સેફ્ટી નેટ ન લગાવતા શ્રમિકનું ત્રીજા માળેથી પડી જતાં મોત

અમદાવાદ, શહેરના એસપી રિંગ રોડ પાસે હેબતપુર ગામ પાછળ આવેલી બીનોરી એરિસ્ટોલા નામની સાઈટ પર કામ કરતા શ્રમિકનું ત્રીજા માળેથી નીચે પડવાના કારણે મોત થયું હતું.

સાઈટ પર સેફ્ટી નેટ ના લગાવવાના કારણે શ્રમિકના મોત મામલે બોડકદેવ પોલીસે બિલ્ડર, એન્જિનિયર, કોન્ટ્રાક્ટર સહિત ચાર લોકો સામે ગુનો નોંધી તપાસ શરૂ કરી છે. મૂળ રાજસ્થાનનો ૨૩ વર્ષીય અનિલ નિનામા એસપી રિંગ રોડ હેબતપુર ગામ પાછળ આવેલી બીનોરી એરિસ્ટોલા નામની કન્સ્ટ્રક્શન સાઈટ પર વોટર પ્›ફિંગનું કામ કરતો હતો.

તા.૩૦ સપ્ટેમ્બરના રોજ તે ત્રીજા માળે વોટર પ્રુફિંગનું કામ કરતો હતો. આ સાઇટના ફ્લેટ નંબર ૩૦૧ના બેડરૂમની બારીના છજ્જા પર પ્લાન્ટેશનની જગ્યાએ તે વોટર પ્›ફિંગનું કામ કરતો હતો ત્યારે છજ્જા પરથી પગ લપસી જતા અનિલ ભોંયતળિયે પડ્યો હતો. અનિલને માથામાં ગંભીર ઇજાઓ પહોંચી હોવાથી ૧૦૮ને જાણ કરવામાં આવી હતી.

મેડિકલ સ્ટાફે આવીને અનિલને તપાસતા તેને મૃત જાહેર કર્યાે હતો. આ મામલે બોડકદેવ પોલીસને જાણ કરાતા પોલીસે અકસ્માત મોત નોંધી તપાસ હાથ ધરી હતી. તપાસ દરમિયાન બાંધકામ સાઈટ પર અવરોધક સેફ્ટી નેટ ન લગાવી હોવાનું સામે આવ્યું હતું. જેમાં સાઇટના લેબર કોન્ટ્રાક્ટર લક્ષ્મણ મકવાણા, મુખ્ય કોન્ટ્રાક્ટર ચિરાગ પટેલ, બિલ્ડર વિષ્ણુ શર્મા તથા સાઇટ એન્જિનિયર હાર્દિકની બેદરકારી છતી થતાં બોડકદેવ પોલીસે આ ચારેય લોકો સામે ગુનો નોંધી તપાસ હાથ ધરી છે.SS1MS