FASTag KYCની સમયમર્યાદા એક મહિના સુધી લંબાવી દેવાઈ
નવી દિલ્હી, ફાસ્ટેગને લઈને મોટા સમાચાર આવી રહ્યા છે. જો તમે પણ ફાસ્ટેગ યુઝર છો તો NHAIએ રાહત આપી છે. હવે નેશનલ હાઈવે ઓથોરિટી ઓફ ઈન્ડિયા (NHAI)એ ફાસ્ટેગ KYC અપડેટ કરવાની તારીખ લંબાવી છે.
NHAIએ ફાસ્ટેગ કેવાયસીની સમયમર્યાદા એક મહિના સુધી લંબાવી છે. તમને જણાવી દઈએ કે KYC પૂર્ણ કરવાની છેલ્લી તારીખ ૩૧ જાન્યુઆરી ૨૦૨૪ હતી. હવે તમે ૨૯ ફેબ્રુઆરી સુધી ફાસ્ટેગનું કેવાયસી પૂર્ણ કરી શકો છો.
NHAI માર્ગદર્શિકા અનુસાર, બેંકોને ૩૧ જાન્યુઆરી, ૨૦૨૪ પછી KYC વિના ફાસ્ટેગને નિષ્ક્રિય કરવા માટે કહેવામાં આવ્યું હતું. એટલે કે, જો તમે ૩૧ જાન્યુઆરી પછી પણ KYC નહીં કરાવો તો તમારું ફાસ્ટેગ નિષ્ક્રિય થઈ જશે. તમને જણાવી દઈએ કે હવે તમે ૨૯ ફેબ્રુઆરી સુધી ફાસ્ટેગનું કેવાયસી પૂર્ણ કરી શકો છો. તમે fastag. ihmcl.com અપડેટ કરી શકો છો.
અહીં તમારે મોબાઈલ નંબર દ્વારા લોગઈન કરવાનું રહેશે. તેને ખોલ્યા પછી, તમને KYC અપડેટનો વિકલ્પ દેખાશે, ત્યારબાદ તમારે તમારું PAN અથવા આધાર કાર્ડ અપલોડ કરવું પડશે. ફાસ્ટેગ કેવાયસી અપડેટ માટે ડ્રાઇવિંગ લાઇસન્સ, ઓળખ કાર્ડ, પાન કાર્ડ, આધાર કાર્ડ, તમારા વાહનનું નોંધણી પ્રમાણપત્ર (RC) દસ્તાવેજોની જરૂર પડશે.SS1MS
