IPL T20: લખનૌ પોઈન્ટ ટેબલમાં બીજા ક્રમે પહોંચી ગયું
સ્ટોઈનિસ અને અવેશ ખાન ઝળક્યા, લખનૌનો વિજય-લખનૌ સુપર જાયન્ટ્સે ૧૫૪ રનનો સ્કોર નોંધાવ્યો હતો, બોલર્સે તેને શાનદાર રીતે ડિફેન્ડ કર્યો
નવી દિલ્હી, બોલર્સે કરેલા શાનદાર પ્રદર્શનની મદદથી લખનૌ સુપર જાયન્ટ્સની ટીમ ૧૫૫ રનના લક્ષ્યાંકનો બચાવ કરવામાં સફળ રહી હતી અને ૧૦ રને વિજય નોંધાવ્યો હતો. આઈપીએલ ટી૨૦ ક્રિકેટ ટુર્નામેન્ટની ૨૦૨૩ની સિઝનમાં બુધવારે લખનૌ સુપર જાયન્ટ્સનો સામનો રાજસ્થાન રોયલ્સ સામે હતો.
જયપુરમાં રમાયેલી મેચમાં રાજસ્થાન રોયલ્સે ટોસ જીતીને લખનૌને પ્રથમ બેટિંગનું આમંત્રણ આપ્યું હતું. લખનૌની ટીમે નિર્ધારીત ૨૦ ઓવરમાં સાત વિકેટે ૧૫૪ રનનો સ્કોર નોંધાવ્યો હતો. જેના જવાબમાં રાજસ્થાન રોયલ્સની ટીમ ૨૦ ઓવરમાં છ વિકેટે ૧૪૪ રન નોંધાવી શકી હતી.
આ વિજય સાથે લખનૌ સુપર જાયન્ટ્સ પોઈન્ટ ટેબલમાં બીજા ક્રમે આવી ગયું છે. જ્યારે રાજસ્થાન રોયલ્સ ટોચ પર છે. રાજસ્થાન સામે ૧૫૫ રનનો લક્ષ્યાંક હતો. યશસ્વી જયસ્વાલ અને જાેસ બટલરની જાેડીએ ટીમને સારી શરૂઆત અપાવી હતી. આ જાેડીની બેટિંગ આક્રમક ન હતી પરંતુ મક્કમતાપૂર્વક તેમણે સ્કોરબોર્ડ આગળ ધપાવ્યું હતું. આ જાેડીએ ૧૧.૩ ઓવરમાં ૮૭ રનની ભાગીદારી નોંધાવી હતી.
પરંતુ લખનૌના બોલર્સે ત્યારબાદ એક પણ બેટ્સમેનને સેટ થવા દીધો ન હતો. જયસ્વાલ ૩૫ બોલમાં ચાર ચોગ્ગા અને બે સિક્સરની મદદથી ૪૪ રન નોંધાવ્યા હતા. જ્યારે બટલરે ૪૧ બોલમાં ચાર ચોગ્ગા અને એક સિક્સરની મદદથી ૪૦ રનની ઈનિંગ્સ રમી હતી. કેપ્ટન સંજૂ સેમસન બે રન નોંધાવીને આઉટ થયો હતો.
જ્યારે શિમરોન હેતમાયરે પણ બે રનનું યોગદાન આપ્યું હતું. લખનૌની જેમ જ ૮૭ રન પર પ્રથમ વિકેટ ગુમાવનારી રાજસ્થાનની ટીમે પણ ૧૦૪ રન સુધીમાં ચાર વિકેટ ગુમાવી દીધી હતી. દેવદત્ત પડિક્કે ૨૬ અને રિયાન પરાગે અણનમ ૧૫ રનની ઈનિંગ્સ રમીને લડત આપી હતી પરંતુ તેઓ ટીમને જીતાડી શક્યા ન હતા.
લખનૌ માટે અવેશ ખાને ત્રણ તથા માર્ક્સ સ્ટોઈનિસે બે વિકેટ ઝડપી હતી. રાજસ્થાન રોયલ્સે ટોસ જીતીને લખનૌને પ્રથમ બેટિંગનું આમંત્રણ આપ્યું હતું. લખનૌની શરૂઆત સારી રહી હતી. કેપ્ટન લોકેશ રાહુલ અને કાયલે માયર્સની ઓપનિંગ જાેડીએ ૧૦.૪ ઓવરમાં ૮૨ રનની ભાગીદારી નોંધાવી હતી.
જાેકે, આ જાેડી તૂટ્યા બાદ ટીમને ઉપરા-ઉપરી ઝટકા લાગ્યા હતા. ૮૨ રનના સ્કોરે લખનૌએ રાહુલની વિકેટ ગુમાવી દીધી હતી. તેણે ૩૨ બોલમાં ચાર ચોગ્ગા અને એક સિક્સરની મદદથી ૩૯ રન ફટકાર્યા હતા. હજી ટીમના સ્કોરમાં ત્રણ રનનો ઉમેરો થયો હતો ત્યારે આયુષ બદોની એક રન નોંધાવીને આઉટ થયો હતો.
દીપક હૂડા પણ બે જ રન નોંધાવીને પેવેલિયન ભેગો થયો હતો. જાેકે, આ દરમિયાન કાયલે માયર્સ પોતાની અડધી સદી પૂરી કરવામાં સફળ રહ્યો હતો. પરંતુ અડધી સદી નોંધાવ્યા બાદ તે વધારે સમય ટકી શક્યો ન હતો. તેણે ૪૨ બોલમાં ચાર ચોગ્ગા અને ત્રણ સિક્સરની મદદથી ૫૧ રન ફટકાર્યા હતા.
૮૨ રનના સ્કોરે પ્રથમ વિકટે ગુમાવનારી લખનૌની ટીમે ૧૦૪ રનના સ્કોર પર તો પોતાની ચાર વિકેટ ગુમાવી દીધી હતી. બાદમાં માર્ક્સ સ્ટોઈનિસના ૨૧ અને નિકોલસ પૂરનના ૨૯ રનની મદદથી ટીમે ૨૦ ઓવરમાં સાત વિકેટે ૧૫૪ રન નોંધાવ્યા હતા. રાજસ્થાન માટે રવિચંદ્રન અશ્વિને બે તથા ટ્રેન્ટ બોલ્ટ, સંદીપ શર્મા અને જેસન હોલ્ડરને એક-એક સફળતા મળી હતી.
