સંજય દત્ત, સની દેઓલ, મિથુન ચક્રવર્તી, જેકી શ્રોફ સાથે જોવા મળશે
મુંબઈ, ૮૦ના દાયકાનું રિયુનિયન ફરી એકવાર મોટા પડદા પર બતાવવામાં આવશે. ત્યારે આ એક્શન થ્રિલર ફિલ્મમાં ચાર દિગ્ગજ કલાકારો એક સાથે જ જાેવા મળશે. જેમાં સની દેઓલ, સંજય દત્ત, મિથુન ચક્રવર્તી અને જેકી શ્રોફ અભિનીત આ ફિલ્મનું શૂટિંગ શરૂ થઈ ગયું છે. મેકર્સ દ્વારા ફિલ્મનો ફર્સ્ટ લૂક પણ રિલીઝ કરવામાં આવ્યો છે.
જેની સોશિયલ મીડિયા પર જાેરદાર ચર્ચા થઈ રહી છે. આ તમામ સ્ટાર્સે તેમના સંબંધિત સોશિયલ મીડિયા એકાઉન્ટ્સ પર ચાહકો સાથે ફિલ્મનો ફર્સ્ટ લૂક શેર કર્યો છે.
ફિલ્મનો ફર્સ્ટ લૂક શેર કરતા સંજય દત્તે તેના કેપ્શનમાં લખ્યું હતું કે ‘બધી ફિલ્મોના બાપ. શૂટ ધમાલ, દોસ્તી બેમિસાલ’. ફિલ્મના પહેલા પોસ્ટરમાં તમે સની દેઓલ, સંજય દત્ત, જેકી શ્રોફ અને મિથુન ચક્રવર્તી કેમેરાને જાેઈને એક તીવ્ર લુક આપતા જાેઈ શકો છો. મિથુન ચક્રવર્તી હાફ સ્લીવ્સ સાથે લેધર જેકેટ પહેરેલો જાેવા મળે છે. આ સાથે તેણે ટોપી પહેરી છે. તેણે કપાળ પર તિલક સાથે ગળામાં મફલર પણ લગાવ્યું છે.
સની દેઓલની વાત કરીએ તો તે ઓરેન્જ વ્હાઈટ કેદી ડ્રેસમાં જાેવા મળે છે. તેના વાળ લાંબા છે અને તેણે કપાળ પર સફેદ પટ્ટી બાંધી છે. તેના શર્ટ પર કેદી નંબર ૨૨ લખેલું છે. ત્રીજાે લુક સંજય દત્તનો છે. તે સનીના ખભા પર હાથ મૂકતો જાેવા મળે છે.
અભિનેતા બ્રાઉન જેકેટ અને બ્લેક પ્લેન ટી-શર્ટ અને જીન્સમાં તંગ દેખાય છે. છેલ્લો લુક જેકી શ્રોફનો છે. જેકી શ્રોફ ખાકી પ્રિન્ટ જેકેટ, હાઈ હીલ્સ લેધર શૂઝ સાથે ટપોરી લુકમાં જાેવા મળે છે. જેકી શ્રોફે પણ થોડા મહિના પહેલા આ પ્રોજેક્ટ વિશે વાત કરી હતી. રિપોર્ટ્સનું માનીએ તો અહેમદ ખાન ઝી સ્ટુડિયો સાથે મળીને આ ફિલ્મનું નિર્માણ કરવા જઈ રહ્યા છે.SS1MS
