રાજસ્થાન-ગુજરાતમાં આકરી ગરમી, પૂર્વોત્તરમાં વરસાદ
દેશના અનેક રાજ્યોમાં તાપમાન ૪૦ ડિગ્રીને પાર
નવી દિલ્હી, હવામાન વિભાગે જણાવ્યું હતું કે ૨૭ થી ૩૧ માર્ચ દરમિયાન પશ્ચિમ હિમાલય ક્ષેત્ર અને ઉત્તર પશ્ચિમ ભારતના આસપાસના મેદાનોમાં હળવાથી મધ્યમ વરસાદની સંભાવના છે. આઈએમડીએ કહ્યું કે ૩૦ માર્ચથી ૧ એપ્રિલ સુધી પૂર્વોત્તર ભારતમાં ભારે વરસાદ પડશે.
ઉત્તર-પૂર્વ ભારતમાં અરુણાચલ પ્રદેશ, આસામ, મણિપુર, મેઘાલય અને સિક્કિમ સહિત ઘણા રાજ્યોનો સમાવેશ થાય છે. હવામાન વિભાગે ગુરુવારે (૨૮ માર્ચ, ૨૦૨૪) જમ્મુ અને કાશ્મીર, હરિયાણા, પશ્ચિમ યુપી અને હિમાચલ પ્રદેશમાં ગાજવીજની ચેતવણી આપી છે.
વેસ્ટર્ન ડિસ્ટર્બન્સના કારણે આવું થશે. હવામાન વિભાગે કહ્યું કે વેસ્ટર્ન ડિસ્ટર્બન્સના કારણે હરિયાણા અને રાજસ્થાનના કેટલાક ભાગોમાં વરસાદ પડી શકે છે. આ ઉપરાંત પશ્ચિમ બંગાળમાં પણ વરસાદની સંભાવના છે. હવામાન વિભાગે જણાવ્યું હતું કે ૨૭-૨૯ માર્ચ, ૨૦૨૪ દરમિયાન ઉત્તરીય કર્ણાટક અને ગુજરાતના કચ્છમાં વિવિધ સ્થળોએ હીટવેવ આવવાની શક્યતા છે.
દેશના ઘણા રાજ્યોમાં માર્ચ મહિનામાં જ તીવ્ર ગરમીનું મોજું જોવા મળી રહ્યું છે. માર્ચમાં આકરી ગરમીને ધ્યાનમાં રાખીને જૂન સુધીમાં દેશના ઘણા રાજ્યોમાં આકરી ગરમી પડી શકે છે.
ભારતના હવામાન વિભાગના તાજેતરના અપડેટમાં, કર્ણાટક, ગુજરાત, મહારાષ્ટ્ર અને રાજસ્થાનના ઘણા વિસ્તારોમાં તાપમાન ૪૦ ડિગ્રી સેલ્સિયસને વટાવી ગયું છે. ભારતીય હવામાન વિભાગએ આગામી બે-ત્રણ દિવસમાં કેટલાક રાજ્યોમાં તાપમાન સરેરાશ કરતા વધુ રહેવાની આગાહી કરી છે.SS1MS
