જુનિયર NTR અને જાન્હવીની ફિલ્મે રિલીઝ પહેલા જ પ્રોફિટ બૂક કર્યો
મુંબઈ, તેલુગુ સુપર સ્ટાર જુનિયર એનટીઆર અને જાન્હવી કપૂરની આગામી ફિલ્મ માટે ભારે ઉત્સુકતા છવાયેલી છે. જાન્હવી માટે આ પહેલી તેલુગુ ફિલ્મ છે અને તે પાન ઈન્ડિયા રિલીઝ થવાની છે.
ફિલ્મને બે પાર્ટમાં બનાવવાનો નિર્ણય લેવાયો છે, જેમાંથી પહેલો પાર્ટ ૧૦ ઓક્ટોબરે રિલીઝ થવાનો છે. આ ફિલ્મની પ્રોડક્શન કોસ્ટ રૂ.૩૦૦ કરોડ હોવાનો અંદાજ છે, જ્યારે રિલીઝ પહેલા જ તેની આવક રૂ.૪૦૦ કરોડે પહોંચી છે.
બોલિવૂડના બે મોટા સ્ટાર્સ એટલે કે અક્ષય કુમાર અને અજય દેવગનની ફિલ્મો બોક્સઓફિસ પર હાંફી ગઈ છે ત્યારે સાઉથની ‘દેવરા’ના પ્રી-રિલીઝ બિઝનેસ અંગે રસપ્રદ માહિતી બહાર આવી છે. જે મુજબ, આ ફિલ્મે ઘણી મોટી ડીલ પાર પાડી છે. જેના કારણે ‘દેવરા પાર્ટ ૧’ને રૂ.૪૦૦ કરોડની આવક થઈ ચૂકી છે.
રિપોટ્ર્સ મુજબ, ફિલ્મને મળેલી આવકમાં તેના સેટેલાઈટ, ડિજિટલ, મ્યૂઝિક અને ડબિંગ રાઈટ્સનો સમાવેશ થાય છે. ફિલ્મના પ્રી-રિલીઝ બિઝનેસ અંગે ઓફિશિયલ માહિતી જાહેર થઈ નથી. એક અંદાજ મુજબ, ફિલ્મના પ્રોડક્શનમાં રૂ.૩૦૦ કરોડનો ખર્ચ કરવામાં આવ્યો છે. આ ફિલ્મ પિરિયડ એક્શન થ્રિલર છે અને તેમાં સૈફ અલી ખાને વિલનનો રોલ કર્યો છે.
સૈફ અલી ખાન માટે પણ આ પહેલી તેલુગુ ફિલ્મ છે. આ ફિલ્મની સ્ટોરી દરિયા કિનારાના વિસ્તારો સાથે સંકળાયેલી છે. જાન્હવી અને એનટીઆર પહેલી વખત સાથે કામ કરી રહ્યા છે. ‘દેવરા’ને પાન ઈન્ડિયા રિલીઝ કરવા માટે કાસ્ટિંગમાં સાઉથ અને બોલિવૂડનું કોમ્બિનેશન કરવામાં આવ્યું છે.SS1MS
