છેલ્લા ત્રણ વર્ષમાં દેશમાં સ્થપાયેલા ૨૫૭૪ મોટા ઊદ્યોગોમાંથી ૭૩૪ ગુજરાતમાં
મુખ્યમંત્રી શ્રી વિજયભાઇ રૂપાણીના દ્રષ્ટિવંત નેતૃત્વમાં ગુજરાતની ગૌરવ ગાથામાં વધુ એક સિમાચિન્હ
દેશભરમાં ઓકટોબર-ર૦૧૯ સુધીમાં થયેલા ઇન્ડસ્ટ્રીયલ એન્ટરપ્રેન્યોર્સ મેમોરેન્ડમ IEMમાં રૂ. બે લાખ ૧૮ હજાર ૬૧૧ કરોડ રોકાણ સાથે દેશના પ૧ ટકા એકલા ગુજરાતમાં
|
શ્રી વિજયભાઇ રૂપાણીના પારદર્શી સ્વચ્છ પ્રશાસન-ઇઝ ઓફ ડૂઇંગ બિઝનેસને વેગ – ઓનલાઇન એપ્રુવલ્સ- નો પેન્ડન્સી- પ્રોપીપલ-ઇન્ડસ્ટ્રીયલ ફ્રેન્ડલી અભિગમથી ગુજરાત બન્યુ મૂડીરોકાણો માટેનું બેસ્ટ ઇન્વેસ્ટમેન્ટ ડેસ્ટિનેશન |
…..
-: ગુજરાતની ગૌરવસિદ્ધિઓ :-
- ૨૦૧૮-૧૯ના વર્ષમાં પ્રથમ કવાર્ટર એપ્રિલથી જૂન-૨૦૧૯માં ૧૮૩૨૫ કરોડના ફોરેન ડાયરેકટ ઇન્વેસ્ટમેન્ટ આવ્યા
- સમગ્ર ૨૦૧૮-૧૯ના વર્ષમાં ૧૨૬૧૮ કરોડના ૧પ૦ ટકા વધુ FDI ગુજરાતે મેળવ્યું
- MSME સેકટરને વિશેષ પ્રોત્સાહન – સરળીકરણયુકત ઓનલાઇન પદ્ધતિથી પાછલા ત્રણ વર્ષમાં સ્થપાયેલા MSME થી બમણાં ૪ લાખ ૪૧ હજાર MSME એક જ વર્ષમાં સ્થપાયા
- ગુજરાત હોલિસ્ટીક ઇન્ડસ્ટ્રીયલ ડેવલપમેન્ટનું રોલ મોડેલ બન્યું
મુખ્યમંત્રી શ્રી વિજયભાઇ રૂપાણીના દીર્ઘદ્રષ્ટિપૂર્ણ નેતૃત્વમાં ગુજરાતે ઔદ્યોગિક રોકાણો માટેના ઇરાદા પત્રો ઇન્ડસ્ટ્રીયલ એન્ટરપ્રેન્યોર્સ મેમોરેન્ડમ IEM અન્વયે સમગ્ર દેશમાં સૌથી વધુ ૫૧.૨૩ ટકા IEM મેળવીને ઔદ્યોગિક ક્ષેત્રે નવી ગૌરવસિદ્ધિ હાંસલ કરી છે.
ભારતમાં આ વર્ષે ર૦૧૯માં ઓકટોબર માસ સુધીમાં ફાઇલ થયેલા IEM દ્વારા રૂ. ૪ લાખ ર૭ હજાર ૪૯૪ કરોડના મૂડીરોકાણોમાંથી એકલા ગુજરાતમાં જ રૂ. ર લાખ ૧૮ હજાર ૬૧૧ કરોડના મૂડીરોકાણો ઊદ્યોગો સ્થાપવા માટે થયા છે. એટલે કે દેશના કુલ IEMના અડધા ઉપરાંત ગુજરાતમાં થયા છે.
મુખ્યમંત્રી શ્રી વિજયભાઇ રૂપાણીએ પારદર્શી અને સ્વચ્છ પ્રશાસન સાથે રાજ્યમાં ઊદ્યોગોને વધુ પ્રમાણમાં પ્રેરિત કરવા ઇઝ ઓફ ડૂઇંગ બિઝનેસનો જે વ્યાપ વિસ્તાર્યો છે તેની ફલશ્રુતિએ આ રોકાણોમાં વધારો થયો છે. ગુજરાતમાં ઊદ્યોગ સ્થાપવા ઇચ્છુક ઊદ્યોગકારોને સરળતાએ જમીન તેમજ જરૂરી પરવાનગીઓ વિના વિલંબે મળી રહે તેવી સુદ્રઢ વ્યવસ્થા શ્રી વિજયભાઇ રૂપાણીના નેતૃત્વમાં ઓનલાઇન વિકસાવવામાં આવી છે.
