કૌભાંડી મેહુલ ચોકસીને લાગ્યો મોટો ઝટકો, ડોમિનિકાની કોર્ટે રદ્દ કરી જામીન અરજી
નવીદિલ્હી: ડોમિનિકાની મેજિસ્ટ્રેટ કોર્ટે ભાગેડુ હીરા વેપારી મેહુલ ચોક્સીના દેશમાં ગેરકાયદેસર પ્રવેશના કેસમાં જામીન અરજી નામંજૂર કરી છે. તે જ સમયે, હવે ચોક્સીના વકીલ વિજય અગ્રવાલે કહ્યું છે કે તેઓ આ મામલે ઉચ્ચ અદાલતમાં સંપર્ક કરશે. ચોક્સીએ કોર્ટમાં કરેલી અરજીમાં દાવો કરવામાં આવ્યો હતો કે તેનું અપહરણ કરવામાં આવ્યું હતું અને આ કેરેબિયન ટાપુ દેશમાં બળજબરીથી લાવવામાં આવ્યો હતો.
ડોમિનિકાની હાઇ કોર્ટે અગાઉ આદેશ આપ્યો હતો કે ભાગેડુ ઉદ્યોગપતિને દેશમાં ગેરકાયદેસર પ્રવેશના આરોપોનો જવાબ આપવા મેજિસ્ટ્રેટની કોર્ટમાં રજૂ કરવામાં આવે. તે જ સમયે, હવે નીચલી અદાલત આ મામલાની તપાસ કરશે. ચોક્સીના મામલા પર આગામી સુનાવણી ૧૪ જૂને થવાની છે. ચોક્સીની જામીન અરજી નામંજૂર કરતાં ફરિયાદી પક્ષે જણાવ્યું હતું કે હેબિયાસ કોર્પસ પિટિશન વ્યવસ્થિત નથી કારણ કે તે ગેરકાયદેસર રીતે દેશમાં પ્રવેશ્યો હતો અને પછીથી તેની અટકાયત કરવામાં આવી હતી.
તે જ સમયે, પંજાબ નેશનલ બેંક સાથે રૂ .૧૩ હજાર કરોડથી વધુની છેતરપિંડીના આરોપી ચોક્સીના પ્રત્યાર્પણ ની સુનાવણી આજે ડોમિનિકાની હાઇકોર્ટમાં યોજાવાની છે. ચોક્સી ૨૩ મેએ એન્ટિગુઆ અને બાર્બુડાથી રહસ્યમય રીતે ગુમ થયો હતો, જ્યાંથી તે ૨૦૧૮ થી સિવિલિયન તરીકે રહે છે. આ પછી, ૨૬ મેના રોજ, ગેરકાયદેસર રીતે ડોમિનિકામાં પ્રવેશ કરવા બદલ તેની ધરપકડ કરવામાં આવી. માનવામાં આવે છે કે તે અહીં તેની ગર્લફ્રેન્ડ સાથે પહોંચ્યો હતો.
જાે કે, ચોક્સીના વકીલોએ આરોપ લગાવ્યો છે કે ભાગેડુ ઉદ્યોગપતિની એન્ટિગુઆના જાેલી હાર્બરના કેટલાક અધિકારીઓ દ્વારા અપહરણ કરવામાં આવ્યું હતું, ત્યારબાદ તેઓ તેને ડોમિનિકા લઈ ગયા હતા. બીજી તરફ, એન્ટિગુઆ અને બાર્બુડાના વડા પ્રધાન ગેસ્ટન બ્રાઉને કહ્યું હતું કે ડોમિનિકા અને કાયદા અમલીકરણ એજન્સીઓ ચોકસીને ભારત દેશનિકાલ કરી શકે છે, કારણ કે તે ભારતીય નાગરિક છે.
પરંતુ આ માટે કોર્ટે પોતાનો ર્નિણય આપવો પડશે.ડોમિનિકાની એક મેજિસ્ટ્રેટ કોર્ટે ચોકસીને દેશમાં ગેરકાયદેસર પ્રવેશ મામલામાં તેની જામીન અરજી ફગાવી દીધી છે. જેની પર ચોકસીના વકીલ વિજય અગ્રવાલએ કહ્યું કે તેઓ ઉપલી કોર્ટના દરવાજા ખખડાવશે. ચોકસીના વકીલે આરોપ લગાવ્યો છે કે તેમના અસીલને એન્ટિગુઆના જાેલી હાર્બરથી કિડનેપ કરવામાં આવ્યા અને તેમને લગભગ ૧૦૦ નોટિકલ માઇલ દૂર એક બોટમાં બેસાડી ડોમિનિકા લાવવામાં આવ્યા.
