ઈઝરાયલે લાઈવ કવરેજ વચ્ચે જ કેમેરામેન પર મિસાઈલ હુમલો કર્યો

લેબનોન, દક્ષિણ લેબનોનમાંથી હૃદયદ્રાવક દ્રશ્યો સામે આવ્યા છે, જ્યાં ઈઝરાયલી હવાઈ હુમલા દરમિયાન લાઈવ રિપો‹ટગ કરી રહેલા રશિયન પત્રકાર અને તેમના કેમેરામેન પર મિસાઈલ ત્રાટક્યું હતું. આ ભયાનક ઘટનામાં પત્રકાર અને કેમેરામેન ગંભીર રીતે ઈજાગ્રસ્ત થયા છે, જેનો વીડિયો સોશિયલ મીડિયા પર વાઈરલ થયો છે.

અહેવાલો અનુસાર, રશિયન સંવાદદાતા સ્ટીવ સ્વીની અને તેમના કેમેરામેન અલી રીદા, દક્ષિણ લેબનોનના લિટાની નદી પર આવેલા વ્યૂહાત્મક ‘અલ-કાસમિયા બ્રિજ’ પાસે રિપો‹ટગ કરી રહ્યા હતા. આ દરમિયાન એકાએક ઈઝરાયલી મિસાઈલ તેમની અત્યંત નજીક આવીને પડ્યું હતું.વાઈરલ વીડિયોમાં જોઈ શકાય છે કે પત્રકાર ધુમાડાના ગોટા વચ્ચે જીવ બચાવવા દોડી રહ્યા છે. અન્ય એક વીડિયોમાં ડોકટરો પત્રકારના હાથમાંથી મિસાઈલના છરા કાઢતા જોવા મળે છે.

હુમલા બાદ બંનેને તાત્કાલિક નજીકની હોસ્પિટલમાં ખસેડવામાં આવ્યા હતા.કેમેરામેન અલી રીદાએ હોસ્પિટલમાંથી આરોપ લગાવ્યો છે કે, તેમની પાસે ‘પ્રેસ’ તરીકેની સ્પષ્ટ ઓળખ હોવા છતાં તેમના પર ઈરાદાપૂર્વક નિશાન સાધીને હુમલો કરવામાં આવ્યો હતો. સ્ટીવ સ્વીનીએ પણ સોશિયલ મીડિયા પર આ હુમલાને ‘ટાર્ગેટેડ એટેક’ ગણાવ્યો છે.

રશિયાના વિદેશ મંત્રાલયના પ્રવક્તા મારિયા ઝખારોવાએ આ ઘટનાની આકરી નિંદા કરી છે. તેમણે જણાવ્યું કે, ‘પત્રકારો પરનો આ હુમલો કોઈ અકસ્માત નથી પરંતુ ગંભીર અપરાધ છે.’ બીજી તરફ ઈઝરાયલી સૈન્યએ સ્પષ્ટતા કરી છે કે આ પુલનો ઉપયોગ હિઝબુલ્લાહ દ્વારા શસ્ત્રોની હેરાફેરી માટે કરવામાં આવતો હોવાથી તેને નિશાન બનાવાયો હતો.

ઈઝરાયલે દાવો કર્યાે કે કાર્યવાહી પહેલા નાગરિકોને અનેકવાર ચેતવણી આપવામાં આવી હતી અને તેઓ આંતરરાષ્ટ્રીય કાયદાનું પાલન કરે છે.હોસ્પિટલમાંથી સારવાર લઈ રજા મળ્યા બાદ, સ્ટીવ સ્વીની હિંમત હાર્યા વગર ફરીથી ફિલ્ડ રિપો‹ટગમાં જોડાઈ ગયા છે.

તેમણે સોશિયલ મીડિયા પર એક મજબૂત સંદેશ દ્વારા ઈઝરાયલની આ કાર્યવાહીનો વિરોધ નોંધાવ્યો છે. નોંધનીય છે કે, લિટાની નદી પરનો આ માર્ગ હાલ ઈઝરાયલ અને હિઝબુલ્લાહ વચ્ચેના યુદ્ધનું મુખ્ય કેન્દ્ર બન્યો છે, જ્યાં છેલ્લા કેટલાક દિવસોથી હુમલાઓ તેજ થયા છે.SS1MS