ફરિયાદો કરીને કંટાળેલા શખ્સે સાપ લઈને અધિકારીના ટેબલ પર છોડી મુક્યો
હૈદરાબાદ, આ તસવીર હૈદરાબાદના નગર નિગમ ઓફિસની છે. જ્યાં ફરિયાદ નહીં સાંભળતા એક શખ્સે ઓફિસરના ટેબલ પર સાંપ છોડી મુક્યો હતો. આ કિસ્સો સોશિયલ મીડિયા પર વાયરલ થઈ રહ્યો છે.
આમ તો હાલના દિવસોમાં હૈદરાબાદમાં ભારે વરસાદ થઈ રહ્યો છે. એટલા માટે જીવજંતુઓનો ખતરો રહે છે. ત્યારે આવા સમયે લોકોએ વિચાર્યું કે, વરસાદના કારણે સાંપ નીકળી આવ્યો હશે.
એક વ્યક્તિએ પોતાની ફરિયાદને લઈને અધિકારીઓની ઉદાસીનતાથી નારાજગી વ્યક્ત કરતા ગ્રેટર હૈદરાબાદ નગર નિગમના વોર્ડ કાર્યાલયમાં કથિત રીતે એક સાંપ છોડી મુક્યો.
કહેવાય છે કે જે અધિકારીના ટેબલ પર સાપ છોડ્યો હતો, તેને આ શખ્સે જાતે પકડ્યો હતો. આ સાપ તેના ઘરમાં નીકળ્યો હતો. બાદમાં તે તેને લઈને મંગળવારે અલવાલમાં જીએચએમસી વોર્ડની ઓફિસમાં લઈને આવ્યો હતો.
People in #Hyderabad released a #Snake that had visited their houses as it rained heavily there. As soon as it was caught, they called the officers concerned, but they took hours together to come and catch it. So they took the snake and left it on the table as protest.#Protest pic.twitter.com/YngUphEIqf
— NewsFirst Prime (@NewsFirstprime) July 26, 2023
સોશિયલ મીડિયા પર સામે આવેલા એક વીડિયોમાં સાપ એક ટેબલ પર દેખાઈ રહ્યો છે અને એક વ્યક્તિને એવું કહેતા સાંભળી શકાય છે કે, અનેક ફરિયાદ આપી હતી. જાે કે, આ મામલો હજૂ સ્પષ્ટ નથી કે તેની ફરિયાદ શું હતી? સાપ જાેઈને ઓફિસમાં અફરાતફરી મચી ગઈ હતી.
લોકો બહાર નીકળી ભાગવા લાગ્યા હતા. જાે કે સાપે કોઈને નુકસાન પહોંચાડ્યું નહોતું. બાદમાં સાપને પકડી લેવામાં આવ્યો હતો. છેલ્લા કેટલાક દિવસથી હૈદરાબાદમાં થઈ રહેલા વરસાદના કારણે શહેરના નિચાણવાળા વિસ્તારમાં પાણી ભરાઈ રહ્યા છે. તેનાથી કીડા-મકોડા નીકળી રહ્યા છે. ભારતીય મૌસમ વિજ્ઞાન વિભાગે કહ્યું કે, આજકાલમાં આંધ્ર પ્રદેશ, તેલંગણા, કર્ણાટક અને કોંકણ તથા ગોવામાં મધ્યમથી ભારે વરસાદની સંભાવના છે.
