તહેસીન અને મોનિકાએ શેર કરી મેટરનિટી ફોટોશૂટની સુંદર તસવીરો
મુંબઈ, બિગ બોસ ૧૩ અને લોક-અપ જેવા રિયાલિટી શોથી ઓળખ મેળવનાર તહેસીન પૂનાવાલા જલ્દી જ પિતા બનવાનો છે. તેની પત્ની મોનિકા વાડરા પૂનાવાલા પ્રેગ્નેન્ટ છે. કપલે સોશિયલ મીડિયા પર મેટરનિટી શૂટની કેટલીક ખાસ તસવીરો શેર કરીને આ ગુડ ન્યૂઝ આપ્યા છે.
ફેન્સ ઉપરાંત કપલના સેલિબ્રિટી ફ્રેન્ડસે પણ તેમને શુભકામના અને અભિનંદ આપ્યા છે. ઈન્સ્ટાગ્રામ પર મોનિકા અને તહેસીને મેટરનિટી શૂટની તસવીરો શેર કરી છે. એક તસવીર બ્લેક એન્ડ વ્હાઈટ છે. જેમાં મોનિકાએ ક્રોપ ટોપ અને પેન્ટ પહેર્યા છે.
જ્યારે તહેસીને ટી-શર્ટ અને જિન્સ પહેર્યું છે. તહેસીન અને મોનિકાએ બેબી બંપ પર હાથ મૂકીને હાર્ટ બનાવ્યું છે. જ્યારે બીજી તસવીરમાં તહેસીન પત્નીના બેબી બંપને કિસ કરતો જાેવા મળે છે.
આ તસવીરો શેર કરતાં કપલે લખ્યું, “અમારો પર્ફેક્ટ ટ્રાયો. બેબી પૂનાવાલાનું આગમન ૨૦૨૩ની વસંત ઋતુમાં થશે.” સાથે જ તેમણે #blessed, #babyonboard, #photooftheday જેવા હેશટેગ અને હાર્ટ શેપ ઈમોજી મૂક્યા છે. એક્ટર વિન્દુ દારાસિંહ, નૌરીન ડીવુલ્ફ, પોલિટિશિયન તેજિન્દર પાલ સિંહ બગ્ગા વગેરે જેવા સેલેબ્સે કોમેન્ટ કરીને બંનેને અભિનંદન આપ્યા છે. ફેન્સ પણ કપલ પર શુભેચ્છાઓનો વરસાદ કરી રહ્યા છે.
જણાવી દઈએ કે, તહેસીન પૂનાવાલા રિયાલિટી શો ‘બિગ બોસ’ની ૧૩મી સીઝનમાં જાેવા મળ્યો હતો. આ સીઝનનો વિજેતા સ્વર્ગસ્થ એક્ટર સિદ્ધાર્થ શુક્લા બન્યો હતો. આ સિવાય સીઝનમાં શહેનાઝ ગિલ, દેવોલીના ભટ્ટાચાર્જી, હિમાંશી ખુરાના વગેરે હતા. જે બાદ તે હાલમાં જ ‘લોક-અપ’માં જાેવા મળ્યો હતો. જેમાં તેણે કરેલા કેટલાક ચોંકાવનારા ખુલાસાને લઈને તે ચર્ચામાં રહ્યો હતો.
આ શોમાં તહેસીન પૂનાવાલા ઉપરાંત પૂનમ પાંડે, કરણવીર બોહરા, સિદ્ધાર્થ શર્મા, અંજલી અરોરા, મુન્નવર ફારુકી, પાયલ રોહતગી, બબીતા ફોગટ, શિવમ શર્મા, સારા ખાન, અલી વગેરે જેવા સેલિબ્રિટીઝ જાેવા મળ્યા હતા. આ શો ઓટીટી પ્લેટફોર્મ પર પ્રસારિત કરવામાં આવ્યો હતો.SS1MS
