ભારતીય વાયુ સેનાએ વિઝાગ ગેસ ગળતરની ઘટનામાં આવશ્યક રસાયણોનો જથ્થો એરલિફ્ટ કર્યો

આંધ્રપ્રદેશ સરકારના ઉદ્યોગો અને વ્યાપાર વિભાગ દ્વારા કરવામાં આવેલી વિનંતીના પગલે, ભારતીય વાયુ સેનાએ આંધ્રપ્રદેશના વિઝાગમાં એલ.જી. પોલીમર ખાતે સ્ટાઇરિન મોનોમર સ્ટોરેજ ટેન્કમાં થયેલી ગેસ ગળતરની ઘટનાને અસરકારક રીતે અંકુશમાં લેવા માટે જરૂરી આવશ્યક રસાયણોનો 8.3 ટન જથ્થો એરલિફ્ટ કરીને પહોંચાડ્યો હતો. આ ઉપરાંત, કોવિડ-19ના મહામારીના કારણે ભારત સરકારની ઉભી થતી માંગના ભાગરૂપે ભારતીય વાયુ સેના સતત રાજ્ય સરકારોને આવશ્યક પૂરવઠો પહોંચાડવામાં અને ચેપ નિયંત્રણ માટે કાર્યરત એજન્સીઓને મદદરૂપ થવા માટે શક્ય એટલી મદદ કરે છે. 25 માર્ચ 2020ના રોજ ભારત સરકારને મદદરૂપ થવા માટે ભારતીય વાયુ સેનાએ ઓપરેશન્સ શરૂ કર્યા ત્યારથી અત્યાર સુધીમાં 703 ટન જથ્થાનું વાયુ માર્ગે પરિવહન કર્યું છે.