Western Times News

Gujarati News

એક્સિસ બેંકએ તમામ વ્યવસાયોમાં સારી કાર્યકારી કામગીરી અને સતત વૃદ્ધિ કરી

પ્રતિકાત્મક

અમદાવાદ, એક્સિસ બેંકનાં ડેપ્યુટી મેનેજિંગ ડિરેક્ટર શ્રી રાજીવ આનંદ (Rajiv Anand – Executive Director)  અને કમર્શિયલ બેંકિંગ ગ્રૂપના પ્રેસિડન્ટ અને હેડ સંગ્રામ સિંહે (Sangram Singh President CBG) મીડિયા પરિષદનું આયોજન કર્યું હતું. આ પ્રવક્તાએ મીડિયાને એક્સિસ બેંકની મજબૂત કામગીરી વિશે જાણકારી આપી હતી, જેમાં એક્સિસ બેંકએ 31 ડિસેમ્બર, 2022ના રોજ પૂર્ણ થયેલા ત્રિમાસિક ગાળામાં સારી નાણાકીય કામગીરી કરી છે,

જેનો ચોખ્ખો નફો વાર્ષિક ધોરણે 62 ટકા અને ત્રિમાસિક ધોરણે 10 ટકા વધીને રૂ. 5,853 કરોડ થયો છે. બેંકની કોર્પોરેટ લોન વાર્ષિક ધોરણે 8 ટકા અને ત્રિમાસિક ધોરણે 9 ટકા, રિટેલ લોન વાર્ષિક ધોરણે 17 ટકા અને ત્રિમાસિક ધોરણે 1 ટકા વધી છે. Axis Bank demonstrates strong Operating Performance and Steady Growth across Businesses

સ્મોલ બિઝનેસ બેંકિંગ, કાર્ડ્સ અને  ગ્રામીણ લોન્સમાં અનુક્રમે વાર્ષિક ધોરણે 60 ટકા, 39 ટકા અને 27 ટકા વધી છે. આ સાથે એક્સિસ બેંકે એના તમામ વ્યવસાયિક સેગમેન્ટમાં લોનમાં સફળતાપૂર્વક ઊંચી વૃદ્ધિ કરી છે. બેંક 17.9 ટકા ટર્મિનલ માર્કેટ હિસ્સા સાથે મર્ચન્ટ એક્વાયરિંગમાં બીજી સૌથી મોટી કંપની તરીકે બહાર આવી છે. સપ્ટેમ્બરથી નવેમ્બર, 2022ના ગાળા માટે આરબીઆઈના આંકડા મુજબ, આ ત્રણ મહિનામાં એના બજારહિસ્સામાં 43 ટકાનો વધારો થયો છે.

Rajiv Anand – Executive Director & Sangram Singh President CBG (Axis Bank)

ડિજિટલ અને પેમેન્ટ સ્પેસમાં મજબૂત સ્થિતિ – બેંકનાં યુપીઆઈ પ્લેટફોર્મ પર કામગીરીમાં મોટો વધારો થયો છે, જેથી આ ગ્રાહકના નાણાકીય વ્યવહાર માટે મુખ્ય ચેનલ બની રહ્યું છે. બેંકએ નાણાકીય વર્ષ 2022-23ના ત્રીજા ત્રિમાસિક ગાળા માટે 1.04 મિલિયન નવા ક્રેડિટ કાર્ડ ઇશ્યૂ કર્યા હતા

અને છેલ્લાં ત્રણ ત્રિમાસિક ગાળામાં દેશમાં સૌથી વધુ ક્રેડિટ કાર્ડ ઇશ્યૂ કરનારી નાણાકીય સંસ્થાઓમાં સામેલ હતી. બેંકે રિટેલ ડિજિટલ બેંકિંગ સ્પેસમાં ટોચની કંપનીઓમાં સ્થાન જાળવી રાખ્યું છે. એક્સિસ મોબાઇલ એપ પ્લેસ્ટોર પર વિશ્વની સૌથી ઊંચું રેટિંગ ધરાવતી મોબાઇલ બેંકિંગ એપ બની છે, જેનું રેટિંગ 4.8 છે – જે વિશ્વની 59 બેંકોમાં, 8 ગ્લોબલ નીયો બેંકો અને 50 ભારતીય ફિનટેક એપમાં સૌથી ઊંચું છે.

