પ્રેગ્નેન્ટ કરીના કપુરે શેર કરી બેબી બંપની તસવીર
મુંબઈ: કરીના કપૂર ખાન પાછલા થોડા દિવસોથી પોતાની ફિલ્મો કરતા વધારે બીજીવારની પ્રેગ્નેન્સીને લઈને ચર્ચામાં છે. જાેકે પ્રેગ્નેન્સી દરમિયાન પણ કરીનાએ પોતાનું કામ નથી અટકાવ્યું. ગયા મહીને જ તેણે પોતાની આવનારી ફિલ્મ લાલ સિંહ ચઢ્ઢનું શૂટિંગ પૂરું કર્યું છે. હવે તેણે એક સ્પોટ્સ વેર બનાવતી કંપની માટે એડ શૂટ કરી છે. કરીનાએ આ શૂટ દરમિયાન એક સેલ્ફી સોશિયલ મીડિયા પર શેર કરી છે.
આ સેલ્ફીમાં કરીના કપૂર સ્પોર્ટ્સ વેરમાં દેખાય છે અને પહેલીવાર તેનો બેબી બમ્પ ઓપન દેખાય છે. કરીનાએ આ તસવીર શેર કરતા લખ્યું કે સેટ પર પરથી અમે બંને. કરીનાની આ તસવીરને ફેન્સ અને સેલેબ્સ ઘણી પસંદ કરી રહ્યા છે. કરીના કપૂરની આ સેલ્ફી રણબીર કપૂરની મોટી બહેન રિદ્ધિમા સાહની, મસાબા ગુપ્તા, અમૃતા અરોડા, મનીષ મલ્હોત્રા, કિયારા અડવાણી, સાનિયા મિર્ઝા, મૃણાલ ઠાકુર જેવી ઘણી સેલેબ્રિટીઝની કોમેન્ટ્સ પણ આવી છે.
આ દરમિયાન વર્ક ફ્રંટની વાત કરીએ તો કરીના છેલ્લે અક્ષય કુમાર, કિયારા અડવાણી અને દિલજીત દોસાંઝ સાથે ફિલ્મ ગુડ ન્યુઝમાં દેખાઈ છે. હવે તે આમીર ખાન સાથે આગામી ફિલ્મ લાલ સિંહ ચઢ્ઢામાં દેખાશે. આ ઉપરાંત કરણ જાેહરની મલ્ટી સ્ટારર ફિલ્મ તખ્ત પણ કરીનાએ સાઇન કરી છે.
