ડમ્પર સાથે અથડાયા બાદ ખાનગી બસમાં આગ લાગતા ૧૩ મુસાફરો જીવતા ભૂંજાયા (જૂઓ વિડીયો)

અમરાવતી/નવી દિલ્હી: આંધ્રપ્રદેશના માર્કપુરમ પાસે ગુરુવાર તા. 26-03-2026ના રોજ એક હૃદયદ્રાવક અકસ્માત સર્જાયો છે. રાયવરમ વિસ્તારમાં એક હાઈ-સ્પીડ ખાનગી લક્ઝરી બસ અને કાંકરી ભરેલા ડમ્પર (ટિપર લારી) વચ્ચે થયેલી જોરદાર ટક્કર બાદ બસમાં વિકરાળ આગ ફાટી નીકળી હતી. આ દુર્ઘટનામાં ૧૩ મુસાફરોના ઘટનાસ્થળે જ કમકમાટીભર્યા મોત નીપજ્યા છે, જ્યારે ૧૮થી વધુ લોકો ગંભીર રીતે દાઝી ગયા છે.

A horrific road accident near #Markapuram (Rayavaram) after a private travels bus collided with a tipper lorry near a stone quarry.  The bus was engulfed in flames within moments

પ્રાપ્ત વિગતો અનુસાર, આ અકસ્માત સ્લેબ ખાણ નજીક સર્જાયો હતો. પૂરઝડપે આવી રહેલી બસ સામેથી આવતા ટિપર સાથે ધડાકાભેર અથડાઈ હતી. ટક્કર એટલી પ્રચંડ હતી કે ક્ષણવારમાં જ બસમાં આગ લાગી ગઈ હતી. બસમાં સવાર મુસાફરો કંઈ સમજે તે પહેલા જ જ્વાળાઓએ આખી બસને લપેટમાં લઈ લીધી હતી, જેના કારણે અનેક મુસાફરો અંદર જ ફસાઈ ગયા હતા.

🚨 India- Andhra Pradesh Bus Tragedy

A horrific road accident near #Markapuram (Rayavaram) after a private travels bus collided with a tipper lorry near a stone quarry.

🔥 The bus was engulfed in flames within moments
💔 10 people burnt alive in the incident
The bus was en… pic.twitter.com/W39wVXi2N0

— Chaudhary Parvez (@ChaudharyParvez) March 26, 2026

માર્કપુરમના નાયબ પોલીસ અધિક્ષક (DSP) નાગરાજુએ જણાવ્યું હતું કે, “અત્યાર સુધીમાં ૧૩ લોકોના મોતના સમાચાર છે. અકસ્માત બાદ આગ એટલી ઝડપથી ફેલાઈ હતી કે મૃતદેહોને બહાર કાઢવામાં ભારે મુશ્કેલી પડી રહી છે. આશરે ૧૮ ઘાયલોને બચાવીને તાત્કાલિક હોસ્પિટલમાં ખસેડવામાં આવ્યા છે.” હાલમાં બચાવ ટીમ પીડિતોની ઓળખ કરવા અને તેમના પરિવારોનો સંપર્ક કરવાના પ્રયાસો કરી રહી છે.

આંધ્રપ્રદેશના મુખ્યમંત્રી એન. ચંદ્રબાબુ નાયડુએ આ દુર્ઘટના પર ઊંડો શોક વ્યક્ત કર્યો છે. તેમણે મૃતકોના પરિવારજનો પ્રત્યે સંવેદના વ્યક્ત કરતા અધિકારીઓને ઘાયલોને શ્રેષ્ઠ સારવાર આપવા અને અકસ્માતની તટસ્થ તપાસ કરવાના આદેશ આપ્યા છે.

Andhra Bus 🚎 Incident : A coffin on Indian highways.

In Markapur, Andhra Pradesh, a private bus hit a tipper and burst into flames 10+ passengers burnt alive in minutes.

This isn’t rare anymore.

Last 3 years:
• 45 bus fire incidents
• 60+ deaths
• From Maharashtra to MP,… pic.twitter.com/nm9Jv0pF15

— Aditya Pratap Singh (@Adi_IIMCIAN) March 26, 2026

ઘટનાની ટૂંકી વિગતો:

• સ્થળ: રાયવરમ, માર્કપુરમ નજીક (આંધ્રપ્રદેશ).

• જાનહાનિ: ૧૩ મૃત્યુ, ૧૮ ઈજાગ્રસ્ત.

• કારણ: બસ અને ડમ્પર વચ્ચે ટક્કર બાદ શોર્ટ સર્કિટ અથવા ઈંધણ લીકેજથી લાગેલી આગ.

• સ્થિતિ: બસ સંપૂર્ણપણે બળીને ખાખ થઈ ગઈ છે.