પ્રોપર્ટીના વિવાદમાં પુત્રએ પિતાની હત્યા કરાવી નાખી
બેંગલુરુ, એક ૩૨ વર્ષીય બેરોજગાર યુવક, જેણે મિલકતના મુદ્દા પર તેના પિતાની હત્યા કરવા માટે ૧ કરોડ રૂપિયામાં બે સોપારી કિલરને રાખ્યા હતા, તે હાલ પોલીસ કસ્ટડીમાં છે. મરાઠાહલ્લીના કેવેરપ્પા બ્લોકના રહેવાસી નારાયણ સ્વામીની ૧૩ ફેબ્રુઆરીના રોજ તેમના એપાર્ટમેન્ટની બહાર હત્યા કરવામાં આવી હતી.
બે બાઇક પર આવેલા હુમલાખોરોએ સ્વામી પર છરા વડે હુમલો કર્યો હતો અને ભાગી છૂટ્યા હતા. નારાયણ સ્વામીનો પુત્ર એન મણિકાંત હત્યાનો પ્રત્યક્ષ સાક્ષી હતો અને તેણે તે જ દિવસે મરાઠાહલ્લી પોલીસમાં ફરિયાદ નોંધાવી હતી. મણિકાંતની સાથે પોલીસે આદર્શ ટી, (૨૬), અને શિવા કુમાર એનએમ (૨૬)ની હોસ્કોટેથી ધરપકડ કરી છે.
મણિકાંતે પોલીસને જણાવ્યું કે તે નારાજ હતો કારણ કે તેના પિતાએ તેની (મણિકાંતની) પત્ની અર્ચનાને ફ્લેટ ગિફ્ટ કરવાનું નક્કી કર્યું હતું. નારાયણ સ્વામીએ કાવેરપ્પા બ્લોકમાં એક એપાર્ટમેન્ટ બનાવ્યું હતું અને તે એક ફ્લેટમાં તેમની પત્ની, મણિકાંત અને અર્ચના સાથે રહેતા હતા.
અર્ચના મણિકાંતની બીજી પત્ની છે અને તેમને એક બાળકી છે. ૨૦૧૩માં તેની પ્રથમ પત્નીની હત્યા કરવામાં આવી હતી અને પોલીસે તેની હત્યાના આરોપમાં મણિકાંતની ધરપકડ કરી હતી. જાેકે, ૨૦૨૦માં તે નિર્દોષ છૂટ્યો હતો અને તેણે અર્ચના સાથે લગ્ન કર્યા હતા, એમ પોલીસે જણાવ્યું હતું.
પાછળથી મણિકાંત અને અર્ચના વચ્ચે મતભેદો થયા અને તેણે ગયા વર્ષે ઓગસ્ટમાં કથિત રીતે તેણીને છરી મારીને ઇજા પહોંચાડી. હત્યાના પ્રયાસ માટે નોંધાયેલ, મણિકાંતને બેંગલુરુ સેન્ટ્રલ જેલમાં કેદ કરવામાં આવ્યો હતો જ્યાં તેણે આદર્શ અને શિવ કુમાર સાથે મિત્રતા કરી હતી. મણિકાંત તાજેતરમાં જ જામીન પર બહાર આવ્યા હતો અને અર્ચના અલગ રહેવા લાગી હતી.
દરમિયાન, નારાયણ સ્વામીએ તેમના એપાર્ટમેન્ટમાં અર્ચનાના નામે ફ્લેટ રજીસ્ટર કરાવવાનું નક્કી કર્યું જેથી તે સ્વતંત્ર જીવન જીવી શકે. સ્વામીનું માનવું હતું કે મણિકાંત અર્ચનાને આર્થિક મદદ કરશે નહીં. તેણે મણિકાંતને પૈસા આપવાનું પણ બંધ કરી દીધું હતું. ડીસીપી (વ્હાઈટફિલ્ડ) એસ ગિરીશે જણાવ્યું હતું કે આ મુદ્દાઓએ મણિકાંતને મિલકત માટે તેના પિતા તેમજ તેની માતાને ખતમ કરવાનો ર્નિણય લેવા માટે ઉશ્કેર્યો હતો. મણિકાંતને ચાર મોટી બહેનો છે.
મણિકાંતે આદર્શ સાથે મળીને હત્યાનું કાવતરું ઘડ્યું જેણે શિવ કુમારને કામ સોંપ્યું. મણિકાંતે કાર્ય પૂર્ણ કર્યા પછી શિવ કુમારને ૧ કરોડ રૂપિયા રોકડા આપવાનું વચન આપ્યું હતું. તેણે આદર્શ અને શિવ કુમારને ફ્લેટ અને એક કારનું વચન પણ આપ્યું હતું, શિવ કુમારને ૧ લાખ રૂપિયા એડવાન્સ ચૂકવવામાં આવ્યા હતા. હાલ સ્થાનિક પોલીસ દ્વારા બંને આરોપીઓની ધરપકડ કર્યા બાદ કાયદેસરની કાર્યવાહી હાથ ધરવામાં આવી છે. SS3.PG
