“માધવ મિશ્રા”ની ‘ક્રિમિનલ જસ્ટિસ’ની ચોથી સીઝન ટૂંક સમયમાં આવશે

હોટસ્ટાર અને અપ્લાઉઝ પ્રોડક્શનના ઇન્સ્ટાગ્રામ સહિતના સોશિયલ મીડિયા પેજ પર એક વીડિયો પોસ્ટ કરીને આ ચોથી સીઝન અંગે જાહેરાત કરવામાં આવી છે

મુંબઈ,  પંકજ ત્રિપાઠીની ઘણી લોકપ્રિય વેબ સિરીઝમાંની એક ‘ક્રિમિનલ જસ્ટિસ’ છે. અત્યાર સુધીમાં તેની ત્રણ સીઝન આવી ચૂકી છે. દર્શકો તેની ચોથી સીઝન માટે ઘણા લાંબા સમયથી રાહી જોઈ રહ્યાં હતાં. ત્યારે શોના મેકર્સ દ્વારા તેની ચોથી સીઝનની જાહેરાત કરાઈ છે.

હોટસ્ટાર અને અપ્લાઉઝ પ્રોડક્શનના ઇન્સ્ટાગ્રામ સહિતના સોશિયલ મીડિયા પેજ પર એક વીડિયો પોસ્ટ કરીને આ ચોથી સીઝન અંગે જાહેરાત કરવામાં આવી છે. આ વીડિયોમાં કોર્ટરૂમનું દૃશ્ય બતાવવામાં આવ્યું છે, જેમાં એક કેસ ચાલી રહ્યો છે. પંકજ ત્રિપાઠી આ કેસ લડતા દેખાય છે, જેમાં તે બોલે છે,“યોર ઓનર, એક પ્રખ્યાત ડૉક્ટર” ત્યાર બાદ તે કૅમેરા સામે આવીને કહે છે કે,

Court jaari hai, aur naye season ki taiyyari bhi ⚖️
Aa rahe hai Madhav Mishra, #HotstarSpecials #CriminalJustice ke naye season ke saath, sirf @DisneyPlusHS pe 🤩#CriminalJusticeOnHotstar #NewSeason pic.twitter.com/L523CaNik8

— Applause Entertainment (@ApplauseSocial) May 17, 2024

“એ..પ્લીઝ.. શશશ..કોર્ટ ચાલે છે, તમે અહીંથી નીકળો. જાઓ.” ત્યાર બાદ તે કૅમેરા સામે આવીને કહે છે કે, “અમે બહુ જલદીથી પાછા આવી રહ્યા છીએ, તમને મળીશું. હવે પ્લીઝ અહીંથી જાઓ.” હોટ્‌સ્ટારના શો ‘ક્રિમિનલ જસ્ટિસ નવી સીઝન ટૂંક સમયમાં’ આવી એક સ્લેટ સાથે આ વીડિયો અટકે છે. આ વીડિયો સાથેની કેપ્શનમાં લખ્યું હતું કે, “કોર્ટ જારી હે, ઔર નયે સીઝન કી તૈયારી ભી, આ રહે હે માધવ મિશ્રા, હોટસ્ટાર સ્પેશિયલ્સ ક્રિમિનલ જસ્ટિસ કે નયે સીઝન કે સાથ!”

આ પોસ્ટ પર ફૅન્સ દ્વારા ખૂબ ઉત્સુકતા અને ઉત્સાહભર્યા પ્રતિસાદ આપવામાં આવ્યો હતો. આ સિરીઝની પહેલી, બીજી અને ત્રીજી સીઝન ૨૦૧૯, ૨૦૨૦ અને ૨૦૨૨માં આવી હતી. ૨૦૨૨ની સીઝન પહેલાં સિરીઝના ડિરેક્ટર સમીર નાયરે જણાવ્યું હતું કે, “આ નવો શો અને નવી સ્ટોરી છે.

તેથી પડકાર તો પહેલી સીઝન જેટલાં જ દરેક સીઝનમાં હોય છે. તમે અપેક્ષાઓના ભાર તળે દબાઈ ન જાઓ અને દર્શકોને ઓછા આંકવાની કોશિશ ન કરો.” આ જ ઇન્ટરવ્યુ દરમિયાન તેમણે ચોથી સીઝનન ખાતરી પણ આપી હતી.