બિહાર બોમ્બ બ્લાસ્ટઃ રહેણાંક વિસ્તારમાં વિસ્ફોટ- ૭નાં મોત: તપાસ શરૂ કરાઇ
પટણા, બિહારના ભાગલપુર જિલ્લાના કાજવાલી ચકમાં ગુરુવારે રાત્રે લગભગ ૧૧.૩૦ વાગ્યે જાેરદાર બોમ્બ વિસ્ફોટ થયો હતો. જેમાં ૭ લોકોના મોત થયા છે. અનેક લોકો ઘાયલ થયા છે. વિસ્ફોટ એટલો અસરદાર હતો કે આસપાસના ચાર મકાનો ધરાશાયી થઈ ગયા હતા.
હજુ પણ ઘણા લોકો કાટમાળ નીચે દટાયેલા હોવાની આશંકા છે. વિસ્ફોટની અસર લગભગ ૫ કિમી સુધી દેખાઈ રહી છે. વિસ્ફોટ નવીન મંડળ અને ગણેશ મંડળના ઘર વચ્ચે થયો હતો. વિસ્ફોટ કોના ઘરની અંદર થયો હતો તે હજુ સ્પષ્ટ થયું નથી. કેટલાક લોકો માને છે આ વિસ્ફોટ આઝાદનાં ઘરમાં થયો છે તો કેટલાક લોકો માને છે નવીનનાં તો કેટલાંકનું કહેવું છે કે ગણેશનાં ઘરમાં આ વિસ્ફોટ થયો છે.
આ વિસ્તારમાં લગ્ન માટે ફટાકડા બનાવવાનું કામ કરવામાં આવ્યું હતું. ઘરમાં રાખેલા ફટાકડા ફૂટ્યા હોવાની પણ આશંકા વ્યક્ત કરવામાં આવી રહી છે. થોડા દિવસો પહેલા આઈબીએ ભાગલપુર પોલીસને પણ એલર્ટ કરી હતી. વિસ્ફોટની ઝપેટમાં ઘણા ઘરો આવી ગયા છે, તેથી આ મામલો પણ શંકાસ્પદ લાગે છે. પોલીસ બોમ્બ બ્લાસ્ટના એંગલથી પણ તેની તપાસ કરી રહી છે.
ભાગલપુરની માયાગંજ હોસ્પિટલમાં ઘાયલોની સારવાર ચાલી રહી છે. ઘટનાની જાણ થતા પોલીસ કાફલો ઘટના સ્થળે પહોંચી ગયો હતો. ધરાશાયી થયેલા મકાનોનો કાટમાળ હટાવવાના પ્રયાસો ચાલુ છે. બ્લાસ્ટ વખતે હાજર રહેલા પાડોશી ર્નિમલ સાહ ઉર્ફે લડ્ડુએ જણાવ્યું કે પરિવારના તમામ સભ્યો ભોજન કર્યા બાદ ઘરમાં સૂઈ રહ્યા હતા. તે પણ ઘરની બહાર બેઠો હતો ત્યારે જાેરદાર વિસ્ફોટ થયો છે.
ઈ-રિક્ષા દ્વારા અનેક લોકોને હોસ્પિટલ લઈ જવામાં આવ્યા – વિસ્ફોટ બાદ લોકો જાેવા માટે ઘરમાં પ્રવેશ્યા કે તરત જ ઘર પડવા લાગ્યું. પરિવારના તમામ સભ્યો કાટમાળ નીચે દટાયા હતા. ઘટનાસ્થળે ધુમાડાના ગોટેગોટા હોવાથી કશું દેખાતું ન હતું. કોઈક રીતે કેટલાક લોકોને ઈ-રિક્ષામાં લઈ જઈને માયાગંજ હોસ્પિટલમાં દાખલ કરવામાં આવ્યા હતા. ઘટના બાદ સમગ્ર વિસ્તારમાં ભયનો માહોલ છે.કાજવાલી ચકમાં થયેલા બોમ્બ વિસ્ફોટમાં અનેક મકાનોને પણ નુકસાન પહોંચ્યું છે. કોઈની છત તૂટી પડી છે.
