પંજાબમાં પેટ્રોલ-ડીઝલના ભાવમાં વધારોઃ ઓઇલ પર વેટ વધાર્યો

પેટ્રોલના ભાવ રૂપિયા ૧૦૦ની આસપાસ પહોંચી ગયા

ચંદીગઢ, પંજાબમાં સામાન્ય માણસ પર મોંઘવારીનો બોજ હવે પહેલા કરતા વધુ રહેશે. અહીં આમ આદમી પાર્ટીની ભગવંત માન સરકારે પેટ્રોલિયમ ઉત્પાદનો પર વેલ્યુ એડેડ ટેક્સ (વેટ) વધાર્યો છે. આ સાથે હવે રાજ્યભરમાં પેટ્રોલ અને ડીઝલના ભાવમાં પણ વધારો થયો છે.

નવા દર બાદ પેટ્રોલની કિંમત લગભગ ૧૦૦ રૂપિયા પ્રતિ લીટર સુધી પહોંચી ગઈ છે. પંજાબ સરકારના વેટમાં વધારો કર્યા બાદ હવે પેટ્રોલની કિંમત ૯૮.૬૫ રૂપિયા પ્રતિ લીટર અને ડીઝલની કિંમત ૮૮.૯૫ રૂપિયા પ્રતિ લીટર થશે. આ પેટ્રોલની કિંમત પંજાબના પડોશી રાજ્યો હરિયાણા અને હિમાચલ પ્રદેશ, કેન્દ્રશાસિત પ્રદેશો ચંદીગઢ અને જમ્મુ-કાશ્મીર કરતા વધારે છે. જ્યારે તે રાજસ્થાન કરતાં ઘણું ઓછું છે.

પંજાબ સરકારે પેટ્રોલ અને ડીઝલ પર વેટમાં ૧૦ ટકાનો વધારો કર્યો છે. આવી સ્થિતિમાં હવે પેટ્રોલની કિંમત પ્રતિ લીટર ૯૨ પૈસા વધુ થશે. જ્યારે ડીઝલ સામાન્ય માણસને પહેલા કરતા ૮૮ પૈસા પ્રતિ લીટર મોંઘુ પડશે.

જાે કે હવે પડોશી રાજ્યો અને કેન્દ્રશાસિત પ્રદેશ પંજાબમાં પેટ્રોલની કિંમતમાં ઘટાડો થયો છે. પંજાબ પેટ્રોલ પંપ ડીલર્સ એસોસિએશનના જણાવ્યા અનુસાર, તે હવે કેન્દ્રશાસિત પ્રદેશ ચંદીગઢમાં ૯૬.૨૦ રૂપિયા પ્રતિ લિટર અને જમ્મુ-કાશ્મીરમાં ૯૭.૫ રૂપિયા પ્રતિ લિટર હશે. તે જ સમયે, હિમાચલ પ્રદેશમાં પેટ્રોલની કિંમત ૯૬.૨૯ રૂપિયા અને હરિયાણામાં ૯૭.૩૪ રૂપિયા પ્રતિ લિટર હશે. રાજસ્થાન એકમાત્ર એવું પડોશી રાજ્ય છે જ્યાં એક લિટર પેટ્રોલની કિંમત ૧૦૦ રૂપિયાથી વધુ છે.