બોક્સ ઓફિસ પર પછડાઈ સમ્રાટ પૃથ્વીરાજ ફિલ્મ
મુંબઈ, સોનુ સૂદ, અક્ષય કુમાર, માનુષી છિલ્લર અને સંજય દત્ત સ્ટારર ફિલ્મ સમ્રાટ પૃથ્વીરાજની લોકો આતુરતાથી રાહ જાેઈ રહ્યા હતા. માત્ર મેકર્સને જ નહીં, ફેન્સને પણ આશા હતી કે આ ફિલ્મ સુપરહિટ સાબિત થશે. પરંતુ રીલિઝના ચાર દિવસમાં જ ફિલ્મે બોક્સ ઓફિસ પર જાણે દમ તોડી દીધો હતો.
લગભગ ૩૦૦ કરોડના બજેટમાં બનેલી આ પીરિયડ ફિલ્મ ૪ દિવસમાં માત્ર ૪૪.૨૫ કરોડ રુપિયા જ કમાઈ શકી છે. ફિલ્મ બોક્સ ઓફિસ પર તો પછડાઈ છે જ, લોકો સોશિયલ મીડિયા પર ફિલ્મમાં દર્શાવવામાં આવેલા ખોટા તથ્યો અને સીન્સને પણ ટાંકી રહ્યા છે.
ફિલ્મની આવી સ્થિતિ પર સોનુ સૂદે પોતાની પ્રતિક્રિયા આપી છે. સોનુ સૂદે જણાવ્યું છે કે આખરે આ ફિલ્મે આટલી ઓછી કમાણી કેમ કરી છે. સોનુ સૂદે ફિલ્મમાં ચંદ બરદાઈનું પાત્ર ભજવ્યું છે.
સોનુ સુદે એક વાતચીતમાં જણાવ્યું કે, આ ફિલ્મ તેના માટે સ્પેશિયલ છે. તેને આ ફિલ્મના માધ્યમથી એક રસપ્રદ રોલ કરવાની તક મળી છે અને લોકોએ પણ તેને ખૂબ પ્રેમ આપ્યો છે. આ માટે અભિનેતાએ દર્શકોનો આભાર પણ વ્યક્ત કર્યો છે. આ સાથે જ ફિલ્મને આશા અનુસાર રિસ્પોન્સ કેમ ના મળ્યો તે માટેનું કારણ પણ જણાવ્યું.
તમને જણાવી દઈએ કે ફિલ્મે રીલિઝના દિવસે ૧૦.૭૫ કરોડ રુપિયા કમાણી કરી છે. પ્રથમ સોમવારના રોજ એટલે કે રીલિઝના ચોથા દિવસે પાંચ કરોડ રુપિયા કમાણી કરી હતી. ફિલ્મ ૩૭૦૦થી વધારે સ્ક્રીન પર રીલિઝ કરવામાં આવી હતી. પરંતુ તેની નિરાશાજનક કમાણી બાબતે સોનુ સૂદ જણાવે છે કે, ફિલ્મે આશા અનુસાર કમાણી નથી કરી, તેનો બિઝનસ એટલો નથી થયો જેટલો વિચાર્યો હતો, પરંતુ આપણે સ્વીકાર કરવો જાેઈએ કે કોરોના મહામારી પછી વસ્તુઓ બદલાઈ ગઈ છે.
પરંતુ જે પ્રકારે લોકોએ પ્રેમ આપ્યો છે અને ફિલ્મ પ્રત્યે પ્રતિક્રિયા દર્શાવી છે, તેનાથી હું તો ઘણો ખુશ છું. સમ્રાટ પૃથ્વીરાજ ફિલ્મ ડોક્ટર ચંદ્રપ્રકાશ દ્વિવેદીએ ડાઈરેક્ટ કરી છે. ફિલ્મ બનાવતા પહેલા મેકર્સે ૧૮ વર્ષ સુધી રિસર્ચ કર્યુ હતું અને લગભગ બે વર્ષ સુધી ફિલ્મના વીએફએક્સ પર કામ કર્યું. આ ફિલ્મ હિન્દી સહિત ૩ ભાષામાં રીલિઝ થઈ છે. ફિલ્મમાં સાક્ષી તંવર, આશુતોષ રાણા અને માનવ વિજ જેવા કલાકારો પણ જાેવા મળ્યા છે.SS1MS
