ISI વડાના કાબૂલમાં ધામા, કાશ્મીરમાં નવાજૂનીનાં એંધાણ
નવી દિલ્હી, અફઘાનિસ્તાન પર તાલિબાનના કબજા પછી જાે કોઈ પણ દેશ સૌથી વધુ ખુશ છે, તો તે પાકિસ્તાન છે. તાલિબાન જલ્દીથી અફઘાનિસ્તાનમાં સત્તા સંભાળી લે તેની ચિંતા તાલિબાનથી વધુ તો પાકિસ્તાન કરે છે. પાકિસ્તાનની ગુપ્તચર સંસ્થા આઈએસઆઈના વડા પણ નવી સરકારની રચના પહેલા કાબુલ પહોંચી ગયા છે.
અફઘાનિસ્તાનમાં તાલિબાનના કબજા બાદ પાકિસ્તાનની આઈએસઆઈ મજબૂત સ્થિતિમાં માનવામાં આવે છે. જાે સંરક્ષણ સ્ત્રોતોનું માનીએ તો બદલાયેલી પરિસ્થિતિ બાદ હવે આઈએસઆઈ જમ્મુ -કાશ્મીરમાં વધુ આક્રમક રણનીતિ પર કામ કરી શકે છે.
આ વ્યૂહરચના હેઠળ તાલિબાનના અફઘાનિસ્તાન પર કબજાે મેળવ્યા પહેલા જ આઈએસઆઈ સક્રિય છે. આઈએસઆઈ છેલ્લા બે મહિનાથી જમ્મુ-કાશ્મીરમાં પાકિસ્તાન ફંડિત આતંકવાદી સંગઠન લશ્કર, જેઈએમ અને અલ-બદરના આતંકવાદીઓને ઘુસાડવાનો સતત પ્રયાસ કરી રહ્યું છે.
ભારતીય સેન્ટ્રલ સિક્યુરિટી એસ્ટાબ્લિશમેન્ટના એક સૂત્રે અમારા સહયોગી ટાઈમ્સ ઓફ ઈન્ડિયાને જણાવ્યું હતું કે અત્યારે જમ્મુ -કાશ્મીરમાં લગભગ ૨૦૦ આતંકવાદીઓ સક્રિય છે. જેમાં વિદેશી અને સ્થાનિક બંને આતંકવાદીઓનો સમાવેશ થાય છે. જાે સૂત્રોનું માનીએ તો આઈએસઆઈની સૂચના બાદ તેઓ કોઈપણ ખતરનાક ઘટનાને અંજામ આપી શકે છે.
આઈએસઆઈના ઈરાદાને જાેતા ભારતીય સુરક્ષા એજન્સીઓ પણ સક્રિય છે. આઈએસઆઈ ના પ્રયાસોને નિષ્ક્રિય કરવા માટે ભારતીય સુરક્ષા દળોએ સરહદ ગ્રીડને વધુ મજબૂત બનાવવાની સાથે સાથે પાકિસ્તાન સરહદ પર સર્વેલન્સ વધાર્યું છે. કાશ્મીરના ગામોમાં ઘૂસણખોરી કરનારા આતંકવાદીઓને સરળતાથી કોઈ સ્થાન ન મળે તે માટે ખાસ નજર રાખવામાં આવી રહી છે.
આ વર્ષે જાન્યુઆરીથી અત્યાર સુધીમાં આતંકવાદી જૂથો માટે કામ કરતાં લગભગ ૫૦૦ ઓવરગ્રાઉન્ડ વર્કર્સની ધરપકડ કરવામાં આવી હોવાનું સૂત્રોએ જણાવ્યું હતું. એક સુરક્ષા અધિકારીએ કહ્યું કે અમે વધુ શકમંદો પર નજર રાખી રહ્યા છીએ. જેમાંથી કેટલાક પોતાને રાષ્ટ્રવાદી તરીકે રજૂ કરવાનો પ્રયાસ કરે છે તે આગામી દિવસોમાં તેમની સામે પણ કાર્યવાહી કરવામાં આવી શકે છે.
