યુવકે મહિલાના પતિની કાપડના તાકા નીચે દબાવીને હત્યા કરી
પ્રતિકાત્મક
સુરત, સુરત શહેર જાણે કે ગુનાખોરીની રાજધાની બની ગયું હોય તેમ હજુ તો ગ્રીષ્મા વેકરીયા મર્ડર કેસનાં પડઘા શાંત નથી થયા ત્યાં એક તરફી પ્રેમમાં પાગલ યુવાનનો બીજાે એક કિસ્સો સુરતમાં સામે આવ્યો છે. સુરતનાં પલસાણા જિલ્લા ખાતે ઇકો ટેક્સટાઇલ પાર્કમાં આવેલી રતન પ્રિયા મિલમાં કામ કરતા યુવાનનો મૃતદેહ કાપડનાં તાકા નીચે સડી ગેયલી હાલતમાં મળી આવ્યો.
મૃતદેહમાંથી દુર્ગંધ આવતા આ હત્યાનો ખુલાસો થયો હતો. જે બાદ મિલનાં સીસીટીવી ફૂટેજની તપાસ કરવામાં આવતાં તેમાં એક વ્યક્તિ કાપડનાં તાકા નાંખીને એક વ્યક્તિને દાટી દેતો હોવાનું દેખાઇ રહ્યું હતું. મરનારની પત્ની સાથે હત્યા કરનારને એક તરફી પ્રેમ હોવાનું પ્રાથમિક તપાસમાં સામે આવ્યું છે. સમગ્ર ઘટનાની વિગત જાેઈએ તો પલસાણા તાલુકાના ઈટાળવા ગામે પોતાની પત્ની સાથે રહેતા આકાશબાબુ રામબહાદુર કોરી (ઉં.વ.૨૧ મૂળ મધ્યપ્રદેશ) નામનો યુવાન ઇકો ટેક્સટાઇલ પાર્કમાં રતન પ્રિયા મિલમાં કામ કરતો હતો.
આકાશબાબુ સાથે લક્ષ્મણ ગિરજાશંકર પણ કામ કરતો હતો. લક્ષ્મણને આકાશબાબુની પત્ની ગમતી હોવાથી એકતરફી પ્રેમ કરતો હતો. લક્ષ્મણે અગાઉ આકાશબાબુની પત્નીને છેડતી કરવા પ્રયત્ન કરતાં આકાશબાબુ તથા તેના વતનમાં અન્ય લોકોએ ઠપકો આપ્યો હતો, જેનો ખાર મનમાં રાખી લક્ષ્મણેૃ આકાશબાબુ સાથે બદલો લેવાનું નક્કી કર્યું. આ ઠપકાની અદાવત રાખી ગત ૧૪મી ફેબ્રુઆરીના રોજ આકાશ બાબુ અને લક્ષ્મણ મિલમાં કામ કરી રહ્યા હતા, ત્યારે આકાશ કાપડના તાકા નજીક ઊંઘી ગયો હતો.
દરમિયાન મોકો જાેઈને લક્ષ્મણે કાપડના તાકા આકાશબાબુ ઉપર નાખી દીધા હતા. જેથી આકાશબાબુનું ગૂંગળાય જવાથી મોત થયું હતું. દરમિયાન ગુરૂવાર સવારે કાપડના તાકામાંથી દુર્ગંધ આવતા કાપડના તાકા ખસેડતા આકાશબાબુની સડી ગયેલી લાશ મળી આવી હતી.
જે બાદ પોલીસે પ્રથમ અકસ્માત મોતનો ગુનો નોંધી કાર્યવાહી કરી હતી. આ દરમિયાન પોલીસે શંકાના આધારે મિલમાં લગાવેલ સીસીટીવી કેમેરાના ફૂટેજ ચેક કરતાં જાણવા મળ્યું હતું કે આકાશબાબુ ઊંઘતો હતો ત્યારે લક્ષ્મણ તેના પર કાપડના તાકા નાખી રહ્યો હતો.
જેથી પોલીસે લક્ષ્મણને પકડી લીધો હતો. પોલીસે લક્ષ્મણની પ્રાથમિક પૂછપરછ કરતાં આકાશબાબુની પત્નીને એકતરફી પ્રેમ કરતો હતો અને તેને એક વખત પકડવા જતાં આકાશબાબુ અને તેના વતનના અન્ય લોકોએ ઠપકો આપતાં મનમાં અદાવત રાખી હત્યા કરી હોવાની કબૂલાત કરી છે.SSS
