ફ્રેશવર્કસ ઇન્ક કંપનીના ૫૦૦ કર્મચારી કરોડપતિ
વોશિંગ્ટન, બિઝનેસ સોફ્ટવેર ફર્મ ફ્રેશવર્કસ ઇન્કએ બુધવારે અમેરિકન એક્સચેન્જ નાસ્ડેક પર ધમાકા સાથે એન્ટ્રી કરી હતી. આ સાથે કંપનીએ તેના ૫૦૦ કર્મચારીઓને કરોડપતિ બનાવ્યા છે. તેમાંથી ૬૯ કર્મચારી ૩૦ વર્ષથી ઓછી ઉંમરના છે. નાસ્ડેક પર સૂચિબદ્ધ થનાર ભારતની પ્રથમ સોફ્ટવેર એજ સર્વિસ (સાસ) અને યુનિકોર્ન કંપની છે. ગિરીશ માતૃભૂતમની કંપનીના શેર્સ તેની ઇશ્યૂ પ્રાઇસ કરતાં ૨૧ ટકાના પ્રીમિયમ સાથે નાસ્ડેક ઇન્ડેક્સમાં લિસ્ટિંગ થયા છે. આ સાથે કંપનીનું માર્કેટ કેપ ૧૨ અબજ ડોલરની ઉપર પહોંચી ગયું છે.
તેમણે કહ્યું કે ફ્રેશવર્ક પબ્લિક કંપની બનતા કંપનીના ૫૦૦ કર્મચારીઓ કરોડપતિ બન્યા છે જેમાંથી ૬૯ ની ઉંમર ૩૦ વર્ષથી ઓછી છે. ફ્રેશવર્કસના બે તૃતીયાંશ કર્મચારીઓ શેરધારકો છે. કંપનીના કો -ફાઉન્ડર અને સીઇઓ માતૃભુતમે કહ્યું કે, જેણે કંપની બનાવવા માટે રાત -દિવસ મહેનત કરી હતી તેને પુરસ્કાર મળવો જાેઈએ.
ભારતમાં અમારા ૫૦૦ થી વધુ કર્મચારીઓ કરોડપતિ બનશે. તેમાંથી ૬૯ ની તો ઉંમર ૩૦ વર્ષથી ઓછી છે. કંપનીને ભારતને બદલે યુ.એસ.ના શેરબજારમાં લિસ્ટ કરવા અંગે તેમણે કહ્યું કે ફ્રેશવર્કસ તેની શરૂઆતથી વૈશ્વિક કંપની છે. તેના ગ્રાહકો ૧૨૦ થી વધુ દેશોમાં છે અને કંપનીની મોટાભાગની આવક અમેરિકાથી આવે છે.
દિગ્ગજ ક્રિકેટર રિવચંદ્રન અશ્વિનને આપેલા એક ઈન્ટરવ્યુમાં માતૃભૂતમે કહ્યું હતું કે તેઓ બિઝનેસ ફેમિલીમાંથી આવતા નથી. તેના પિતા બેંકમાં કામ કરતા હતા. મેં પોતે એક સોફ્ટવેર કંપનીમાં કામ કર્યું છે. તેથી જ હું એક સામાન્ય કર્મચારીના સપનાને સારી રીતે સમજું છું. મેં મારી પત્નીને કહ્યું હતું કે હું મારા માટે બીએમડબલ્યુ ખરીદવા આ કંપની શરૂ કરી રહ્યો નથી, પણ હું ઇચ્છું છું કે દરેક કર્મચારી પાસે બીએમડબલ્યુ હોય. સ્વપ્ન જાેવું એ સફળતાનું પ્રથમ પગલું છે.
કંપનીની સફળતાનો શ્રેય તેના તમામ કર્મચારીઓને આપતાં તેમણે કહ્યું કે, કર્મચારીઓના યોગદાન બદલ હું તેમનો આભારી છું. હું માનું છું કે ફ્રેશવર્ક બનાવવામાં માત્ર મારી જ ભૂમિકા નથી, પણ આમે બધા સાથે મળીને બનાવી છે. દેશના સૌથી સફળ સોફ્ટવેર સ્ટાર્ટઅપ ફાઉન્ડર્સ પૈકી એક, માતૃભૂતમ તમિલ સુપરસ્ટાર રજનીકાંતના ડાયહાર્ટ ફેન છે. રજનીકાંત પ્રત્યેનો તેમની દિવાનગી એ હદ સુધી છે કે જ્યારે પણ રજનીકાંતની નવી ફિલ્મ રિલીઝ થાય છે ત્યારે તેઓ ચેન્નાઈમાં પોતાની કંપનીના કર્મચારીઓ માટે આખો સિનેમા હોલ બુક કરે છે.