એટલું જ નહિ, ઊદ્યોગકારો અને સર્વિસ સેકટરમાં ઇઝ ઓફ ડૂઇંગ વધારવાના હેતુસર નિયત ધોરણો કરતાં પણ વધુ ઉદારત્તમ ધોરણો અપનાવી ઊદ્યોગકારોને વ્યાપક સુવિધા આપવામાં આવે છે. આ IEM તહેત જે રોકાણ થવાનું છે તે બહુધા કેમીકલ્સ, ટેક્ષટાઇલ, સિરામીક, પ્લાસ્ટિક અને મેટલ ઊદ્યોગ ક્ષેત્રમાં થવાનું છે. ગુજરાતે મેન્યૂફેકચરીંગ હબ, ઓટોમોબાઇલ હબની જે ખ્યાતિ મેળવેલી છે તેમાં આ IEMને પરિણામે હવે નવાં સેકટર્સનો પણ ઉમેરો થતાં ગુજરાત મુખ્યમંત્રીશ્રીના દ્રષ્ટિવંત નેતૃત્વમાં હોલિસ્ટીક ઇન્ડસ્ટ્રીયલ ડેવલપમેન્ટમાં દેશનું અગ્રીમ રાજ્ય બનશે.
રાજ્ય સરકારે ગુડ ગર્નનન્સ અને નો પેન્ડન્સીની જે પીપલ ફ્રેન્ડલી-ઇન્ડસ્ટ્રીયલ ફ્રેન્ડલી પારદર્શી નીતિઓ અમલી બનાવી છે તેના પરિણામે મોટા ઊદ્યોગો પણ રાજ્યમાં ઊદ્યોગ સ્થાપના માટે પ્રેરિત થયા છે. છેલ્લા ત્રણ વર્ષમાં ભારતમાં સ્થપાયેલા રપ૭૪ મોટા ઊદ્યોગોમાંથી ૭૩પ મોટા એકમો એકલા ગુજરાતમાં સ્થપાયા છે.
પ્રધાનમંત્રી શ્રી નરેન્દ્રભાઇ મોદીની ‘મેઇક ઇન ઇન્ડીયા’ની સંકલ્પના તથા રાજ્ય સરકારની પ્રોત્સાહક નીતિઓને કારણે ગુજરાત ફોરેન ડાયરેકટ ઇન્વેસ્ટમેન્ટના ક્ષેત્રમાં પણ અગ્રેસર રહ્યું છે. આ સંદર્ભમાં વર્ષ ર૦૧૯ના પ્રથમ કવાર્ટર એટલે કે એપ્રિલ થી જૂન-૨૦૧૯ના ત્રણ માસ દરમિયાન જ FDI ઇન્વેસ્ટમેન્ટ રૂ. ૧૮૩૨૫ કરોડનું થયું છે. આ FDI ઇન્વેસ્ટમેન્ટ ર૦૧૮-૧૯ના સમગ્ર વર્ષ દરમિયાન થયેલા રૂ. ૧ર૬૧૮ કરોડના રોકાણો કરતાં ૧પ૦ ટકા જેટલું વધારે છે.
મુખ્યમંત્રી શ્રી વિજયભાઇ રૂપાણીએ ગુજરાતમાં ઔદ્યોગિક ક્ષેત્રે મહત્તમ રોજગાર સર્જન કરતા MSME એકમોને પણ પૂરતું પ્રોત્સાહન આપવા ક્રાંતિકારી નિર્ણયો કર્યા છે. તદ્દઅનુસાર, આવા MSME એકમોએ સ્થાપના-સંચાલન માટેની જરૂરી વિવિધ એપ્રુવલ લેવામાંથી ત્રણ વર્ષ સુધી મુકિત આપવામાં આવી છે. MSME ઓનલાઇન રજીસ્ટ્રેશન પોર્ટલ કાર્યરત કરીને ડેકલેરેશન ઓફ ઇન્ટેટ માત્ર પાંચ જ મિનીટમાં મળી જાય તેવી સુદ્રઢ પારદર્શી વ્યવસ્થા ઊભી કરી છે. MSME એકમોને મળતા આવા ઉદારત્તમ પ્રોત્સાહનને કારણે રાજ્યમાં છેલ્લા ત્રણ વર્ષમાં સ્થપાયેલા MSME કરતાં બમણા એટલે કે ૪ લાખ ૪૧ હજાર પ૮પ MSMEની સ્થાપના થઇ છે.
ગુજરાતમાં ૩૪ લાખથી વધુ MSME કાર્યરત છે તેના દ્વારા મોટા પાયે રોજગાર સર્જન થાય છે હવે આ નવાં પ્રોત્સાહનો મળતાં તેમજ MSME એકમોને સૌરઊર્જાના ઉપયોગ માટે પણ પ્રેરિત કરતાં ગુજરાત MSMEમાં ઔદ્યોગિક રોકાણોથી પણ વિકાસમાં દેશનું રોલ મોડેલ બનવાનું છે.
મુખ્યમંત્રીશ્રીના દિશાદર્શનમાં ગુજરાતમાં કચ્છ, સૌરાષ્ટ્ર, ઉત્તર ગુજરાત, દક્ષિણ ગુજરાત એમ ચારેય પ્રદેશોમાં મોટા પાયે ઔદ્યોગિક રોકાણ આવે અને રાજ્યના યુવાધનને મહત્તમ રોજગાર અવસર પ્રાપ્ત થાય તેવી પ્રતિબદ્ધતા સાથે રાજ્ય સરકાર કર્તવ્યરત છે. ગુજરાત IEM ક્ષેત્રે દેશભરમાં પ૧ ટકા સાથે અગ્રેસર રહીને રાજ્યમાં ઊદ્યોગ મૈત્રીપૂર્ણ વાતાવરણથી રાષ્ટ્રનું રોલ મોડેલ બન્યું છે.