ચોકસીના વકીલ વિજય અગ્રવાલે કહ્યું કે, અમારું માનવું છે કે મેહુલ ચોકસી ગેરકાયદેસર રીતે કસ્ટડીમાં કેમ છે. તેમને ૭૨ કલાકની અંદર મેજિસ્ટ્રેટની સમક્ષ રજૂ કરવા જાેઈતા હતા, જ્યારે આવું નથી કરવામાં આવ્યું. તેનાથી તેમના વલણની પુષ્ટિ થાય છે.ચોકસીના વકીલે કહ્યું કે, જે વિષયની સુનાવણી કરવામાં આવી રહી છે તે બંદી પ્રત્યક્ષીકરણ અરજી છે, ભારતમાં તેમને પ્રત્યર્પિત કરવાનો વિષય નથી. તેમની નાગરિકતાનો વિષય કોર્ટની સમક્ષ નથી. મીડિયાના વિવિધ અહેવાલોથી વિપરીત ભારત સરકાર વિશે કોઈ ચર્ચા જ નથી.
આ પહેલા ચોકસીની પત્ની પ્રીતિ ચોકસીએ એક સ્પેશલ ઇન્ટરવ્યૂમાં કહ્યું હતું કે, તેના પતિ ૨૩ મેની સાંજે રાતનું ભોજન લેવા માટે નીકળ્યા હતા,
પરંતુ પરત ફર્યા જ નહીં. પ્રીતિ ચોકસીએ જણાવયું કે તેમણે ચોકસીની ભાળ મેળવવા માટે દરિયાકાંઠે એક સલાહકાર અને રસોઈયાને મોકલ્યા હતા, પરંતુ કોઈ પગેરું ન મળતાં અંતે પોલીસનો સંપર્ક કર્યો હતો.મેહુલ ચોકસીની પત્નીએ કહ્યું હતું કે, હું એ જાણીને હેરાન થઈ ગઈ હતી કે ચોકસીને સાંજે લગભગ ૫.૩૦ વાગ્યે એક યાટ પર લઈ જવામાં આવ્યા અને કોઈએ આ જાેયું નહીં. તેમની કાર પણ ઘટનાસ્થળેથી ગાયબ હતી, જે બીજા દિવસ સવારે ૭.૩૦ વાગ્યે મળી હતી. તેને પોલીસને પેટ્રોલિંગ દરમિયાન મળી આવી હતી. જ્યારે પ્રીતિને મિસ્ટ્રી ગર્લ બારબરા જૈબરિકા (તેને કથિત રીતે મેહુલ ચોકસીની ગર્લફ્રેન્ડ કહેવામાં આવી રહી છે) વિશે પૂછવામાં આવ્યું તો તેમણે જણાવ્યું કે, હું જાણું છું કે જૈબરિકા ગયા વર્ષે ઓગસ્ટમાં એન્ટિગુઆ આવી હતી. ત્યાં આઇલેન્ડમાં અમારા બીજા ઘરે પણ આવી ચૂકી છે.
ત્યાંના શેફ સાથે તેની દોસ્તી થઈ ગઈ હતી.ચોક્સી એક વ્હીલચેર પર મેજિસ્ટ્રેટ સમક્ષ હાજર થયો હતો. તેણે બ્લુ ટી-શર્ટ પહેરી હતી. આ પહેલા ડોમિનિકા હાઇકોર્ટના જજ બર્ની સ્ટીફન્સને ચોક્સીની હબીસ કોર્પસ પિટિશનને લગભગ ત્રણ કલાક સુનાવણી કર્યા પછી મેજિસ્ટ્રેટ કોર્ટ સમક્ષ રજૂ કરવા આદેશ આપ્યો હતો. ચોક્સીએ દાવો કર્યો હતો કે તેની એન્ટિગુઆ અને બાર્બુડાથી અપહરણ કરવામાં આવ્યું હતું અને તેમને બળજબરીથી કેરેબિયન ટાપુ દેશ લાવવામાં આવ્યા હતા.
