સૈફ અલી ખાનનો રેકોર્ડ હજુ સુધી કોઈ અભિનેતા તોડી શક્યો નથી

મુંબઈ, બોલિવૂડના દિગ્ગજ કલાકારોની યાદીમાં સૈફ અલી ખાનનું નામ હજુ પણ સામેલ છે. તેણે પોતાના જાેરદાર અભિનયથી અત્યાર સુધી લોકોનું દિલ જીત્યું છે અને તે ૩૦ થી સતત ફિલ્મોમાં સક્રિય છે.

હવે લોકોને OTT  પર પણ સૈફનો જાદુ જાેવા મળ્યો છે. તમને જણાવી દઈએ કે, સૈફના નામે હજુ પણ એક એવો રેકોર્ડ છે, જેને બોલિવૂડના ઘણા કલાકારો તોડી શક્યા નથી. બોક્સ ઓફિસ ઈન્ડિયાના ‘હિટ કાઉન્ટ એક્ટર ઓલ ટાઈમ’ લિસ્ટમાં સૈફનું નામ ૭માં નંબર પર છે. તો ચાલો હવે તમને જણાવીએ કે બોક્સ ઓફિસ પર હિટ ફિલ્મો આપવાના મામલે કયા પ્રખ્યાત કલાકારો તેમની પાછળ છે. સૈફનું નામ આ લિસ્ટમાં ૭મા નંબર પર છે.

હવે તેના ખાતામાં કુલ ૧૨ પોઈન્ટ છે, જેમાં ૨ બ્લોકબસ્ટર, ૧ સુપરહિટ અને ૯ હિટ ફિલ્મોનો સમાવેશ થાય છે. રિતિકની વાત કરીએ તો તે આ લિસ્ટમાં ૧૦માં નંબર પર છે. હા, આ બાબતમાં તે સૈફથી ઘણો નીચે છે.

અત્યાર સુધી તેના ખાતામાં ૧૦ પોઈન્ટ છે, જેમાં ૧ સુપર બ્લોકબસ્ટર, ૫ બ્લોકબસ્ટર, ૨ સુપરહિટ અને ૨ હિટ ફિલ્મોનો સમાવેશ થાય છે. આ યાદીમાં રણબીર કપૂર ૧૮માં નંબરે છે. અત્યાર સુધી તેના ખાતામાં માત્ર ૬ નંબર જ દર્શાવવામાં આવ્યા છે, જેમાં ૧ સુપર બ્લોકબસ્ટર, ૧ બ્લોકબસ્ટર, ૩ સુપરહિટ અને ૧ હિટ ફિલ્મનો સમાવેશ થાય છે. હવે રણવીર સિંહની વાત કરીએ તો તે આ લિસ્ટમાં ૨૩માં નંબર પર છે.

અત્યાર સુધી તેના ખાતામાં ૫ પોઈન્ટ છે, જેમાં ૨ બ્લોકબસ્ટર અને હિટ ફિલ્મોનો સમાવેશ થાય છે. જ્યારે આ લિસ્ટમાં શાહિદ કપૂર ૨૫માં નંબરે છે. તેના ખાતામાં કુલ ૪ પોઈન્ટ્‌સ દેખાય છે, જેમાં ૧ સુપર બ્લોકબસ્ટર, ૨ બ્લોકબસ્ટર અને ૧ હિટ ફિલ્મનો સમાવેશ થાય છે.SS1MS