ઘણા લોકો ગંગામાં ચુંબક નાખી પૈસા એકત્ર કરી ગુજરાન ચલાવે છે
નવી દિલ્હી, ભારતના લોકો ગંગા નદીમાં ખૂબ આસ્થા ધરાવે છે. આપણા દેશમાં ગંગાને માતા પણ કહેવામાં આવે છે. જેમ એક માતા પોતાના બાળકોનું ધ્યાન રાખે છે, તેમ ગંગા નદી પણ ઘણા લોકોની સંભાળ રાખે છે. તેના પાણીથી અનેક પરિવારોની તરસ છીપાય છે.
ઘણા હિંદુ પરિવારોમાં પૂજામાં ગંગા જળનો ઉપયોગ કરવામાં આવે છે. દર વર્ષે ઘણા લોકો ગંગા નદીમાં સ્નાન કરવા જાય છે. આ દરમિયાન તેઓ તેમની ભક્તિ પ્રમાણે વસ્તુઓ નદીમાં નાંખે છે. તમે ઘણીવાર લોકોને નદીઓમાં સિક્કા ફેંકતા જોયા હશે.
એવી માન્યતા છે કે જો તમારી કોઈ ઈચ્છા હોય તો તેને મનમાં ઉચ્ચારીને નદીમાં સિક્કો ફેંકી દો તો તે પૂર્ણ થાય છે. આ કારણે દર વર્ષે ઘણા લોકો ગંગા નદીમાં સિક્કા ફેંકે છે. પરંતુ શું તમે જાણો છો કે આ સિક્કાઓને નદીમાં ફેંક્યા બાદ તેનું શું થાય છે? આ સિક્કા ઘણા પરિવારો માટે જીવન ટકાવી રાખવાનું સાધન બની જાય છે.
સોશિયલ મીડિયા પર એક વીડિયો શેર કરવામાં આવ્યો હતો. જેમાં એક વ્યક્તિ નદીની વચ્ચે બોટ લઈને તેની અંદર ચુંબક ફેંકતો જોવા મળ્યો હતો. તે માણસે ચુંબકને દોરડાથી બાંધીને નદીમાં ફેંકે છે. આ પછી ચુંબકને નદીના તળિયે નાંખે છે, થોડા સમય પછી જ્યારે તેણે ચુંબકને બહાર કાઢ્યો તો તેના ચહેરા પર સ્મિત ફેલાઈ ગયું.
નદીમાં ફેંકવામાં આવેલા સિક્કા આ ચુંબક સાથે ચોંટી ગયા અને વ્યક્તિએ તેને એકત્ર કરી લીધા. વ્યક્તિએ જણાવ્યું કે તે આ મેગ્નેટ બજારમાંથી ખરીદે છે.
ઘણા લોકો આ રીતે નદીમાંથી સિક્કા કાઢે છે. ઘણા પરિવારો એ સિક્કાઓ પર જીવે છે જેને કેટલાક લોકો તેમની ઈચ્છાઓ પૂરી કરવાની આશામાં નદીમાં ફેંકી દે છે. આ સિક્કાઓ એકત્ર કરીને લોકો પોતાની જરૂરિયાત પૂરી કરે છે. ઘણી વખત લોકો સિક્કા મેળવવા માટે પાણીમાં પણ ડૂબકી લગાવે છે. આ સમયગાળા દરમિયાન ઘણી વખત સોના-ચાંદીની વસ્તુઓ પણ હાથમાં આવે છે.SS1MS
