પ્રિયંકા ચોપરા દીકરી માલતી મેરીના ઉછેરમાં વ્યસ્ત
મુંબઈ, બોલિવૂડ અને હોલિવૂડ અભિનેત્રી પ્રિયંકા ચોપરા મોટાભાગે ચર્ચામાં રહેતી હોય છે, ક્યારેક પ્રોફેશનલ લાઈફને કારણે તો ક્યારેક પર્સનલ લાઈફને કારણે. અત્યારે તે પોતાની દીકરી માલતી મેરીના ઉછેરમાં વ્યસ્ત છે. તે પોતાનો મોટાભાગનો સમય દીકરીને આપવા માંગે છે. તાજેતરમાં જ પ્રિયંકા ચોપરાના માતા મધુ ચોપરાએ જણાવ્યું કે પ્રિયંકા અને નિક મળીને દીકરીનું ધ્યાન રાખે છે.
નિક માલતીને સ્નાન કરાવે છે અને ડાયપર પણ બદલે છે. મધુ ચોપરાએ જણાવ્યું કે પ્રિયંકા અને નિકે પોતાની દીકરીનું નામ તેમના નામ સાથે જાેડીને રાખ્યું છે. આ જાણીને તેમને ઘણી ખુશી થઈ હતી.
ઉલ્લેખનીય છે કે પ્રિયંકા અને નિકે હજી સુધી માલતીની તસવીર શેર નથી કરી. તાજેતરમાં જ એક વાતચીત દરમિયાન મધુ ચોપરાએ જણાવ્યું કે, મને નામકરણના દિવસે જ ખબર પડી કે શું નામ રાખવાનું છે અને મને સન્માનિત અનુભવ થઈ રહ્યો હતો. ભારતીય પરંપરા અનુસાર, બાળકના દાદા તેના કાનમાં નામ કહેતા હોય છે અને જ્ઞાનની વાતો કહેતા હોય છે. નિકના પિતાએ તે વિધિ કરી હતી. આ સિવાય મધુ ચોપરાએ પ્રિયંકા અને નિક કરી રીતે માલતીનું ધ્યાન રાખે છે તે બાબતે પણ વાત કરી હતી.
મધુ ચોપરાએ જણાવ્યું કે, પ્રિયંકા અને નિકે પહેલાથી જ ચર્ચા કરી હતી કે માતા-પિતા તરીકે તેમનું સમાન યોગદાન હશે. હું માલતીને માલિશ કરુ છું. નિક તેને સ્નાન કરાવે છે અને તેના ડાયપર પણ નિક બદલે છે. ઉલ્લેખનીય છે કે મધર્ડ ડે પર પ્રિયંકા ચોપરા અને નિક જાેનસે સોશિયલ મીડિયા પર માલતી મેરીની મુલાકાત ફેન્સ સાથે કરાવી હતી.
તેમણે ઈમોશનલ પોસ્ટ શેર કરીને જણાવ્યુ હતું કે માલતીએ હોસ્પિટલમાં ૧૦૦ દિવસથી વધારે સમય પસાર કરવો પડ્યો હતો. જાે કે તેમણે દીકરીનો ચહેરો તે સમયે પણ નહોતો બતાવ્યો.
માલતીના નાની મધુ ચોપરાએ જણાવ્યું કે, માલતીનો ચહેરો જાેવા માટે ફેન્સે થોડી વધારે રાહ જાેવી પડશે. બની શકે કે જ્યારે તે એક વર્ષની થાય ત્યારે પ્રિયંકા અને નિક તેનો ચહેરો રીવિલ કરે. તમને જણાવી દઈએ કે પ્રિયંકા ચોપરા અને નિક જાેનસના લગ્ન ૨૦૧૮માં જાેધપુરમાં થયા હતા. આ લગ્નમાં બન્ને પરિવારોની પરંપરાને ધ્યાનમાં રાખવામાં આવી હતી.SS1MS
