ગેસ એજન્સીઓમાં આકસ્મિક તપાસ કરવામાં આવે તો બિનહિસાબી જથ્થો મળી શકે છે?

ગોધરાની ઘનશ્યામ ગેસ એજન્સીમાં જિલ્લા પુરવઠા અધિકારીની આકસ્મિક તપાસ -રૂ.૩૩,૭૮૫ની કિંમતનો બિનહિસાબી જથ્થો મળી આવતા તેને સીઝ કરાયો

ગોધરા, પંચમહાલ જિલ્લા કલેક્ટર અજય દહિયાના માર્ગદર્શન હેઠળ જિલ્લામાં ગેસ સિલિન્ડરોની સંગ્રહખોરી અને કાળાબજારી રોકવા માટે પુરવઠા વિભાગ દ્વારા કડક ઝુંબેશ હાથ ધરવામાં આવી છે. આ અંતર્ગત જિલ્લા પુરવઠા અધિકારી ડૉ. ભાર્ગવ ડાંગર અને તેમની ટીમ દ્વારા ગોધરા ખાતે આવેલ ઘનશ્યામ ગેસ એજન્સી પર આકસ્મિક તપાસ હાથ ધરવામાં આવી હતી.

જે અન્વયે લકઝુરા હોટલ પાછળ આવેલ એજન્સીનું ગોડાઉન, જે હિતેશભાઈ પી. ઘરમચંદાણી દ્વારા સંચાલિત છે. જેમાં ગોડાઉનમાં રહેલા ૧૯.૦૦ કિલોગ્રામના કોમર્શીયલ ગેસ બોટલોનું સ્ટોક રજિસ્ટર સાથે મેળવણું કરતા, ૧૭ ગેસના ભરેલા બોટલ વધારાના (બિનહિસાબી) મળી આવ્યા હતા. જે અંતર્ગત જિલ્લા પુરવઠા અધિકારીશ્રીએ દ્વારા કુલ રૂ. ૩૩,૭૮૫ ની બજાર કિંમતનો આ જથ્થો સીઝ કરવામાં આવ્યો છે.

પંચમહાલ જિલ્લામાં પુરવઠા અધિકારીએ ગેસ વિતરકો સાથે યોજી બેઠક#panchmahal #gasdistributors #supplydepartment #ReviewMeeting #LPGDistribution #PublicService #GujaratAdministration #GovernmentMeeting pic.twitter.com/xEVJrEDhO9

— DD News Gujarati (@DDNewsGujarati) March 11, 2026

જિલ્લા પુરવઠા અધિકારી દ્વારા આ ગેરરીતિ બદલ એજન્સી સામે કાયદેસરની કાર્યવાહી શરૂ કરવામાં આવી છે. આ કામગીરી અન્ય ગેસ એજન્સીઓ માટે પણ એક ચેતવણી સમાન છે. નિયમ ભંગ કરનાર અને ગેસના જથ્થાનો ગેરકાયદેસર સંગ્રહ કરનાર સંચાલકો સામે આગામી સમયમાં હજુ પણ વધુ કડક પગલાં લેવામાં આવશે, તેમ જિલ્લા પુરવઠા વિભાગ દ્વારા જણાવવામાં આવ્યું છે.