દેશમાં ૩૯૬૦૦ મેગાવોટના ઘરેલુ સોલાર યુનિટ આપવા સરકારની જાહેરાત
નવી દિલ્હી, સરકાર દેશમાં સોલાર સેક્ટર પર સતત ફોકસ વધારી રહી છે. દરેક ઘર માટે સસ્તી વીજળીનું સપનું પૂરું કરવા માટે સરકાર સૌર ઊર્જા ક્ષેત્રને બૂસ્ટર આપી રહી છે. આ શ્રેણીમાં સરકારે દેશમાં ૩૯,૬૦૦ મેગાવોટના ઘરેલું સોલાર યુનિટ સ્થાપિત કરવાની જાહેરાત કરી છે. Government announcement to provide 39600 MW domestic solar units
આ માટે સરકાર PLI સ્કીમ હેઠળ કંપનીઓને ૧૪૦૦૭ કરોડ રૂપિયા આપવા જઈ રહી છે. આ માટે જે કંપનીઓની પસંદગી કરવામાં આવી છે તેમાં મુકેશ અંબાણીની રિલાયન્સ, ટાટા ગ્રુપની ટાટા પાવર, જિંદાલ ગ્રુપની જેએસડબલ્યુનો સમાવેશ થાય છે.
The GoI has allocated 39,600 MW of domestic #SolarPV module manufacturing capacity to 11 companies, with a total outlay of Rs. 14,007 Crores under the Production Linked Incentive Scheme for High-Efficiency Solar PV Modules (Tranche-II). @PMOIndia@OfficeOfRKSingh @makeinindia pic.twitter.com/qCj9CGMdVc
— Ministry of Power (@MinOfPower) March 28, 2023
અહેવાલ અનુસાર, ૩૯૬૦૦ મેગાવોટની આ યોજનામાં રિલાયન્સ ૪૮૦૦ મેગાવોટ, ટાટા ૪૦૦૦ મેગાવોટ અને જિંદાલની જેએસડબલ્યુ ૧૦૦૦ મેગાવોટ સોલાર પાવર જનરેટ કરશે.
અહેવાલ મુજબ રિલાયન્સને ૬૦૦૦ મેગાવોટ અને ટાટા પાવર સોલરને ૪,૦૦૦ મેગાવોટ આપવામાં આવી છે. જ્યારે, ૭૪૦૦ મેગાવોટ ઉત્પાદન ક્ષમતા ઓક્ટોબર ૨૦૨૪ સુધીમાં પૂર્ણ થવાની ધારણા છે જ્યારે ૧૬,૮૦૦ મેગાવોટ ક્ષમતા એપ્રિલ ૨૦૨૫ સુધીમાં કાર્યરત થઈ જશે. વધુમાં, ૧૫,૪૦૦ મેગાવોટની ક્ષમતા એપ્રિલ, ૨૦૨૬ સુધીમાં કાર્યરત થવાની સંભાવના છે.
આશા છે કે આ પ્રોજેક્ટ ઓક્ટોબર ૨૦૨૪થી શરૂ થશે. રિપોર્ટ અનુસાર, સરકારની આ યોજનામાં આ કંપનીઓ દેશભરમાં ૧ લાખથી વધુ નોકરીઓનું સર્જન કરશે. કુલ ૧ લાખ નોકરીઓમાંથી ૩૫,૦૧૦ નોકરીઓ સીધી પ્રદાન કરવામાં આવશે જ્યારે ૬૫૦૦૦ થી વધુ લોકોને પરોક્ષ રોજગાર મળશે.
https://www.pib.gov.in/PressReleseDetailm.aspx?PRID=1911380
માનવામાં આવી રહ્યું છે કે આ પ્રોજેક્ટ પૂરો થયા બાદ દેશનું સોલાર પાવર સેક્ટર એક નવા આયામ પર પહોંચશે અને દેશભરમાં સસ્તી વીજળીનું સપનું પૂરું થશે.
સોલર સેક્ટર હોય કે મેન્યુફેક્ચરિંગ સેક્ટર, મેક ઈન ઈન્ડિયા હેઠળ સરકાર દેશમાં વસ્તુઓનું ઉત્પાદન કરતી કંપનીઓને સબસિડી આપી રહી છે. સ્માર્ટફોન સેગમેન્ટમાં પણ સરકારની PLI સ્કીમ હેઠળ ઘણી કંપનીઓનો સમાવેશ કરવામાં આવ્યો છે. તેની અસર એ થઈ કે હવે આ સેગમેન્ટમાં ભારતનું વર્ચસ્વ વધી રહ્યું છે.
The Tranche-II of the PLI Scheme is expected to generate over One Lakh direct and indirect jobs and bring in an investment of Rs. 93,041 crores.
Read More: https://t.co/SXlWUkXoMe@PIB_India @DDNewslive @airnewsalerts #JobCreation #GreenEconomy
— Ministry of Power (@MinOfPower) March 28, 2023
એપલ જેવી દિગ્ગજ કંપનીઓ પણ ચીનને છોડીને ભારતમાં પોતાના પ્લાન્ટ સ્થાપી રહી છે. તે જ સમયે, ઘણી સ્થાનિક કંપનીઓ પણ સરકારની PLI યોજનાનો લાભ લઈને Make In Indiaને પ્રોત્સાહન આપી રહી છે.
સૌર સાધનો માટે PLI યોજનાના પ્રથમ તબક્કામાં કુલ ૮,૭૩૭ મેગાવોટની ક્ષમતા ધરાવતા પ્રોજેક્ટને એનાયત કરવામાં આવ્યા હતા. આ રીતે, બંને તબક્કાઓ પૂર્ણ થયા પછી, દેશની કુલ સોલાર પીવી ઉત્પાદન ક્ષમતા ૪૮,૩૩૭ મેગાવોટ થશે.SS1MS
