકિત બૈયાનપુરિયા કરી દીધું.
તે કુસ્તી, દોરડા પર ચઢવા અને દોડવા જેવા વર્કઆઉટને પ્રોત્સાહન આપે છે. આ વર્ષે જૂનમાં અંકિતની યુટ્યુબ ચેનલને ૧,૦૦,૦૦૦ સબસ્ક્રાઇબર્સ મળ્યા હતા.
