ફિલ્મોમાં નાના પણ દમદાર રોલ કરે છે શરદ કેલકર
મુંબઈ: શરદ કેલકર આજે મનોરંજન ઈન્ડસ્ટ્રીનું જાણીતું નામ છે. શરદે સાત ફેરે અને ઝ્રૈંડ્ઢ જેવા શોમાં કામ કર્યું છે. ટેલિવિઝનમાં એક્ટિંગ કરી ચૂકેલો શરદ આજે બોલિવુડ એક્ટર બની ગયો છે. શરદે ગોલિયોં કી રાસલીલા રામ લીલા, તાનાજીઃ ધ અનસંગ વોરિયર, ભૂમિ, હાઉસફુલ ૪, લક્ષ્મી સહિતની ઘણી ફિલ્મોમાં કામ કર્યું છે.
ટીવી સ્ક્રીનથી સિલ્વર સ્ક્રીન સુધીની સફરની વાત કરતાં શરદે કહ્યું, “મને લાગે છે કે હું નસીબદાર છું અને મારા સતત પ્રયાસને કારણે મને રસપ્રદ પ્રોજેક્ટ મળ્યા છે. મેં નક્કી કરી લીધું હતું કે આટલા રસપ્રદ રોલ મળ્યા પછી હું ક્યારેય બેઝિક રોલ તરફ પાછું વળીને નહીં જાેઉં.
મેં મારું લક્ષ્ય નક્કી કરી રાખ્યું હતું કે હું જાતજાતના રોલ કરીશ અને એક્ટર તરીકે મારી જાતને નિખારીશ. મને લાગે છે તેનું ફળ મળ્યું છે. મને લીડ રોલ ભલે ના મળતા હોય પરંતુ રસપ્રદ રોલ ચોક્કસ મળી જાય છે. ફિલ્મોમાં સપોર્ટિંગ એક્ટર તરીકે પણ મને ઘણા સારા રોલ મળ્યા છે અને તેની સાથે પ્રશંસા અને ઓળખ પણ મળી છે.”
શરદે એ વાત પર ભાર આપ્યો કે એક્ટરે માત્ર લીડ રોલ પાછળ ના ભાગવું જાેઈએ. “ધીમે-ધીમે મને લીડ રોલ પણ ચોક્કસ મળશે અને મારા રોલની લંબાઈ પણ વધશે. પરંતુ ત્યાં સુધી ફિલ્મ કે બીજા કોઈપણ માધ્યમમાં મને રસપ્રદ રોલ મળતા રહે તે સુનિશ્ચિત કરવાનું છે.
એવી ધારણા છે કે ટીવી એક્ટર્સને ફિલ્મોમાં લીડ રોલ નથી મળતા પરંતુ આ સાચું નથી. આજે તમે ટેલિવિઝન ઈન્ડસ્ટ્રીના ઘણાં સારા એક્ટર્સને ફિલ્મોમાં મજબૂત રોલ નિભાવતા જાેઈ શકો છો. માટે જ મને નથી લાગતું કે ટીવી એક્ટર્સ ટાઈપકાસ્ટ થયા છે અથવા ફિલ્મોમાં ટૂંકા રોલ મળે છે”, તેમ શરદે ઉમેર્યું.
શરદ કેલકર પોતાની પત્ની અને એક્ટ્રેસ કીર્તિ સાથે કામ કરવા ઉત્સુક છે. શરદે કહ્યું, “કીર્તિ અમારી દીકરીના ઉછેરમાં વ્યસ્ત છે કારણકે તે હજી નાની છે. જાે કે, મને લાગે છે કે એક-બે વર્ષમાં જાે કોઈ રસપ્રદ પ્રોજેક્ટ મળશે તો હું અને કીર્તિ સાથે કામ કરીશું.” ઉલ્લેખનીય છે કે, ‘બાહુબલી’ ફિલ્મમાં શરદ કેલકરે એક્ટર પ્રભાસના પાત્રને અવાજ આપ્યો હતો. હિન્દી ડબિંગનું શરદનું કામ ખૂબ વખણાયું હતું.
