3300 કરોડના ખર્ચે બનેલા ઈરાનના ‘B1 બ્રિજ’ પર અમેરિકા-ઈઝરાયલે એરસ્ટ્રાઈક કરી
તેહરાન અને કરજ વચ્ચેનો સંપર્ક તૂટ્યો
તેહરાન: મધ્ય પૂર્વના યુદ્ધમાં ઈરાનને અત્યાર સુધીનો સૌથી મોટો આર્થિક અને વ્યૂહાત્મક ફટકો પડ્યો છે. અમેરિકા અને ઈઝરાયલે સંયુક્ત ઓપરેશન હાથ ધરીને ઈરાનની એન્જિનિયરિંગ શક્તિનું પ્રતીક ગણાતા રણનીતિક B1 બ્રિજને એરસ્ટ્રાઈક દ્વારા ધરાશાયી કરી દીધો છે. આ હુમલાથી ઈરાનને અંદાજે **400 મિલિયન ડોલર (આશરે ₹3300 કરોડ)**નું સીધું નુકસાન થયું છે.
- Iran B1 Bridge Destroyed: US-Israel Air Strike Causes ₹3300 Cr Loss | Tehran News
તેહરાન અને કરજ જેવા બે મુખ્ય શહેરોને જોડતો આ પુલ માત્ર વાહનવ્યવહાર માટે જ નહીં, પરંતુ ઈરાનની સૈન્ય હિલચાલ માટે પણ ‘લાઈફલાઈન’ સમાન હતો. મિડલ ઈસ્ટના સૌથી ઊંચા પુલોમાં જેની ગણના થતી હતી તેવો આ મહાપુલ હવે ઈતિહાસ બની ગયો છે. હુમલો એટલો ઘાતક હતો કે પુલ વચ્ચેથી જ તૂટી પડ્યો છે, જેના કારણે ઈરાનની ટ્રાન્સપોર્ટ સિસ્ટમ સંપૂર્ણપણે ઠપ થઈ ગઈ છે.
રાજધાની તેહરાનની અત્યંત નજીક અને સૌથી સુરક્ષિત ગણાતા વિસ્તારમાં ઘૂસીને કરાયેલા આ હુમલાએ ઈરાનની સુરક્ષા વ્યવસ્થા સામે મોટા સવાલો ઉભા કર્યા છે. સંરક્ષણ નિષ્ણાતો માની રહ્યા છે કે આ હુમલાનો મુખ્ય હેતુ ઈરાનના લોજિસ્ટિક્સ અને સપ્લાય ચેઈનને કાપવાનો છે, જેથી યુદ્ધની સ્થિતિમાં ઈરાની સેનાની હિલચાલ અટકી જાય.
પાવર ગ્રિડ ઠપ, આર્થિક ઝટકો
માહિતી મુજબ, આ જોરદાર વિસ્ફોટને કારણે આસપાસના વિસ્તારોમાં પાવર ગ્રિડ પણ ઠપ થઈ ગઈ છે અને અનેક મહત્વપૂર્ણ વિસ્તારોમાં અંધારપટ છવાઈ ગયો છે. આ હુમલાએ ઈરાનના ઈન્ફ્રાસ્ટ્રક્ચરની સાથે સાથે તેના આત્મવિશ્વાસ પર પણ મોટો ઘા કર્યો છે. હવે દુશ્મન સીધા ઈરાનના ‘ઘરમાં ઘૂસીને’ હુમલા કરી રહ્યા હોય તેવી સ્થિતિ સર્જાઈ છે.