એક વરિષ્ઠ ગુપ્તચર અધિકારીએ જણાવ્યું હતું કે ભારતીય એજન્સીઓ પાકિસ્તાન અને પાકિસ્તાનના કબજાવાળા કાશ્મીરમાં સરહદ પાર ઘૂસણખોરી અને આતંકવાદી લોન્ચપેડની સક્રિયતાને અફઘાનિસ્તાનની ઘટનાઓ સાથે જાેડતી નથી. તેઓ કહે છે કે આ તો આઈએસઆઈના ગેમપ્લાનનો એક ભાગ છે. ફાઇનાન્શિયલ એક્શન ટાસ્ક ફોર્સ (એફએટીએફ) દ્વારા બ્લેકલિસ્ટ થવાના ડરથી આઇએસઆઇ અલગ રીતે કામ કરી રહી છે.
જાે કે, તાલિબાન અને તેની પશ્ચિમી સરહદ પર કાર્યરત જૂથો સાથે આઈએસઆઈ ના જાેડાણને કારણે અમેરિકી સૈન્ય તેમજ અફઘાનિસ્તાન પ્રશિક્ષિત આતંકવાદી કેડરો દ્વારા કેટલાક શસ્ત્રો અને લશ્કરી સાધનો પાછળ છોડી દેવામાં આવ્યા છે તે ખરેખર ચિંતાનું કારણ છે. જમ્મુ -કાશ્મીર પોલીસ સૂત્રોનું કહેવું છે કે જુલાઈથી ઉત્તર કાશ્મીર અને જમ્મુ ક્ષેત્રમાં સરહદે ઘૂસણખોરી વધી છે.
બાંદીપુર, કુપવાડા અને બારામુલ્લામાં આતંકવાદી લોન્ચપેડ અને ઘૂસણખોરીના માર્ગોમાં વધારો થયો છે જ્યારે આતંકવાદી પ્રવૃત્તિઓ મોટાભાગે દક્ષિણ કાશ્મીરમાં કેન્દ્રિત છે. એક સૂત્રએ જણાવ્યું હતું કે વિદેશી આતંકવાદીઓ અને ડ્રગ સ્મગલર્સ સામાન્ય રીતે ઉત્તર કાશ્મીરમાંથી ઘૂસણખોરી કરે છે અને દક્ષિણમાં આવતા પહેલા ત્યાંના સ્થળોએ છુપાયેલા રહે છે. દક્ષિણ કાશ્મીર તરફ જતા ઘુસણખોરોની પ્રવૃત્તિ વધી છે.
વિદેશી આતંકવાદીઓની નજર મોટાભાગે અનંતનાગ, શ્રીનગર અને શોપિયાં જેવા જિલ્લાઓ પર છે. તેમને આ જિલ્લાઓમાં મદદ પણ મળે છે. તે પોતાની ટીમમાં આ જિલ્લાઓના છોકરાઓનો સમાવેશ કરે છે. જમ્મુ અને કાશ્મીરમાં સુરક્ષા સંસ્થાઓ વચ્ચે એક નવી ચિંતા એ છે કે જેઓ સ્થાનિક છે તેમની આતંકવાદી પ્રવૃત્તિઓમાં તેમની ભૂમિકા મર્યાદિત છે.
તેઓનો ઉપયોગ આતંકવાદી સંગઠનો દ્વારા ગ્રેનેડ ફેંકવા જેવા કાર્યો માટે જ કરવામાં આવી રહ્યો છે. એક પોલીસ અધિકારીએ જણાવ્યું હતું કે આ સ્થાનિકોને એક વારના કામ માટે મોટી એવી ચૂકવણી કરવામાં આવે છે. આવા લોકોની ભૂમિકા ખૂબ મર્યાદિત હોય છે અને પછી તેઓ સરળતાથી પોતાની વસ્તીમાં પાછા ફરે છે. તેથી તેમને ટ્રેક કરવાં, પકડવા અને કાર્યવાહી કરવી મુશ્કેલ બની જાય છે.SSS
