વધુ એક યુવા અભિનેત્રીએ આત્મહત્યા કરી,લવ લાઇફથી પરેશાન હતી

બેંગલુરૂ, તમિલ ફિલ્મ ઇન્ડસ્ટ્રીમાં વધુ એક અભિનેત્રીના મોતે બધાને ચોંકાવી દીધા છે. ઉભરતી અભિનેત્રી પોલીન જેસિકા ઉર્ફે દીપા પોતાના એપાર્ટમેન્ટમાં મૃત મળી છે. પોલીસના પ્રાથમિક રિપોર્ટ પ્રમાણે તેણે ફાંસી લગાવીને આત્મહત્યા કરી છે. પોલીસને તેનો મૃતદેહ ઘરના એક રૂમમાં લટકતો મળ્યો છે.

દીપાના મોતે તમિલ ઈન્ડસ્ટ્રીને હચમચાવી દીધી છે. જાણવા મળી રહ્યું છે કે દીપા પોતાની લવ લાઇફને લઈને પરેશાન હતી. હાલમાં ગીતકાર કાલિબનની પુત્રી થુરિગાઈએ પણ આત્મહત્યા કરી હતી.થુરિગાઈના માતા-પિતા તેના લગ્ન કરાવવા ઈચ્છતા હતા પરંતુ તે તૈયાર નહોતી. ત્યારબાદ તેણે પોતાનો જીવ આપી દીધો હતો.

દીપાની ઉંમર માત્ર ૨૯ વર્ષ હતી. ફિલ્મી દુનિયામાં તેનું કરિયર ધીમે-ધીમે આગળ વધી રહ્યું હતું પરંતુ તેની લવ લાઇફમાં બધુ બરાબર નહોતું. પોલીસ તેની અંગત જીવનના એંગલથી પણ તપાસ કરી રહી છે. મીડિયા રિપોર્ટ પ્રમાણે તે કોઈ વ્યક્તિને પ્રેમ કરતી હતી પરંતુ રિલેશનશિપમાં તે પરેશાન ચાલી રહી હતી અને આખરે આજે તેની જિંદગીનો અંત આણી દીધો.

શરૂઆતી તપાસમાં આ આપઘાતનો મામલો લાગી રહ્યો છે. પોલીસ દરેક એંગલથી તપાસ કરી રહી છે અને કારણ શોધી રહી છે. દીપા ચેન્નઈના વિરૂગંબાક્કમ મલ્લિકાઈ એવેન્યૂમાં રહેતી હતી. તેના સંબંધીએ તેનો ફોન કર્યો તો ઉઠાવ્યો નહીં. ત્યારે તેનો મિત્ર પ્રભાકર તેના ઘરે પહોંચ્યો અને મોતની જાણકારી પોલીસને આપી હતી. દીપાએ આ વર્ષે રિલીઝ થયેલી ફિલ્મ વૈધામાં કામ કર્યું હતું.

આ સિવાય તેણે સુપરહિટ થ્રિલરમાં પણ એક નાનો રોલ કર્યો હતો. દીપાના ખાતામાં બીજા પ્રોજેક્ટ્‌સ પણ હતા પરંતુ તે પહેલા તેણે દુનિયાને અલવિદા કહી દીધું છે.HS1MM