પોશીના પોલીસે નાર્કોટિક્સના ગુનાના આરોપીને ઝડપ્યો

(પ્રતિનિધિ) ખેડબ્રહ્મા, નાયબ પોલીસ મહાનિરીક્ષક શ્રી વિરેન્દ્રસિંહ યાદવ ગાંધીનગર વિભાગ, ગાંધીનગર તથા સાબરકાંઠા જીલ્લા પોલીસ અધિક્ષક શ્રી ડો. પાર્થરાજસિંહ ગોહિલનાઓએ જીલ્લામાં આગામી સ્થાનિક સ્વરાજ્યની ચૂંટણી અનુસંધાને ભારે ગુન્હા સાથે સકંડાયેલ નાસતા ફરતા આરોપીઓને પકડી પાડી અસરકારક કામગીરી કરવાની આપેલ સુચના અન્વયે

શ્રી ડો.કુલદીપકુમાર નાયી સાહેબ નાયબ પોલીસ અધિક્ષકશ્રી ખેડબ્રહ્મા વિભાગ, ખેડબ્રહ્મા નાઓના માર્ગદર્શન હેઠળ તેમજ ડી.એન.સાધુ પો.ઇન્સ. પોશીના પોલીસ સ્ટેશન નાઓની રાહબરી હેઠળ સર્વેલન્સ પો.સ.ઇ. વી.બી.મેઘનાથી તથા સર્વેલન્સ સ્ટાફના માણસો સાથે આ દીશામા સતત વોચ તથા તપાસ રાખી કાર્યરત રહેલા. તા.૨૩-૪-૨૬ ના રોજ આગામી સમયમા સ્થાનિક સ્વરાજ્યની ચૂંટણી યોજાનાર હોય જે હેતુથી જીલ્લામા કોમ્બિંગ નાઇટનું આયોજન કરેલ હોય

સર્વેલન્સ પો.સ.ઇ. તથા સર્વેલન્સના માણસો પોશીના પોસ્ટે વિસ્તારમા પેટ્રોલીંગમા હતા તે દરમ્યાન સાથેના આ.લો.ર. દીપકકુમાર પુંજાભાઇ નાઓને બાતમી હકિકત મળેલ કે બનાસકાંઠા જીલ્લાના દાંતા પો.સ્ટે. પાર્ટ- બી-ગુ.ર.નં-૧૧૧૯૫૦૧૫૨૫૦૩૭૫/૨૦૨૫ નાર્કોટીક્સ ડ્રગ્સ પદાર્થ અધિનિયમ કલમ- ૮ (સી), ૨૦,(બી) (૨)(એ),૨૯ મુજબના ગુન્હાના નાસતા ફરતા આરોપી

મશરૂભાઇ ચુનાભાઈ ગમાર રહે.પાલીયાબીયા, તા. પોશીના જી.સાબરકાંઠાવાળો પોશીનાથી પાલીયાબીયા તરફ ચોકડી ભાતવાળો આશમાની જેવા કલરનો આખી બાયનો શર્ટ તથા લીલા જેવા કલરનો પેન્ટ પહેરી એક્ટીવા ઉપર પસાર થનાર છે તેવી બાતમી હકિકત આધારે સ્ટાફના માણસો સાથે કોલંદ ત્રણ રસ્તા જોડે નાકાબંધીમા હતા

દરમ્યાન ઉપરોક્ત બાતમી વાળો ઇસમ મશરૂભાઇ ચુનાભાઈ ગમાર એક્ટીવા લઇ આવતા હાથનો ઇશારો કરી ઉભી રખાવી કોર્ડન કરી પકડી પાડી કાયદેસરની કાર્યવાહી કરી બનાસકાંઠા જીલ્લાના દાંતા પો.સ્ટે. સોંપવામા આવેલ છે.

આમ, જીલ્લાની કોમ્બિંગ નાઇટ દરમ્યાન નારકોટીકસ ડ્રગ્સ પદાર્થ અધિનિયમના બનાસકાંઠા જીલ્લાના દાંતા પોસ્ટેના ગુન્હાના નાસતા ફરતા આરોપીને પકડી પાડી સરાહનીય કામગીરી કરતી પોશીના પોલીસ સર્વેલન્સ ટીમ.