સરકાર કર્મચારીઓના ડીએનું વન ટાઈમ સેટલમેન્ટ કરશે
પ્રતિકાત્મક
નવીદિલ્હી, કેન્દ્ર સરકાર દ્વારા ડીએ એરિયર્સને લઈને મોટી માહિતી આપવામાં આવી છે. કેન્દ્રીય કર્મચારીઓ લાંબા સમયથી તેમના અટવાયેલા ડીએ બાકીદારોની રાહ જાેઈ રહ્યા છે. મીડિયા રિપોર્ટ્સ અનુસાર, સરકાર કર્મચારીઓના ડીએનું વન ટાઈમ સેટલમેન્ટ કરશે, એટલે કે લગભગ ૧૮ મહિનાનું એરિયર્સ (૧૮ મહિનાનું ડીએ એરિયર) તમારા ખાતામાં એકસાથે ટ્રાન્સફર કરવામાં આવશે.
ઉલ્લેખનીય છે કે જાન્યુઆરી ૨૦૨૦ થી જૂન ૨૦૨૧ સુધીનું એરિયર્સ સરકારે બંધ કરી દીધું હતું, જેની માંગ ઘણા સમયથી ચાલી રહી હતી. જેસીએમની રાષ્ટ્રીય પરિષદના સચિવ (સ્ટાફ સાઇડ) શિવ ગોપાલ મિશ્રાના જણાવ્યા અનુસાર, ડીઓપીટી અને નાણા મંત્રાલય, ખર્ચ વિભાગના અધિકારીઓ સાથે જેસીએમની સંયુક્ત બેઠક ટૂંક સમયમાં યોજાશે.
નોંધનીય છે કે આ બેઠકમાં કર્મચારીઓના લટકતા ડીએના બાકી નીકળતા મુદ્દે ચર્ચા કરવામાં આવશે. આ સાથે ચૂંટણીના સમયગાળામાં સરકાર આ એરિયર્સને લઈને કોઈ મોટી અપડેટ આપી શકે છે.નેશનલ કાઉન્સિલ ઓફ જેસીએમના શિવ ગોપાલ મિશ્રા અનુસાર, જાે આપણે લેવલ ૧ના કર્મચારીઓની વાત કરીએ તો ડીએ પરનું એરિયર્સ રૂ. ૧૧૮૮૦ થી રૂ. ૩૭૫૫૪ વચ્ચે છે.
એ જ રીતે જાે આપણે લેવલ ૧૩ ના કર્મચારીઓની વાત કરીએ તો તેમનો બેઝિક પગાર રૂ. ૧,૨૩,૧૦૦ થી રૂ. ૨,૧૫,૯૦૦ ની વચ્ચે છે. આ સિવાય, જાે આપણે લેવલ-૧૪ (પે-સ્કેલ) માટે ગણતરી કરીએ, તો કર્મચારીના હાથમાં ડીએનું એરિયર્સ રૂ. ૧,૪૪,૨૦૦ થી રૂ. ૨,૧૮,૨૦૦ સુધી ચૂકવવામાં આવશે.HS1
