સુશાંતના હમશકલે ફિલ્મની સ્ટોરીને લિક કર્યાનો આક્ષેપ
મુંબઈ, સુશાંત સિંહ રાજપૂતનો હમશકલ સચિન તિવારી ફિલ્મ “સ્યૂસાઈડ ઓર મર્ડર“માં કામ કરવા તૈયાર છે. અહેવાલ પ્રમાણે આ ફિલ્મ દિવંગત એક્ટર અને બોલિવૂડ નેપોટિઝ્મ પર આધારિત છે. જો કે, આ ફિલ્મ બનીને તૈયાર થાય અને રિલીઝ થાય તે પહેલાં જ સચિન કાયદાકીય ચક્કરમાં ફસાઈ ગયો છે. પ્રોડ્યૂસર મારુત સિંહ અને ડિરેક્ટર સનોજ મિશ્રાએ સચિનને લીગલ નોટિસ મોકલી છે. તેમનું કહેવું છે કે, તેમણે સચિનને ફિલ્મ ‘શશાંક’ માટે સાઈન કર્યો હતો, જે સુશાંત અને બોલિવૂડ નેપોટિઝમ પર આધારિત છે. હવે મારુત અને સનોજનું કહેવું છે કે, સચિને આ સ્ટોરી અન્ય પ્રોડ્યૂસરને સંભળાવી દીધી છે.
Click link to download full Western Times (Ahmedabad Gujarati) epaper pdf
‘અમે એક મહિના પહેલા સચિન તિવારીને લિગલ નોટિસ મોકલી હતી પરંતુ તેણે હજુ સુધી જવાબ આપ્યો નથી. આ ખૂબ નિરાશાજનક છે, તે ફોન રિસીવ કરી રહ્યો નથી કે લિગલ નોટિસનો જવાબ પણ આપી રહ્યો નથી. હાલમાં જ અમને જાણ થઈ હતી કે, સચિને ફિલ્મનો સારાંશ બીજા પ્રોડ્યૂસર અને ડિરેક્ટરને સંભળાવી દીધો છે’, તેમ મારુત સિહે કહ્યું. મારુત અને સનોજે પ્રોડ્યૂસર અને ડિરેક્ટરના નામનો ખુલાસો કર્યો નથી. જો કે, સચિન વિજય શેખર ગુપ્તાની ફિલ્મ “સ્યૂસાઈડ ઓર મર્ડર”માં કામ કરી રહ્યો છે. જે ફિલ્મ પણ બોલિવૂડ માફિયા અને નેપોટિઝમ પર આધારિત છે.
‘બોલિવુડમાં ચાલી રહેલા નેપોટિઝમ અને સુશાંત સિંહ રાજપૂતના અચાનક નિધન પર અમે ફિલ્મ બનાવવા માગતા હતા. અમે સ્ક્રિપ્ટ નેરેટ કરી હતી અને પ્રોજેક્ટની માહિતી સચિન તિવારીને આપી હતી. પરંતુ તેણે અમને છેતર્યા અને અમારો કોન્સેપ્ટ અન્ય ફિલ્મમેકરને આપી દીધો’, તેવો દાવો સનોજ મિશ્રાએ કર્યો. મિશ્રાએ કહ્યું કે, અમે ફેમસ પ્રોડ્યૂસરનું નામ લેવા માગતા નથી પરંતુ બોલિવૂડના જાણીતા પ્રોડ્યૂસર્સ અને સ્ટુડિયો માફિયા નેટવર્ક અને નેપોટિઝમ ચલાવી રહ્યા છે. તેઓ આઉટસાઈડર્સ એક્ટર્સને બોલિવૂડમાં ટકવા દેતા નથી. ફિલ્મ ‘શશાંક’ બોલિવૂડની આ ડાર્ક સાઈડને દર્શાવશે’.SSS
