મુખ્યમંત્રીએ વિકાસ સપ્તાહ અંતર્ગત IT અને ITeS પોલિસીમાં ફેરફાર જાહેર કર્યા
(પ્રતિનિધિ) અમદાવાદ, મુખ્યમંત્રી ભૂપેન્દ્રભાઈ પટેલ દ્વારા ‘વિકાસ સપ્તાહ’ અંતર્ગત રાજ્યની IT અને ITeS પોલિસીમાં વ્યાપક ફેરફારો જાહેર કરવામાં આવ્યા. વડાપ્રધાન નરેન્દ્રભાઈ મોદીના વિઝનને અનુરૂપ ઈનોવેશનને પ્રોત્સાહન આપીને ઉભરતી ટેકનોલોજી માટે વધુ સુદ્રઢ ઇકોસિસ્ટમ ઉભી કરવાની નેમ સાથે પ્રવર્તમાન પોલિસીમાં મહત્વપૂર્ણ ફેરફારો કરવામાં આવ્યા છે મુખ્યમંત્રી ભૂપેન્દ્ર ભાઈ પટેલના જણાવ્યા મુજબ IT ઈન્ફ્રાસ્ટ્રક્ચર માટે CAPEX પ્રોત્સાહનો 25% થી વધારીને 30% કરવામાં આવ્યા છે. OPEX સપોર્ટ અને વિશેષ પ્રોત્સાહનો તમામ પાત્ર સંસ્થાઓ માટે ઉપલબ્ધ રહેશે.
આ પોલિસીના સુધારા ICT અને ડીપ ટેક ઇન્ક્યુબેટર્સ માટે CAPEX અને OPEX સપોર્ટ આપશે. ICT અને ડીપ ટેક એક્સિલરેટર્સ માટે રોકાણની સુવિધા પૂરી પાડશે. અને R&D, પ્રોટોટાઇપ બનાવટ અને ઉત્પાદન વિકાસ, પેટન્ટ ફાઇલિંગ, ગુણવત્તા જેવા ક્ષેત્રોમાં ICT અને ડીપ ટેક સ્ટાર્ટઅપ્સને સહાય અપાશે. સર્ટિફિકેશન, લીઝ રેન્ટલ અને વહેંચાયેલ ઈન્ફ્રાસ્ટ્રક્ચર વગેરેને પણ આવરી લેવાશે.
આ પોલિસી દ્વારા IT ક્ષેત્રના ગ્લોબલ ઇન-હાઉસ સેન્ટર્સ (GIC)/ગ્લોબલ કેપેબિલિટી સેન્ટર્સ (GCC) માટે પ્રોત્સાહનો પણ પૂરા પાડવામાં આવશે. GIC/GCC IT ઈન્ફ્રાસ્ટ્રક્ચર માટે 30% CAPEX સપોર્ટ, નોન-IT ઈન્ફ્રાસ્ટ્રક્ચર માટે 20% CAPEX સપોર્ટ, 15% OPEX સપોર્ટ અને રોજગાર નિર્માણ પ્રોત્સાહન, વ્યાજ સબસિડી, ઇલેક્ટ્રિક ડ્યુટી પ્રોત્સાહન જેવા વિશેષ પ્રોત્સાહનો માટે પાત્ર હશે. અને આત્મનિર્ભર ગુજરાત રોજગાર સહાય હેઠળ EPF સપોર્ટ અપાશે.
આર્ટિફિશિયલ ઈન્ટેલિજન્સ (AI), મશીન લર્નિંગ (ML), ઈન્ટરનેટ ઓફ થિંગ્સ (IoT), બ્લોકચેન, બિગ ડેટા અને ડેટા સાયન્સ, ઓગમેન્ટેડ રિયાલિટી (AR), વર્ચ્યુઅલ રિયાલિટી (VR) અને મિક્સ્ડ રિયાલિટી (MR)માં ડીપ-ટેક ડેવલપમેન્ટને આગળ વધારવા માટે MR અને ક્વોન્ટમ કમ્પ્યુટિંગ નીતિ અને ડીપ ટેક સેન્ટર ઓફ એક્સેલન્સની સ્થાપનાની દરખાસ્ત પણ આ પોલિસી સુધારામાં સમાવિષ્ટ છે, આના પરિણામે AI-આધારિત ઉકેલો માટે અત્યાધુનિક ઈન્ફ્રાસ્ટ્રક્ચર પ્રદાન થશે અને ઉદ્યોગ-તૈયાર પ્રતિભાને પ્રોત્સાહન મળશે.
ખાસ કરીને ટાયર-3 અને તેનાથી ઉપરના ડેટા કેન્દ્રો હવે CAPEX સપોર્ટ, OPEX સપોર્ટ અને વિશેષ પ્રોત્સાહનો માટે પાત્ર છે. CAPEX અને OPEXના સંદર્ભમાં IT પાર્ક માટે પણ સપોર્ટ આપશે.