કોઈની બારીના કાચ તૂટી ગયા છે. તે જ સમયે, સ્થાનિક રમેશ કુમારે જણાવ્યું હતું કે બ્લાસ્ટ એટલા જાેરથી થયો હતો કે આટલો જાેરદાર અવાજ પહેલા ક્યારેય નહોતો આવ્યો. વિસ્ફોટ પછી, શેરીઓ સંપૂર્ણપણે ગનપાઉડરના ધુમાડાથી ભરાઈ ગઈ હતી.
સ્થાનિક લોકોના જણાવ્યા અનુસાર, સબ-એ-બારાત માટે ઘરમાં બોમ્બ બનાવવામાં આવી રહ્યો હતો, જેના કારણે આ બ્લાસ્ટ થયો હતો. ઘાયલ ર્નિમલે પણ આ વાતની પુષ્ટિ કરી છે. ડીઆઈજી સુજીત કુમારનું કહેવું છે કે એફએસએલની ટીમ તપાસ કરી રહી છે ત્યાર બાદ જ સ્પષ્ટ થશે કે વિસ્ફોટ કયા પ્રકારનો હતો.એસએસપી બાબુરામે રાતની ઘટના અંગે અપડેટ કરી છે.
તેમણે જણાવ્યું કે અત્યાર સુધીમાં ૫ લોકોના મૃતદેહ મળી આવ્યા છે. ઘટનામાં ઘાયલ ૧૧ લોકોની સારવાર ચાલી રહી છે. આ ઘટનાનું કારણ કદાચ ફટાકડાની સામગ્રીમાં વિસ્ફોટ છે. અત્યાર સુધી જે માહિતી મળી છે તે એવી છે કે પીડિત પરિવારમાંથી એક વ્યક્તિ ફટાકડા ફોડતી હતી. જેના ઘરમાં અગાઉ પણ વિસ્ફોટની ઘટના બની ચૂકી છે. તેના ઘરમાં વિસ્ફોટક સામગ્રી ફૂટી હોવાનું જણાય છે. બોમ્બ ડિસ્પોઝલ ટીમ અને એફએસએલની ટીમના નિરીક્ષણ બાદ સ્થિતિ કંઈક અંશે સ્પષ્ટ થશે.
તાજેતરમાં ભાગલપુરમાંથી બે લોકોની કોલકાતા પોલીસે વિસ્ફોટક સાથે ધરપકડ કરી હતી. જેના કારણે ભાગલપુરમાં ઘણી જગ્યાએ દરોડા પાડવામાં આવ્યા હતા. સૂત્રોના જણાવ્યા અનુસાર ટીમે ભાગલપુર પોલીસને એલર્ટ કરી દીધી હતી. થોડા દિવસો પહેલા ભાગલપુરના નાથનગર રેલવે સ્ટેશનના પ્લેટફોર્મ નંબર બે પર એક ડિટોનેટર બોમ્બ મળી આવ્યો હતો. આ પછી, નાથનગર રેલ્વે સ્ટેશન નજીક રેલ્વે ટ્રેકની બાજુમાં જાેરથી થયેલા બોમ્બ વિસ્ફોટમાં એક વ્યક્તિનું મોત થયું હતું.
ભાગલપુરના ડીએમ સુબ્રત કુમારે કહ્યું કે તમામ અધિકારીઓ તપાસ કરી રહ્યા છે. ઘટના વિશે જણાવ્યું કે હાલ બચાવ કામગીરી ચાલી રહી છે. અગાઉ ભાગલપુરના કાજવાલી ચક, બાબરબગંજ, હબીબપુર, બુરારી આસનંદપુર સહિત ઘણા વિસ્તારોમાં બોમ્બ વિસ્ફોટોની ઘટનાઓ ઘટી છે.HS
