ભારતીય જનતા પાર્ટીએ ૧૦ વોર્ડમાં પેનલ બદલી

ત્રણ પૂર્વ મેયરના વોર્ડની પેનલો કપાઈ
ભારતીય જનતા પાર્ટીએ ત્રણ કે તેથી વધુ ટર્મ, ૬૦ વર્ષ અને પરીવાર વાદ ના નિયમો જાહેર કરી ૪૮ વોર્ડ માટે ૧૯૨ ઉમેદવાર જાહેર કર્યા છે જેમાં ચાર પૂર્વ મેયર બીજલબેન પટેલ, અમિતભાઈ પટેલ, મિનાક્ષીબેન પટેલ અને ગૌતમભાઈ શાહ ની બાદબાકી થઈ છે જાે કે ગૌતમભાઈ અને મિનાક્ષીબહેન પટેલે પસદગી પ્રક્રિયા પહેલા જ ચૂંટણીન લડવા માટે જાહેરાત કરી હતી ઉમેદવારોની પસદગી બાદ ચાર પૂર્વ મેયર પૈકી ત્રણ મેયરોના વોર્ડ ની પેનલજ કપાઈ ગઈ છે તથા નવા ચહેરાઓને તક મળી છે જેમાં પાલડી વાસણા અને જાેધપુર વોર્ડનો સમાવશ થાય છે આ ઉપરાંત થલતેજ, સૈજપુર, કુબેરનગર, અસારવા, ખાડીયા, ઓઢવ અને ખોખરામાં પણ નવા ચહેરાઓને તક આપી છે આમ ભાજપાએ ૧૦ વોર્ડમાં રિપીટ થીયરીનો અમલ કર્યો છે.

પરીવારવાદના આક્ષેપ
ભારતીય જનતા પાર્ટીએ ઉમેદવારોએ પસંદગી પક્રિયા પહેલા કોઈ પણ નેતાના પુત્ર પુત્રી ભત્રીજા કે પરિવારના અન્ય સભ્યોને ટીકીટ ન આપવા જાહેરાત કરી હતી પરતુ ઉમેદવારોની જાહેર થયા બાદ કાર્યકરો દ્વારા પરિવારવાદ કરવામાં આવ્યો હોવાના આક્ષેપ કરવામાં આવી રહ્યા છે કોગ્રેસમાંથી ભાજપમાં સામેલ થયેલ રામોલ-હાથીજણ વોર્ડના કોર્પોરેટર અતુલ પટેલની ત્રણ ટર્મના કારણે બાદબાદી કરવામાં આવી છે પરતુ તેમના સ્થાને તેમનાજ પુત્ર મૌલિક પટેલને ટીકીટ આપવામાં આવી છે જ્યારે પૂર્વ મેયર કાનાજી ઠાકોર કે જેઓ પાર્લામેન્ટી બોર્ડનના પણ સભ્યો છે તેમના ભત્રીજાને પણ ટીકીટ ફાળવામાં આવી છે તેવી જ રીતે કુબેરનગર વોર્ડમાં પણ એક પૂર્વ મંત્રીના ભત્રીજાને ટીકીટ ફાળવવામાં આવી છે જ્યારે પૂર્વ મેયર કલ્પનાબેન ભટ્ટ પુત્રીને પણ નરોડા વોર્ડમાંથી ટીકીટ અપાતા સિનીયર કોર્પોરેટરો અને કાર્યકરોમાં આક્રોશ જાેવા મળ્યો હતો તેમજ જાહેરમાં આક્ષેપ પણ કરી રહ્યા હતા.