IPL 2023: Rajasthan Royalsનો રોમાંચક વિજય
ચેન્નઈ, કેપ્ટન મહેન્દ્ર સિંહ ધોની અને રવિન્દ્ર જાડેજાએ અંતિમ બોલ સુધી લડત આપી હોવ છતાં IPL T20 ક્રિકેટ ટુર્નામેન્ટની ૧૬મી સિઝનમાં ચેન્નઈ સુપર કિંગ્સને બુધવારે રાજસ્થાન રોયલ્સ સામે રમાયેલી મેચમાં ત્રણ રને પરાજયનો સામનો કરવો પડ્યો હતો. IPL 2023 CSK VS RR
ચેન્નઈના એમએ ચિદમ્બરમ સ્ટેડિયમમાં રમાયેલી મેચ અંતિમ બોલ સુધી રોમાંચક રહી હતી. મેચમાં ચેન્નઈએ ટોસ જીતીને રાજસ્થાન રોયલ્સને પ્રથમ બેટિંગનું આમંત્રણ આપ્યું હતું.
જાેસ બટલરની અડધી સદી સહિત બેટર્સે કરેલા શાનદાર પ્રદર્શનની મદદથી રાજસ્થાને ૨૦ ઓવરમાં આઠ વિકેટે ૧૭૫ રનનો સ્કોર નોંધાવ્યો હતો. જેના જવાબમાં ચેન્નઈની ટીમ ૨૦ ઓવરમાં છ વિકેટે ૧૭૨ રન જ નોંધાવી શકી હતી. એક સમયે રાજસ્થાન આસાનીથી જીતી જશે તેવું લાગી રહ્યું હતું. પરંતુ ધોની અને જાડેજાએ આક્રમક બેટિંગ કરીને બાજી પલટવાનો પ્રયાસ કર્યો હતો. જાેકે, તેમના પ્રયાસો સફળ રહ્યા ન હતા.
ચેન્નઈ સામે ૧૭૮ રનનો લક્ષ્યાંક હતો પરંતુ રાજસ્થાનના બોલર્સની શાનદાર બોલિંગ સામે ઓપનર ડેવોન કોનવે અને અજિંક્ય રહાણે સિવાયના તમામ બેટર્સ ફ્લોપ રહ્યા હતા. અંતિમ ઓવર્સમાં કેપ્ટન મહેન્દ્ર સિંહ ધોની અને રવિન્દ્ર જાડેજાએ ટીમને વિજય અપાવવાનો પ્રયાસ કર્યો હતો પરંતુ તેમનો પ્રયાસ સફળ રહ્યા ન હતા. ટીમની શરૂઆત ખરાબ રહી હતી અને ૧૦ રનના સ્કોર ટીમે ઋતુરાજ ગાયકવાડની વિકેટ ગુમાવી દીધી હતી.
તેણે આઠ રન નોંધાવ્યા હતા. ત્યારબાદ કોનવે અને રહાણે મળીને ટીમના સ્કોરને આગળ ધપાવ્યો હતો. આ જાેડીએ ૬૮ રનની ભાગીદારી નોંધાવી હતી. જાેકે, ૧૦મી ઓવરમાં રહાણે આઉટ થયા બાદ ટીમનો ધબડકો શરૂ થયો હતો. રહાણેએ ૧૯ બોલમાં બે ચોગ્ગા અને એક સિક્સરની મદદથી ૩૧ રન નોંધાવ્યા હતા. જ્યારે કોનવેએ છ ચોગ્ગાની મદદથી ૩૮ બોલમાં ૫૦ રનની ઈનિંગ્સ રમી હતી. શિવમ દૂબે આઠ, મોઈન અલી સાત અને અંબાતી રાયડુ એક રન નોંધાવીને પેવેલિયન ભેગા થયા હતા.
