શહેનાઝ ગિલને હોટલમાં ભૂતનો અનુભવ થયો
મુંબઈ, શહેનાઝ બિગબોસ શો અને કેટલીક ઓટીટી ફિલ્મોથી ખાસ જીણીતી થયેલી એક્ટ્રેસ છે. હાલમાં તે યુએસમાં પ્રવાસ કરી રહી છે. શેહનાઝને ઈન્ટરનેશનલ ટુરિંગ ખૂબ ગમે છે. તેણે એક ટુર દરમિયાન મિયામીની હોટલની રૂમમાં ભૂતનો અનુભવ કર્યાે હોવાનું જણાવ્યું હતું.
શેહનાઝે કહ્યું હતું કે, આ રૂમમાં કેટલીક નકારાત્મક શક્તિઓ તેની આસપાસ હોય તેવું લાગ્યું હતું. શહેનાઝે શેર કરેલા ફોટોગ્રાફ્સમાં તે પોતાના ભાઈ શાહબાઝ અને પરિવાર સાથે મિયામીની ગલીઓમાં ફરતી દખાઈ હતી. તેમાં તેણે એક મેક અપ સ્ટોરની મુલાકાત લીધી અને એક રેસ્ટોરાંમાં રોકાઇને ગાજરનો જ્યૂસ પીધો હોવાનું પણ બતાવ્યું હતું.
તે આ ગલીઓમાં ફરતી હતી, ત્યારે તેણે પોતાની કઝિનને આગલી રાત્રે થયેલાં અનુભવ વિશે વાત કરવા કહ્યું. તેની કઝિને કહ્યું,“કાલે રાત્રે રૂમમાં ભૂત હતું.” શહેનાઝે આગળ વર્ણન કરતાં કહ્યું,“ગાય્ઝ, અમને કશોક અનુભવ થયો છે. અમારા રૂમમાં અમુક નકારાત્મક શક્તિઓ છે.
હવે આ આપણને સારી રીતે સમજાવશે અને કહેશે કે શાહબાઝે શું કર્યું.” તેની કઝિને કહ્યું કે, તેઓ કઈ રીતે અડધી રાત્રે ઊંÎયા હતા અને વિચિત્ર અવાજથી તેમની ઊંઘ ઉડી ગઈ. શહેનાઝે ઉમેર્યું કે શાહબાઝ એટલો ડરી ગયો હતો કે, જ્યાં સુધી બધાં જ રૂમમાં નહીં આવે ત્યાં સુધી તે રૂમમાં પાછો આવશે નહીં.
આવું કરવા પાછળ તેણે એવી સ્પષ્ટતા આપી કે,“હું જ સુરક્ષિત ન હોય તો હું તમને કઈ રીતે સુરક્ષિત રાખી શકું?” શહેનાઝે શેર કરેલા વ્લોગમાં તેને બીચ પર ફરતી અને ફૅન્સને ખુલ્લા મને આવકારતી જોઈ શકાય છે. શહેનાઝની ફિલ્મોની વાત કરવામાં આવે તો છેલ્લે શહેનાઝે ‘કિસિ કા ભાઈ કિસી કી જાન’ અને ‘થેંક યુ ફોર કમિંગ’માં કામ કર્યું હતું.SS1MS