ભારત બેંકિંગ વ્યૂહરચના – બેંકની ભારત બેંકિંગ વ્યૂહરચના વ્યવસાયને ઊંચી વૃદ્ધિ તરફ દોરી ગઈ છે તથા એની એસેટ સંચાલિત લાયાબિલિટી સ્ટ્રેટેજી મારફતે ગ્રામીણ અને અર્ધશહેરી બજારોમાં એનો બજારહિસ્સો વધ્યો છે. આ ભારતમાં તમામ 656 જિલ્લાઓમાં કામગીરી સાથે સારું ડાઇવર્સિફિકેશન ધરાવતો ગ્રામીણ ધિરાણ પોર્ટફોલિયો ધરાવે છે.

બેંકે મુખ્ય માપંદડોમાં ઊંચી વૃદ્ધિ કરી છે. 31 ડિસેમ્બર, 2022 સુધી એની ગ્રામીણ લોનમાં વાર્ષિક ધોરણે 27 ટકા, વિતરણમાં વાર્ષિક ધોરણે 12 ટકા અને સ્થાનિક ડિપોઝિટમાં વાર્ષિક ધોરણે 16 ટકાની વૃદ્ધિ થઈ છે.

એસએમઇ લોન બુકનું ડાઇવર્સિફિકેશન – એક્સિસ બેંક ભારત બેંકિંગ અને એસએમઇ સેગમેન્ટ્સમાં બજારહિસ્સો વધારીને સ્થાનિક લોનમાં ઊંચી અને સંતુલિત વૃદ્ધિ પ્રદાન કરે છે. આ તમામ ઝોનમાં સારી રીતે ડાઇવર્સિફિકેશન ધરાવતો એમએસએમઇ ગ્રાહક વર્ગ ધરાવે છે,

જેમાં બેંકના 30 ટકા એમએસએમઇ ગ્રાહકો પશ્ચિમ ઝોનમાંથી, 31 ટકા દક્ષિણ ઝોનમાંથી, 26 ટકા ઉત્તર ઝોનમાંથી અને 13 ટકા પૂર્વ ઝોનમાંથી છે. વિવિધ વિસ્તારોમાં પોતાની બહોળી પહોંચ સાથે એક્સિસ બેંક 4,849 શાખાઓ, 189 એસએમઇના અખિલ ભારતીય સ્તરના બહોળા નેટવર્ક દ્વારા ગ્રાહકનાં મોટા વર્ગને સેવા પ્રદાન કરે છે.

પ્રગતિમાં ખરાં અર્થમાં પાર્ટનર તરીકે પોતાની કટિબદ્ધતા અને ભૂમિકાને વધારે મજબૂત કરવાના ઉદ્દેશ સાથે એક્સિસ બેંકએ બેંકિંગની પરંપરાગત રીત ઉપરાંત એમએમએસઇને ટેકો આપવાની પહેલ ‘ઇવોલ્વ’ શરૂ કરી છે. ઇવોલ્વની 7મી એડિશનનું આયોજન 6 ફેબ્રુઆરીના રોજ અમદાવાદમાં થયું હતું,

જેમાં વિસ્તૃત થીમ – ‘ઇન્ડિયન એસએમઇઃ શિફ્ટિંગ ગીઅર્સ ફોર નેક્સ્ટ લેવલ ગ્રોથ’ પર ધ્યાન કેન્દ્રિત કરવામાં આવ્યું હતું. તેની અન્ય બે પેટાથીમ હતી – ‘ભારતીય એસએમઇનું નિર્માણ કરવા ડિજિટલાઇઝેશન’ અને ‘નવી દુનિયામાં એસએમઇ મેટ નિકાસની તકો.’

ગ્રાહકને શ્રેષ્ઠ અનુભવ – એક્સિસ બેંકે સ્પર્શ નામનો એનો કસ્ટમર ઓબ્સેશન પ્રોગ્રામ શરૂ કર્યો છે. એની પાછળ ભારતની સૌથી વધુ કસ્ટમ-ઓબ્સેસ્ડ બેંક બનવાની અને એના ગ્રાહકો માટે બજારમાં શ્રેષ્ઠ અનુભવ આપવાની આકાંક્ષા રહેલી છે. જ્યારે આ માટે બેંકે એના કર્મચારીઓને રોજિંદા સંવાદમાં ગ્રાહકને ખુશ કરવા સક્ષમ બનાવ્યાં છે, ત્યારે તેમને ડિજિટલ અને એનાલીટિક્સનો ઉપયોગ કરીને સ્માર્ટ સોલ્યુશન્સ આપવા પણ સજ્જ કર્યા છે.