બાદમાં કેપ્ટન મહેન્દ્ર સિંહ ધોની અને રવિન્દ્ર જાડેજાએ તાબડતોબ બેટિંગ કરી હતી અને ટીમને વિજયની નજીક લઈ ગયા હતા. અંતિમ બે ઓવરમાં ચેન્નઈને જીતવા માટે ૪૦ રનની જરૂર હતી. જેમાં ૧૯મી ઓવર જેસન હોલ્ડરે કરી હતી.
આ ઓવરમાં જાડેજાએ એક ચોગ્ગો અને બે સિક્સર ફટકારી હતી. આ ઓવરમાં ૨૦ રન આવ્યા હતા. અંતિમ ઓવરમાં ચેન્નઈને ૨૦ રનની જરૂર હતી. ત્યારે ધોનીએ સંદીપ શર્માના બે બોલમાં બે સિક્સર ફટકારી હતી.
જાેકે, બાદમાં સંદીપ શર્માએ ચુસ્ત બોલિંગ કરી હતી અને ચેન્નઈની આશાઓ પર પાણી ફેરવી દીધું હતું. ધોનીએ ૧૭ બોલમાં એક ચોગ્ગા અને બે સિક્સરની મદદથી અણનમ ૩૨ રન ફટકાર્યા હતા જ્યારે જાડેજા ૧૫ બોલમાં એક ચોગ્ગા અને બે સિક્સરની મદદથી ૨૫ રન નોંધાવીને નોટઆઉટ રહ્યો હતો. રાજસ્થાન માટે રવિચંદ્રન અશ્વિન અને યુઝવેન્દ્ર ચહલે બે-બે તથા સંદીપ શર્મા અને એડમ ઝામ્પાએ એક-એક વિકેટ ઝડપી હતી.
ચેન્નઈ સુપર કિંગ્સે ટોસ જીતીને રાજસ્થાન રોયલ્સને પ્રથમ બેટિંગનું આમંત્રણ આપ્યું હતું. જાેકે, રાજસ્થાનની શરૂઆત ખરાબ રહી હતી. ઓપનર યશસ્વી જયસ્વાલ ૧૦ રન નોંધાવીને આઉટ થઈ ગયો હતો.
ટીમનો સ્કોર ૧૧ રન હતો ત્યારે ટીમને પ્રથમ ઝટકો લાગ્યો હતો. જાેકે, બાદમાં જાેસ બટલર અને દેવદત્ત પડિક્કલની જાેડીએ બાજી સંભાળી હતી. આ જાેડીએ ૭૭ રનની ભાગીદારી નોંધાવી હતી. જાેકે, પડિક્કલ ૨૬ બોલમાં પાંચ ચોગ્ગા સાથે ૩૮ રન નોંધાવીને આઉટ થયો હતો. ત્યારબાદ કેપ્ટન સંજૂ સેમસન ખાતું ખોલાવ્યા વગર બીજા જ બોલ પર બોલ્ડ થયો હતો. આમ ટીમને ઉપરા-ઉપરી બે મોટો ઝટકા લાગ્યા હતા.
જાેકે, બીજી તરફ ઓપનર જાેસ બટલરે આક્રમક બેટિંગ જારી રાખી હતી અને પોતાની અડધી સદી પૂરી કરી હતી. બટલર ૩૬ બોલમાં એક ચોગ્ગા અને એક સિક્સર સાથે ૫૨ રન ફટકારીને આઉટ થયો હતો. રવિચંદ્રન અશ્વિને ૨૨ બોલમાં ૩૦ રન નોંધાવ્યા હતા જેમાં એક ચોગ્ગો અને બે સિક્સર સામેલ હતી.
શિમરોન હેતમાયરે ૧૮ બોલમાં જ અણનમ ૩૦ રન ફટકાર્યા હતા. જેમાં તેણે બે ચોગ્ગા અને બે સિક્સર ફટકારી હતી. ચેન્નઈ સુપર કિંગ્સ માટે આકાશ સિંહ, તુષાર દેશપાંડે અને રવિન્દ્ર જાડેજાએ બે-બે વિકેટ ખેરવી હતી. જ્યાર મોઈન અલીને એક સફળતા મળી હતી.SS1MS
