Western Times News

Gujarati News

મોટી બહેનને બચાવવા જતાં નાની બહેન-માતા સકંજામાં

નડિયાદ: નડિયાદના કપડવંજમાં આવેલા ગાડિયારા ગામમાં એક માતાએ પોતાની મોટી દીકરી સાથે દુષ્કર્મથી બાળકીનો જન્મ થયો હોવાની વાત છુપાવી અને નાની દીકરી સાથે દુષ્કર્મથી બાળકનો જન્મ થયો હોવાની પોલીસ ફરિયાદ નોંધાવી હતી. પોલીસે આરોપી અને નાની દીકરીનો ડીએનએ ટેસ્ટ કરાવતા બાળક નાની દીકરીનું ન હોવાનું સામે આવ્યું હતું. જ્યારે મોટી દીકરીના ડીએનએ સાથે બાળકનું ડીએનએ મેચ થતા નાની દીકરી અને માતા વિરુદ્ધ પોલીસે ગુનો નોંધ્યા હતો.

પોલીસના સુત્રો મુજબ, કપડવંજ તાલુકાના ગાડીયારા ગામની સીમમાં એક નવજાત બાળકી બીનવારસી હાલતમાં મળી આવી હતી. જે સંદર્ભે પોલીસે અજાણી મહિલા વિરુદ્ધ ગુનો નોંધીને તપાસ હાથ ધરી હતી. જેમાં ભોગ બનનારની માતાએ કપડવંજ પોલીસ સ્ટેશનમાં ગામના જ યુવક વિરુદ્ધ નાની દીકરીને ફોસલાવીને ગર્ભવતી બનાવવાનો આરોપ લગાવ્યો હતો. પોલીસે ભોગ બનનાર છોકરીનું નિવેદન લેતા માતાએ લખાવેલી ફરિયાદની માહિતી મળી હતી. પોલીસે

આ બાદ આરોપી યુવક, નવજાત બાળકી અને કથિત પીડિતાનું ડીએનએ સેમ્પલ લઈને એફએફએલ ગાંધીનગરમાં તપાસ માટે મોકલ્યું હતું. પોલીસે આરોપી યુવક વિરુદ્ધ ગુનો નોંધીને પોસ્કો કોર્ટમાં ચાર્જશીટ રજૂ કરી હતી. આ દરમિયાન ૨૬ ફેબ્રુઆરીએ ભોગ બનનારી છોકરી તથા તેના પેટેથી જન્મનાર નવજાત બાળકીના ડીએનએ ટેસ્ટનું સર્ટિફિકેટ આવ્યું હતું. જેમાં નવજાત બાળકીના ડીએનએ સાથે આરોપીનું ડીએનએ મેચ થયું હતું, પરંતુ છોકરી સાથે આ રિપોર્ટ મેચ થયો નહોતો.

જે બાદ પોલીસે કેસની વધારે ઊંડાણથી તપાસ કરતા ત્યજી દેવાયેલી નવજાત બાળકી તે છોકરીની નહીં પરંતુ તેની મોટી બહેનની હોવાનું સામે આવ્યું હતું. છોકરી તથા તેની માતા બંનેએ પોલીસમાં ખોટું નિવેદન લખાવ્યું હતું. છોકરીની માતાએ પોલીસને જણાવ્યું હતું કે, તે ચાર સંતાનોની માતા છે જેમાંથી સૌથી નાની દીકરી સાથે આરોપીએ શરીર સંબંધ રાખી તેને ગર્ભવતી બનાવી હતી. પરંતુ આ ઘટના મોટી દીકરી સાથે બની હતી. જે બાદ પોલીસે ભોગ બનનારી યુવતીની માતા તથા નાની બહેન વિરુદ્ધ ખોટું નિવેદન આપવા મુદ્દે ગુનો નોંધીને વધુ તપાસ હાથ ધરી છે.


Read News In Hindi

Read News in English

Copyright © All rights reserved. | Developed by Aneri Developers.