Western Times News

Gujarati News

ચીનને વળતો જવાબ આપશે મેડ ઈન ઈન્ડિયા તોપ

ભારતીય સેનાની યોજના વધુ 100 K-9 વજ્ર હોવિત્ઝર અને માનવ રહિત યાન ખરીદવાની છે

ભારતીય સેનાએ વધારી પોતાની ક્ષમતા

નવી દિલ્હી,પૂર્વી લદ્દાખમાં ચીનની સેના દ્વારા સતત અથડામણ થતી રહેતી હોવાને કારણે ભારતીય સેના ટૂંક જ સમયમાં ‘loitering munitions’ તૈનાત કરવા જઈ રહી છે. આટલુ જ નહીં, લાંબી રેન્જ તેમજ હાઈ વોલ્યુમ ધરાવતા શીતકાલીન હોવિત્ઝર તેમજ એડવાન્સ્ડ રોકેટનો ઉપયોગ કરવાની પણ સેનાની યોજના છે. આ એડવાન્સ્ડ રોકેટ્‌સમાં ડ્રોન હશે અને તેની સાથે સાથે હથિયારોને લોકેટ કરનારી રડાર પણ હશે.

ઉલ્લેખનીય છે કે આ યુદ્ધ સામગ્રીની ડીલિવરી ટૂંક સમયમાં શરુ થવાની છે. ગત વર્ષે ઈઝરાયલ અને ભારતના પ્રાઈવેટ જાેઈન્ટ વેન્ચર અંતર્ગત આ કોન્ટ્રાક્ટ કરવામાં આવ્યો હતો. નોંધનીય છે કે ભારતીય સેનાની યોજના વધુ ૧૦૦ k-9 વજ્ર હોવિત્ઝર અને માનવ રહિત યાન ખરીદવાની છે. ઉલ્લેખનીય છે કે ભારતીય સેના k-9 વજ્ર ટ્રેક્ડ સેલ્ફ પ્રોપેલ્ડ હોવિત્ઝર, ઓછું વજન ધરાવતા 2-૭૭૭ હોવિત્ઝર, પિનાકા રોકેટ સિસ્ટમ વગેરે તૈનાત કરી ચૂકી છે.

આ ઘટનાક્રમ સાથે સંકળાયેલા સૂત્રએ જણાવ્યું કે, સેનાની યોજના LAC પર પોતાના તોપખાનાના યુનિટને ૯૦ કિમી રેન્જ વાળા માનવ રહિત યાનથી સજ્જ કરવાની છે. અન્ય એક સૂત્રએ જણાવ્યું કે, અમે ૧૫-૨૦ કિમીનું અંતર કાપનારા અને ચાર કલાક સુધી ૮૦ કિમી વિસ્તારમાં નજર રાખી શકે તેવા માનવ રહિત યાન ખરીદવા બાબતે વિચાર કરી રહ્યા છીએ. સેના ૧૦૦ વધુ કે-૯ વજ્ર હોવિત્ઝર મેળવવાની છે.

વર્ષ ૨૦૧૭માં આ પ્રકારની ૧૦૦ તોપો માટે ઓર્ડર આપવામાં આવ્યો હતો, જેમાં આ નવો ઉમેરો કરવામાં આવશે. સૂત્રના જણાવ્યા અનુસાર, રક્ષા ખરીદ પરિષદે આ પ્રસ્તાવને મંજૂરી આપી દીધી છે. કે-૯ વજ્રને મુખ્ય રુપે રણપ્રદેશમાં તૈનાત કરવા માટે ખરીદવામાં આવ્યા હતા, પરંતુ પૂર્વ લદ્દાખમાં અથડામણ વધ્યા પછી સેનાએ મોટી સંખ્યામાં હોવિત્ઝર ઉંચાઈ વાળા ક્ષેત્રમાં તૈનાત કર્યા છે.

આ સિવાય સૂત્રોએ જણાવ્યું કે, અમે શીતકાલીન કિટ પણ ખરીદી રહ્યા છીએ જેથી હોવિત્ઝર શૂન્ય ડિગ્રી સેલ્સિયસથી પણ ઓછા તાપમાનમાં કામ કરી શકે. સેના Advanced Towed Artillery Gun System અને માઉન્ટેડ ગન સિસ્ટમ ખરીદવાની પ્રક્રિયામાં લાગી ગઈ છે. પિનાકાની વધુ છ રેજિમેન્ટ ખરીદવામાં આવી રહી છે અને ટૂંક સમયમાં તેની ડિલિવરી શરુ થઈ જશે.

નવી પિનાકા રેજિમેન્ટને ઈલેક્ટ્રોનિક અને યાંત્રિક પદ્ધતિથી તૈયાર કરવામાં આવેલી વેપન સિસ્ટમથી સજ્જ કરવામાં આવશે. તે વિવિધ પ્રકારના ગોળાને લાંબા અંતર સુધી ફેંકી શકશે. વધુમાં તેમણે જણાવ્યું કે, અમે મેડ ઈન ઈન્ડિયા લોઈટરિંગ વેપન સિસ્ટમ ખરીદવાની પ્રક્રિયામાં લાગી ગયા છીએ, જે હુમલાની ક્ષમતા વધારશે. અને આ પ્રકારની સિસ્ટમનું ઉત્પાદન કરવા માટે ભારતીય કંપનીઓએ પણ તૈયારી દર્શાવી છે.ss1


Read News In Hindi

Read News in English

Copyright © All rights reserved. | Developed by Aneri Developers.