કોંગ્રેસ અધ્યક્ષે સમગ્ર ગુજરાતનું અપમાન કર્યું, ગુજરાતની જનતા મતથી બદલો લેશે
(એજન્સી)અમદાવાદ, ગુજરાતમાં વિધાનસભા ચૂંટણીના પ્રથમ તબક્કાના પ્રચારનો ગઈકાલે છેલ્લો દિવસ હતો. ભાજપ, કોંગ્રેસ અને આમ આદમી પાર્ટીએ પોતાની સંપૂર્ણ તાકાત લગાવી દીધી છે. આ પહેલા સોમવારે કોંગ્રેસ અધ્યક્ષ મલ્લિકાર્જુન ખડગેએ ભાજપ અને વડાપ્રધાન નરેન્દ્ર મોદી પર જાેરદાર પ્રહારો કર્યા હતા. મલ્લિકાર્જુન ખડગેએ વડાપ્રધાન મોદી પર નિશાન સાધતા રાવણનો ઉલ્લેખ પણ કર્યો હતો.
મલ્લિકાર્જુન ખડગેએ કહ્યું, પીએમ મોદી હંમેશા પોતાના વિશે વાત કરે છે. મોદી દરેક ચૂંટણીમાં દેખાઇ જાય છે, તો શું રાવણની જેમ તેમના પણ ૧૦૦ ધડ છે?
ખડગેના નિવેદન પર ભાજપ આક્રમક બની ગયું છે. બીજેપી પ્રવક્તા સંબિત પાત્રાએ કહ્યું કે, ‘પીએમ મોદીને રાવણ કહેવું ઘોર અપમાન છે. મલ્લિકાર્જુન ખડગેએ સમગ્ર ગુજરાતનું અપમાન કર્યું છે. આ નિવેદન માત્ર ખડગેનું નથી પરંતુ સોનિયા ગાંધી અને રાહુલ ગાંધીનું છે.
સોનિયાના ઈશારે પીએમનું અપમાન કરવામાં આવ્યું છે. સોનિયાએ મોદીને મોતના સોદાગર ગણાવ્યા હતા. મિસ્ત્રીએ મોદીને તેમની ઔકાદ બતાવવાની વાત કરી હતી. પીએમ મોદીએ આતંકવાદને તેમની ઔકાદ બતાવી છે. આ પહેલા મલ્લિકાર્જુન ખડગે રવિવારે ચૂંટણી પ્રચાર માટે નર્મદા જિલ્લાના ડેડીયાપાડા પહોંચ્યા હતા. આ દરમિયાન તેમણે વડાપ્રધાન મોદીને જુઠ્ઠાનો સરદાર કહ્યા.
ખડગેએ કહ્યું કે મોદી પોતાને ગરીબ કહીને સહાનુભૂતિ મેળવવાનો પ્રયાસ કરે છે. તેઓ પોતાને ગરીબ કહે છે, પણ અમે તો અસ્પૃશ્ય છીએ. લોકો તેમના હાથની ચા તો પીવે છે, મારી તો ચા પણ કોઈ પીતું નથી. ખડગેએ કહ્યું કે જાે તમે સહાનુભૂતિ મેળવવા માટે આવું કરો છો.
તો તમને જણાવી દઈએ કે લોકો ખૂબ જ સ્માર્ટ હોય છે. તમે કેટલી વાર જૂઠું બોલશો. ખડગેએ કહ્યું, તેઓ અમને પૂછે છે, ખાસ કરીને મોદીજી અને અમિત શાહ, અમે ૭૦ વર્ષમાં શું કર્યું? અરે ભાઈ, અમે ૭૦ વર્ષમાં કંઈ ન કર્યું હોત તો તમને લોકોને લોકશાહી ન મળી હોત.
સંબિત પાત્રાએ વધુમાં કહ્યું કે, ‘ગાંધી પરિવાર પીએમ મોદીને નફરત કરે છે. અલકા લાંબાએ અપશબ્દો પણ કહ્યાં હતા. ગાળનો અર્થ એ છે કે કંઈક સારું થઈ રહ્યું છે. ટુકડે ટુકડે ગેંગ ગાળો આપે તો સ્પષ્ટ થાય છે કે દેશ એક થયો છે. ગાળનો બદલો મત દ્વારા લેવાનો છે. ગુજરાતની જનતા આ અપમાનનો બદલો પોતાના વોટથી આપશે.
