ભારત માલા પ્રોજેક્ટ હેઠળ બની રહેલો પુલ તૂટી પડ્યો
બિહારના સુપૌલમાં નિર્માણાધીન પુલ તૂટી પડતા અનેક કામદારો ફસાયા ઃ એકનું મોત
(એજન્સી)નવી દિલ્હી, બિહારના સુપૌલમાં શુક્રવારે (૨૨ માર્ચ) સવારે પુલનો ગર્ડર (સ્લેબ) તૂટી પડ્યો હતો. આ ઘટના સવારે સાત વાગ્યાની આસપાસ બની હોવાનું કહેવાય છે. એક મજૂરના મોતની પુષ્ટિ થઈ છે. આ દુર્ઘટનામાં દટાઈ જવાને કારણે અનેક કામદારો ઘાયલ થયા છે.
તેની સંખ્યા હજુ સ્પષ્ટ નથી. આ ઘટના દરમિયાન આસપાસના લોકો ઘટનાસ્થળે એકત્ર થઈ ગયા હતા. ૧૫૨, ૧૫૩ અને ૧૫૪ વચ્ચેના પિલરનું ગર્ડર પડી ગયું છે. આ પુલ ૧૨૦૦ કરોડના ખર્ચે બની રહ્યો છે. કહેવામાં આવી રહ્યું છે કે આ પુલ સુપૌલના બાકોરમાં બની રહ્યો છે. બ્રિજનું ગર્ડર ધરાશાયી થયા બાદ કંપનીના તમામ લોકો ભાગી ગયા હતા. Supaul, Bihar: A part of an under-construction bridge collapsed near Maricha between Bheja-Bakaur.
મળતી માહિતી મુજબ આ બ્રિજનું કામ ટ્રાન્સ રેલ કંપની કરી રહી છે. અહીં ૧૦.૫ કિલોમીટરનો પુલ છે જે ભારત માલા પ્રોજેક્ટ હેઠળ બનાવવામાં આવી રહ્યો છે. સુપૌલના બાકોરથી મધુબનીના બેજા સુધી એક પુલ બનાવવામાં આવનાર છે. આ ઘટના બાદ તાત્કાલિક રાહત કાર્ય શરૂ કરવામાં આવ્યું હતું. ઘટના બાદ વરિષ્ઠ અધિકારીઓ પણ પહોંચ્યા હતા.
Another bridge collapses in Bihar’s Supaul, worth approximately 1200 crore. Happy Bihar Diwas. 🙏🙏pic.twitter.com/GIMPlefygE
— Prayag (@theprayagtiwari) March 22, 2024
સુપૌલ એસપીએ જણાવ્યું કે આ ઘટનામાં છ લોકો ઘાયલ થયા છે. તેને સારવાર માટે હોસ્પિટલમાં લાવવામાં આવ્યો છે. બીજી તરફ ઘટનાને પગલે આસપાસના લોકો એકઠા થઈ ગયા હતા. શ્યામ નામના વ્યક્તિએ જણાવ્યું કે જે બ્રિજ બનાવવામાં આવી રહ્યો છે તેની ગુણવત્તા સારી નથી. કામદારોને સલામતીના નામે કંઈ આપવામાં આવતું નથી.
સ્થાનિક લોકોના જણાવ્યા અનુસાર બ્રિજના ગર્ડર નીચે લગભગ ૩૦ કામદારો દટાયા હોવાની શક્યતા છે. ઘણા લોકોને બહાર કાઢીને સારવાર માટે મોટરસાઈકલ દ્વારા સુપૌલ લઈ જવામાં આવ્યા હતા. લોકોએ બ્રિજ કન્સ્ટ્રક્શન કંપની પર ગંભીર આક્ષેપો પણ કર્યા હતા. કહ્યું કે ઘટના બાદ કંપનીનો કોઈ અધિકારી આવ્યો નથી. નાનો સ્ટાફ પણ આવ્યો નથી.
સ્થળ પર હાજર ચીફ સુરેન્દ્ર યાદવે કહ્યું કે અમે કંપનીને વારંવાર ફરિયાદ કરતા હતા. ઉલટું અમને જેલમાં મોકલી દેવામાં આવશે તેવી ધમકી આપવામાં આવી હતી. તમે લોકો ખંડણી માંગવા આવો છો. સુરેન્દ્ર યાદવે કહ્યું કે મજૂરોની સંખ્યા ૪૦ થી ૫૦ હોઈ શકે છે. છઝ્રજી પ્રત્યાયા અમૃતે જણાવ્યું કે એક મજૂરનું મોત થયું છે. ૧૦ લાખનું વળતર ચૂકવવાનું કહેવામાં આવ્યું છે. ડીએમ અને એસપીને તાત્કાલિક તેની તપાસ કરવા માટે કહેવામાં આવ્યું છે. ઘાયલોની સારવાર ચાલી રહી છે.
