આ રાજ્યના લોકોને 500 રૂપિયામાં ગેસ સિલિન્ડર મળશેઃ BJPની ચૂંટણી ઢંઢેરામાં જાહેરાત
પ્રતિકાત્મક
ભાજપે છત્તીસગઢમાં યોજાનારી વિધાનસભા ચૂંટણી માટે પોતાનો ચૂંટણી ઢંઢેરો જાહેર કર્યો
નવી દિલ્હી, પાંચ રાજ્યોમાં વિધાનસભાની તૈયારીઓ વચ્ચે ભાજપે છત્તીસગઢમાં યોજાનારી વિધાનસભા ચૂંટણી માટે પોતાનો ચૂંટણી ઢંઢેરો જાહેર કર્યો છે. મેનિફેસ્ટો બહાર પાડતા કેન્દ્રીય મંત્રી અમિત શાહે કહ્યું કે અમે રાજ્યના લાખો લોકો સાથે ચર્ચા કરીને મોદીની ગેરંટી મેનિફેસ્ટો તૈયાર કર્યો છે.
આ દરમિયાન તેમણે કહ્યું કે જાે રાજ્યમાં ભાજપની સરકાર આવશે તો સીએમ રિલીફ ફંડમાંથી ગરીબ પરિવારોને ૧૦ લાખ રૂપિયા સુધીની મફત સારવાર આપવામાં આવશે. તેમણે કહ્યું કે આયુષ્માન ભારત યોજના હેઠળ કેન્દ્ર સરકાર દ્વારા ૫ લાખ રૂપિયા સુધીનો વીમો પહેલેથી જ આપવામાં આવી રહ્યો છે.
આ સિવાય તેમણે કહ્યું કે ભાજપના શાસનમાં છત્તીસગઢના લોકોને ૫૦૦ રૂપિયામાં ગેસ સિલિન્ડર મળશે. રાણી દુર્ગાવતી યોજના શરૂ કરવામાં આવશે. જે અંતર્ગત છોકરીઓને પુખ્ત થવા પર ૧,૫૦,૦૦૦ રૂપિયા મળ્યા હતા.
વિપક્ષ પર પ્રહાર કરતા તેમણે કહ્યું કે, ખોટો પ્રચાર કરવામાં ભૂપેશ બઘેલની આખા દેશમાં કોઈ સમાન નથી.
ગૃહમંત્રીએ કહ્યું કે ભૂપેશ બઘેલે ૫ વર્ષ સુધી અહીં સરકાર બનાવી. પરંતુ આમાં તેમણે માત્ર કૌભાંડો કર્યા હતા. આ ૫ વર્ષમાં ભૂપેશ બઘેલ સરકાર કાયદો અને વ્યવસ્થાની બાબતમાં નિષ્ફળ સાબિત થઈ છે.
ગૃહમંત્રીએ કહ્યું કે ભૂપેશ બઘેલે ૩૦૦થી વધુ વચનો આપ્યા હતા, જે પૂરા થયા નથી. હું છત્તીસગઢના લોકોને કહેવા માંગુ છું કે મોદીજી છત્તીસગઢનો વિકાસ કરવા માંગે છે. પરંતુ તેમાં સૌથી મોટો અવરોધ ભૂપેશ બઘેલ છે. બઘેલ જીને ડર છે કે જાે અહીં વિકાસનું કામ થશે તો તેઓ પોતાની ખુરશી ગુમાવશે. અમે લાખો લોકો સાથે ચર્ચા કરીને ‘મોદીની ગેરંટી’ મેનિફેસ્ટો તૈયાર કર્યો છે. આમાં, અમે નક્કી કર્યું છે કે અમે કૃષિ ઉન્નતિ યોજના શરૂ કરીશું, જેના હેઠળ અમે ૩,૧૦૦ રૂપિયાના ભાવે પ્રતિ એકર ૨૧ ક્વિન્ટલ ડાંગર ખરીદીશું.
