અમદાવાદમાં રોડની કામગીરી ઠપ્પઃ ડામરના અભાવે બાકી કામો કયારે થશે તે નક્કી નહીં

રોજનાં પાંચ હજાર ટનના રોડ રિસરફેશના કામો સામે હાલ ૧૦૦ ટનથી ઓછું કામ થાય છે

(એજન્સી)અમદાવાદ, મેગાસીટી અને સ્માર્ટ સીટી એવા અમદાવાદ શહેરમાં છેલ્લા એક મહીના કરતાં વધુ સમયથી રોડ રિસરફેસના કામો નહીવત પ્રમાણમાં થઈ રહયાં છે. તેમાંય અમેરીકા ઈઝરાયેલ અને ઈરાન વચ્ચે ભીષણ જંગ જારી રહેશે તો રોડ રીસરફેસના બકાકી કામો કયારે હાથ ધરાશે તો નકકી નહી તેમ મ્યુનિ.ઈજનેર ખાતાના સુત્રોએ સ્વીકાર્યું હતું.

શહેરમાં બે મહીના અગાઉ રોજના પાંચ હજાર ટન જેટલા મટીરીયલનો ઉપયોગ થતો હતો અને નવા રોડ બનાવવા રોડ રીસરફેસ પેચવર્ક જેવા કામો પુરજોશમાં ચાલતાં હતા તેવી માહિતીના ઈજનેર ખાતાના સુત્રોએ કહયું કે જયારેથી ઈરાન સામે અમેરીકા તથા ઈઝરાયેલ યુદ્ધ છેડયું છે ત્યારથી ક્રુડ ઓઈલનો પુરતો જથ્થો સરકારી રીફાઈનરીઓ સુધી પહોચતો નથી અને તેના કારણે ડામરનો સપ્લાય શોર્ટ થઈ ગયો છે. તેની અસર અમદાવાદ સહિત તમામ મ્યુનિ. અને રાજય સરકારમાં પણ વર્તાઈ રહી છે.

સુત્રોએ જણાવ્યું હતું કે ગત ચોમાસા બાદ રોડ રીસરફેસના કામો જોરશોરથી શરૂ થવા જોઈએ પરંતુ તેમાંપણ કોઈ કારણસર એટલી ગતી આવી નહોતી અને શિયાળામાં તો મોટાભાગની કામગીરી પુરી થઈ જવી જોઈએ. પરંતુ તેના બદલે ઉનાળો પુરો થવા આવ્યો છે.

તેમ છતાં મ્યુનિ. હદમાં સમાવાયેલા નવા વિસ્તારોમાં હજુ પણ અનેક રોડ બનાવાવના અને રીસરફેસ કરવાના બાકી છે. તેવી જ રીતે જુની હદમાં પણ સારા વિસ્તારોમાં પણ અનેક રોડ રીસરફેસ માંગી રહયાં છે.

સુત્રોએ કહયું કે મધ્યપુર્વમા છેડાયેલાં યુદ્ધના શસ્ત્ર વિરામની મંત્રણાઓ પડી ભાગી છે. અને બીજી બાજુ અમેરીકાએ હોમુઝ ખાડીને નાકાબંધી કરવાની જાહેરાત કરી છે તે જોતાં અને યુદ્ધ કરી શરૂ થશે તો પરીસ્થિતી વણસવાની શકયતા વધારે છે.

દરમ્યાનમાં મ્યુનિ.નછી સામાન્ય ચુંટણી માટે પસંદ કરાયેલા નવા ઉમેદવારોને તો રોડ રીસરફેસનું કામ કેમ નથી થતું તેના કારણો જ ખબર નથી આવા કેટલાક ઉમેદવારોને રોડના કામો કેમ બંધ છે અને કયારે થશે તેવા સવાલો પુછતાં તેમણે તેમને ખબર નથી તેવું સ્વીકારી લીધું હતું. પણ ચુંટણી પછી રોડન કામો ચાલુ થઈ જશે તેવો દાવો પણ કર્યો હતો.