ભલે તેઓ પોતાના વ્યવસાયને પાંખો આપવા અમેરિકા ગયા હશે, પરંતુ રજનીકાંત પ્રત્યે તેમની દિવાનગી હજુ પણ યથાવત છે. આ માટે જ તેમણે પોતાના આઈપીઓ પ્રોજેક્ટને સુપરસ્ટાર નામ આપ્યું હતું. ફ્રેશવર્કની શરુઆત ૨૦૧૦ માં થઈ. ત્યારે માતૃભૂતમ અને શાન કૃષ્ણસામીએ ક્લાઉડ આધારિત કસ્ટમર સર્વિસ સોફ્ટવેર પર કામ શરૂ કર્યું. મિત્ર વર્તુળમાં જી નામથી જાણીતા માતૃભૂતમે તાંજાેરની શાસ્ત્ર યુનિવર્સિટીમાંથી સ્નાતક થયા બાદ ઝોહોમાં કામ કર્યું. ફ્રેશવર્કસની સ્થાપના થઈ ત્યાં સુધીમાં વિશ્વની ઘણી કંપનીઓ આ ક્ષેત્રમાં પ્રવેશી ચૂકી હતી. તે સમયે તેમને સફળતા મળશે કે નહીં આ બાબતે શંકા કરવામાં આવી રહી હતી. ફ્રેશવર્કસને પહેલુ ફંડિંગ ૨૦૧૧ માં મળ્યું.
એસેલ તેમની કંપનીમાં ૧૦ લાખ ડોલરનું રોકાણ કર્યું. કંપનીને તે જ વર્ષે પોતાનો પ્રથમ ગ્રાહક પણ મળ્યો. તે બાદ પોતાની પ્રોડક્ટનો વિસ્તાર કરતાં ફ્રેશવર્ક્સે સેલ્સ અને સીઆરએમનો પણ સમાવેશ કર્યો. ફ્રેશવર્કને ફ્રેશડેસ્ક તરીકે રિબ્રાન્ડ કરવામાં આવી હતી.
૨૦૨૧ માં તેમની વાર્ષિક રિકરિંગ આવક ૪૯% ની ઝડપે વધીને ૩૦૦ મિલિયન ડોલરને વટાવી ગઈ. આ સાથે તેમણે સ્ટાર્ટઅપ્સમાં રોકાણ કરવા માટે પણ અલગથી એક ફંડ બનાવ્યું છે. કંપનીનું બિઝનેસ મોડલ અપમાર્કેટ સેલ્સ અને તેના ઉત્પાદનો પર આધારિત છે. કંપનીએ સેલ્સ મોડલ પર શાનદાર કામ કર્યું છે. ફ્રેશવર્કસ મુજબ બિઝનેસ સોફ્ટવેર ખર્ચાળ હોય છે અને તેમજ ઉપયોગમાં સરળ હોતા નથી.
જ્યારે ફ્રેશવર્ક્સ રેડી-ટુ-ગો સોફ્ટવેર બનાવે છે જેનો ઉપયોગ કરવો સરળ છે. આ માટે, કંપનીએ પોતાનું કસ્ટમર કેર કોલ સપોર્ટ પણ તૈયાર કર્યું છે, જ્યાં માહિતી ગમે ત્યારે લઈ શકાય છે. આ કંપનીની ઓફિસો પેરિસ, નેધરલેન્ડ અને ફ્રાન્સ જેવા અનેક દેશો સહિત સમગ્ર વિશ્વમાં ફેલાયેલી છે. ફ્રેશવર્ક્સમાં સ્ટીડવ્યુ કેપિટલ, એસ્સલ, કેપિટલ જી, સિકોયા કેપિટલ, ટાઇગર ગ્લોબલ મેનેજમેન્ટ જેવી મોટી કંપનીઓએ મોટા પાયે રોકાણ કર્યું છે.SSS
