વેઈટ લોસ સરળ નથી, ખૂબ મુશ્કેલ છે :શ્વેતા તિવારી
મુંબઈ: મેરે ડેડ કી દુલ્હન ફેમ શ્વેતા તિવારીએ એક મહિના પહેલા પોતાના ફેબ ફિગરને ફ્લોન્ટ કરતી તસવીરો શેર કરીને ફેન્સને સરપ્રાઈઝ કરી દીધા હતા. હવે તેણે વધારાનું વજન કેવી રીતે ઘટાડ્યું તે વિશે જાણવા મળ્યું છે. શ્વેતાએ ઈન્સ્ટાગ્રામ સ્ટોરીમાં ગુરુવારે બે સ્ટોરી શેર કરી હતી જેમાં તે જિમમાં પોતાના ટ્રેનર સાથે વર્કઆઉટ કરતી જાેવા મળી હતી. વીડિયોમાં શ્વેતા પૂરું ધ્યાન આપીને વર્કઆઉટ કરતી દેખાઈ છે. એટલે કે, એક્ટ્રેસનું વેઈટ લોસ પાછળનું સિક્રેટ વર્કઆઉટ છે. શ્વેતા તિવારીએ જ્યારથી વજન ઉતાર્યું છે
ત્યારથી તે પોતાની ગ્લેમરસ તસવીરો ફેન્સ સાથે શેર કરી રહી છે. કેટલાકમાં તે પોતાના ટોન્ડ એબ્સ ફ્લોન્ટ કરતી તો કેટલાકમાં થાઈ-હાઈ સ્લિટ ડ્રેસમાં જાેવા મળે છે. વેઈટ લોસ કર્યા બાદ એક્ટ્રેસ વધારે હોટ દેખાઈ રહી છે અને ઈન્ડસ્ટ્રીના ફ્રેન્ડ્સ તેના વખાણ પણ કરી રહ્યા છે. મેરે ડેડ કી દુલ્હન’ની એક્ટ્રેસનું ટ્રાન્સફોર્મેશન હમણા જ થયું છે. વેઈટ લોસ જર્ની સરળ નહોતી તેવો ઉલ્લેખ પણ તેણે કર્યો હતો.
શ્વેતાએ ન્યૂટ્રિશનિસ્ટ સાથેની તસવીર શેર કરતાં લખ્યું હતું, ‘વેઈટ લોસ! સરળ નથી, ખૂબ મુશ્કેલ છે! આ માટે તમારે ખૂબ જ સમર્પણ, સેલ્ફ કંટ્રોલ અને મજબૂત મનોબળની જરૂર પડે છે. જાે કે, આ અશક્ય પણ નથી. ખાસ કરીને તમારી આ જર્ની સરળ અને મસ્તીભરી હોય ત્યારે તો નહીં જ. મને લાગે છે મારા કરતાં વધારે તેઓ મને શેપમાં પાછી લાવવા મક્કમ હતા. મારા ટ્રેનર સાથે ચર્ચા કરવી, મારી પસંદગી અને જરૂરિયાત પ્રમાણેનું ડાયટ નક્કી કરવું અને સવાર-સાંજ ફોલોઅપ લેવાનું કામ તેઓ કરતા હતા.
હું તેમના માટે ક્લાયન્ટ નહીં મિશન હતી. આજે મેં સારા સ્વાસ્થ્ય અને વજન ઘટાડવાની સિદ્ધિ મેળવી છે તે તમને આભારી છે ડૉક્ટર. શ્વેતા તિવારીના પ્રોફેશનલ ફ્રંટની વાત કરીએ તો, તે ઘણી શોનો ભાગ રહી ચૂકી છે. જેમાં કસૌટી જિંદગી કી, બિગ બોસ, બેગુસરાઈ અને પરવરિશનો સમાવેશ થાય છે. છેલ્લે તે વરુણ બડોલાના ઓપોઝિટમાં ‘મેરે ડેડ કી દુલ્હન’માં જાેવા મળી હતી.