તાજેતરમાં બેંકે સમગ્ર ઉદ્યોગમાં એરલાઇન અને હોટેલ લોયલ્ટી પ્રોગ્રામ સાથે જોડાણમાં એનો સંવર્ધિત રિવોર્ડ પ્રોગ્રામ શરૂ કરવાની જાહેરાત કરી છે. આ પ્રોગ્રામ એક્સિસ બેંકના ક્રેડિટ અને ડેબિટ કાર્ડધારકોને સિંગાપોર એરલાઇન્સ (ક્રિસફ્લાયર), મેરિયોટ ઇન્ટરનેશનલ (મેરિયોટ બોન્વોય),

આઇટીસી હોટેલ્સ (ક્લબ આઇટીસી), તુર્કિશ એરલાઇન્સ (માઇલ્સ એન્ડ સ્માઇલ્સ), કતાર એરવેઝ (પ્રિવિલેજ ક્લબ), યુનાઇટેડ એરલાઇન્સ (માઇલેજપ્લસ) વગેરે જેવા તમામ 13 પાર્ટનરનાં તેમના સંચિત EDGE રિવોર્ડ્ઝ / માઇલ્સ સાતત્યપૂર્ણ રીતે ટ્રાન્સફર કરવાની સુવિધા આપે છે.

બેંકની આ નવી સુવિધા ગ્રાહકોને વધારે પાવર આપશે, તેમને વિવિધ વિકલ્પોમાંથી પસંદગી કરવા રિવોર્ડનો બુકે પ્રદાન કરશે અને તેમના ટ્રાવેલની યોજનાઓમાં વધારે લાભદાયક ફાયદા ઓફર કરશે.

તાજેતરમાં એક્સિસ બેંકની સ્ટેપ-ડાઉન પેટાકંપની તરીકે એક્સિસ પેન્શન ફંડ મેનેજમેન્ટ લિમિટેડ (એક્સિસ પીએફએમ) શરૂ થઈ હતી, જેનો આશય તમામ રિટાયર્મેન્ટ પ્રોડક્ટ કેટેગરીઓમાં રોકાણકારો માટે પેન્શન ફંડનું મેનેજમેન્ટ કરવાનો અને ગ્રાહકોને શ્રેષ્ઠ રિટાયર્મેન્ટ સોલ્યુશન્સ પ્રદાન કરવાનો છે. આ પેટાકંપનીએ વ્યવસાય શરૂ કર્યાના પ્રથમ 45 દિવસમાં રૂ. 100 કરોડથી એયુએમ મેળવી હતી.

મજબૂત બેંકિંગ નેટવર્ક – 31 ડિસેમ્બર, 2022ના રોજ બેંકનાં નેટવર્કમાં સ્થાનિક શાખાઓની સંખ્યા 4,849 હતી અને એક્ષ્ટેન્શન કાઉન્ટર્સ 2,734 સેન્ટરમાં સ્થિત હતા, જેની સંખ્યા 31 ડિસેમ્બર, 2021ના રોજ અનુક્રમે 4,700 શાખાઓની અને 2,665 સેન્ટરની હતી. 31 ડિસેમ્બર, 2022ના રોજ બેંક સમગ્ર દેશમાં 15,674 એટીએમ અને કેશ રિસાઇકલર્સ ધરાવતી હતી.

બેંક ગુજરાત રાજ્યમાં 390 શાખાઓ અને 1046 એટીએમનું બહોળું નેટવર્ક ધરાવે છે, જેમાં અમદાવાદમાં 80 શાખાઓ અને 243 એટીએમ સામેલ છે. કુલ શાખાઓમાં 148 શાખાઓ મેટ્રો, 162 શહેરી અને અર્ધશહેરી વિસ્તારો, 20 ગ્રામીણ અને 60 બેંકની સુવિધાથી વંચિત ગ્રામીણ સ્થાનો છે. ઉપરાંત બેંક રાજ્યમાં 19 કમર્શિયલ ગ્રૂપ સેન્ટર્સ ધરાવે છે, જે અમદાવાદ, વડોદરા, સુરત અને રાજકોટમાં છે.


Read News In Hindi

Read News in English

Copyright © All rights reserved. | Developed by Aneri Developers.