ટ્રેક્ટર ટક્કર મારતાં તુફાન ગાડીની થઈ આવી હાલત

(તસ્વીરઃ મનોજ મારવાડી, ગોધરા) ગોધરા તાલુકાના મહુલીયા ગામ પાસે ગત મોડી રાત્રે ટ્રેક્ટર અને તુફાન ગાડી વચ્ચે અકસ્માત સર્જાયો હતો.

સર્જાયેલા અકસ્માતમાં તુફાન ગાડીના કુરચે કુરચા બોલી ગયા હતા. જેમાં બે વાહન ચાલકો ને ગંભીર ઇજાઓ થતા ગોધરા સિવિલ હોસ્પિટલ ખાતે ખસેડવામાં આવ્યા હતા. જેમાં એક વ્યક્તિ વધુ ગંભીર ઈજા પહોંચી હોવાથી વડોદરા રીફર કરવામાં આવ્યો હતો.

ગોધરા તાલુકાના દમાવાવ રોડ ઉપર આવેલ મહુલીયા ગામ પાસે ગત મોડી રાત્રે ટ્રેક્ટર અને તુફાન ગાડી વચ્ચે ગમખ્વાર અકસ્માત સર્જાયો હતો ગોધરા તરફથી આવી રહેલ ટ્રેક્ટર સાથે દમાવાવ રોડ તરફથી આવી રહેલ તુફાન ગાડી સાથે ટ્રેક્ટર ની ટોલી સાથે તુફાન ગાડી ભટકાતા આ ગંભીર અકસ્માત સર્જાયો હતો

જેમાં બંને વાહનો ફંગોળાઈને રોડ ઉપર પડ્યા હતા અને બંને વાહન ચાલકોના ડ્રાઇવરો ગંભીર રીતે ધવાયા હતા અને સાથે બેઠલ શખ્સને પણ સામાન્ય ઇજાઓ પહોંચી હતી જેઓને સારવાર અર્થે ગોધરા સિવિલ હોસ્પિટલ ખાતે ખસેડવામાં આવ્યા હતા.

આ અકસ્માતની જાણ થતા આજુબાજુના ગામના લોકો ઘટના સ્થળે દોડી આવ્યા હતા.અને ટ્રાફિક જામના દ્રશ્યો સર્જાયા હતા ઈજાગ્રસ્તો ને ગોધરા સિવિલ હોસ્પિટલ ખાતે જરૂરી સારવાર આપવામાં આવી હતી.