વડાલી પોલીસે ૪૦ કિલો ગાંજા સાથે એક આરોપીને પકડયો
(પ્રતિનિધિ) ખેડબ્રહ્મા, પોલીસ મહાનિરીક્ષક સા શ્રી વિરેન્દ્રસિંહ યાદવ ગાંધીનગર રેન્જ ગાંધીનગર તથા પોલીસ અધિક્ષક શ્રી ડો.પાર્થરાજસિંહ ગોહીલ સાબરકાંઠા- હિંમતનગરનાઓએ સાબરકાંઠા જીલ્લામાં યુવાધના નશાના રવાડે ના ચડે તથા નાર્કોટીક પદાર્થનું વેચાણ અટકાવવા Say No to Drugs મિશન અંતર્ગત તથા ડ્રગ્સ મુકત સાબરકાંઠાના સુત્રને સાથક કરવા તથા આગામી સ્થાનીક સ્વરાજ્યની ચુંટણી અનુસંધાને આ બદી નેસ્ત નાબુદ કરવા સારૂ સુચના કરેલ હોય
જે અન્વયે નાયબ પોલીસ અધિક્ષક સા.શ્રી સ્મીત ગોહીલ ઇડર વિભાગ ઇડરનાઓના માર્ગદર્શન હેઠળ વડાલી પોલીસ ઇન્સ્પેકટર ડી.આર.પઢેરીયા, પીએસઆઇ કે એલ જાડેજા તથા પોલીસ સ્ટાફના માણસો આ દિશામાં સતત કાર્યરત હતા.
જે આધારે તા.૧૬/૦૪/૨૦૨૬ ના રોજ સર્વેલન્સ સ્ટાફના માણસોને આ દિશામાં સતત તપાસમાં રહેલ તે દરમ્યાન અ.હે.કોન્સ હિરણસિંહ જગતસિંહ બ.નં- ૩૫૪ નોકરી વડાલી પોલીસ સ્ટેશનનાઓને બાતમી હકિકત મળેલ
કે મોજે કેશરપુરા ગામની સિમમાં રહેતા મનજીભાઈ રામજીભાઈ ડુંડનાઓ પોતાના ખેતરમાં વનસ્પતિજન્ય ગાંજાના લીલા છોડનુ વાવેતર કરેલ છે.જે હકિકત આધારે પંચો સાથે રાખી પોલીસ સ્ટાફના માણસો સાથે રાખી બાતમી હકિકતવાળી જગ્યાએ જતા આરોપી મનજીભાઈ રામજીભાઈ ડુંડ ઉ.વ.૪૭ રહે.કેશરપુરા તા.વડાલી જી.સા.કા.નાઓ પોતાના ઘર આગળ બેસેલ હોઈ તેને સાથે રાખી
તેના ખેતરમાં જઇ તપાસ કરતા ગેરકાયદેસર અને વગર પાસ પરમીટે વનસ્પતીજન્ય ગાંજાના કુલ -૬૮ છોડ નુ વાવેતર કરેલ હતુ. જે ગાંજાના છોડ વજન કુલ ૪૦.૨૦૦ કિલો ગ્રામ હતુ જેની કુલ કિંમત રૂપીયા -૨૦,૧૦,૦૦૦/-તથા આરોપીનો એક એન્ડ્રોઈડ મોબાઈલની કિમત રૂપીયા-૩૦૦૦/-મળી કુલ કિમત રૂપીયા -૨૦,૧૩,૦૦૦/-ના મુદામાલ સાથે આરોપીને પકડી પાડી કાયદેસરની કાર્યવાહી કરવામાં આવેલ છે. આમ વડાલી પોલીસ દ્વારા એન.ડી.પી.એસ એકટ હેઠળ ગુનો શોધી કાઢી પ્રશંસનીય કામગીરી કરેલ છે.
