સ્નાનાગારોમાં કોચ પૂરાં પાડવાનો મ્યુનિ. સ્નાનાગાર ખાતામાં આઉટ સો‹સગનાં નામે ચાલતી ગરબડ

ટેન્ડર બહાર પાડવામાં ઘોર બેદરકારીની ચર્ચા

કોન્ટ્રાક્ટ લેનારી એજન્સી પાસે જ ટ્રેઈન્ડ સ્ટાફ નથી!

અમદાવાદ, મ્યુનિ.ના સ્નાનાગાર વિભાગમાં જરૂરી પુરૂષ અને મહિલા કોચની ભરતી કરવાને બદલે આઉટસો‹સગ કરવા માટે એક ખાનગી એજન્સીને કોન્ટ્રાક્ટ આપી દીધા પછી પણ ખાનગી એજન્સી મ્યુનિ.ની જરૂરિયાત પ્રમાણેના કોચ પૂરા પાડી શકી નથી તેમ છતાં તેની સામે બ્લેકલિસ્ટ સહિતના કડક પગલા લેવાને બદલે રાજ્યાશ્રય આપવામાં આવી રહ્યો હોવાનુ મ્યુનિ. વર્તુળોમાં ચર્ચાઇ રહ્યું છે.સ્નાનાગાર વિભાગ સાવ નાનો અલગ વિભાગ હોવા છતાં તેમાં પણ યેનકેન પ્રકારે ગોટાળા આચરવામાં આવે છે.

એટલુ જ નહીં સ્નાનાગાર વિભાગમાં છેલ્લા કેટલાય સમયથી ભરતી કરવાને બદલે કોન્ટ્રાક્ટથી કર્મચારી રાખ્યા પછી પણ સ્ટાફની અછત હોવાથી ખાનગી એજન્સી પાસેથી પૂરુષ અને મહિલા કોચ લેવા માટે ટેન્ડર બહાર પાડવામાં આવ્યા હતા.મ્યુનિ. સ્નાનાગાર માટે આઉટ સો‹સગથી ૩૬ પૂરુષ કોચ અને ૩૮ મહિલા કોચ લેવા માટે વર્ષ ૨૦૨૫ના મે મહિનામાં ટેન્ડરની પ્રક્રિયા હાથ ધરાઇ હતી અને મે મહિનામાં ટેકનીકલ બીડ ખોલવામાં આવ્યા હતા. જેમાં ખાસ કરીને આઉટ સો‹સગ એજન્સી માટે વાર્ષિક ટર્ન ઓવર ૧૦ લાખ રૂપિયા રાખવામાં આવ્યું હતું અને સરકારી, અર્ધસરકારી કે પ્રતિષ્ઠિત સંસ્થામાં સ્વિમિંગ કોચ પૂરા પાડવાનો ઓછામાં ઓછા ત્રણ વર્ષનો અનુભવ માંગવામાં આવ્યો હતો.

આ ટેન્ડરમાં એક એજન્સી ક્વોલીફાઇ થઇ કે કરવામાં આવી હતી અને તેને વર્કઓર્ડર અપાયા પછી તો એજન્સીએ કોચ તરીકે નોકરી આપવાની જાહેરાત આપી હોવાનુ જાણવા મળ્યુ છે. ખરેખર તો આઉટ સો‹સગ એજન્સી પાસે જ એટલો સ્ટાફ(કોચ) હોવા જોઇએ પછી તે ટેન્ડરમાં ક્વોલીફાઇ થઇ શકે તેવી કોઇ જોગવાઇ જોવા મળી નથી. જોકે ટેન્ડરમાં એજન્સી કોચ પૂરાં પાડવામાં નિષ્ફળ જશે તો એજન્સીનો કોન્ટ્રાક્ટ રદ થવાને પાત્ર થશે તેવી સામાન્ય જોગવાઇ કરવામાં આવી છે.દરમિયાનમાં મ્યુનિ. સ્નાનાગાર વિભાગના અધિકારીઓએ ખાનગી એજન્સીને કોન્ટ્રાક્ટ આપી દીધા બાદ આ એજન્સીએ જાહેરાત આપી કોચની નોકરી માટે બોલાવેલાં ઉમેદવારોનો સ્વિમિંગ ટેસ્ટ સરદાર પટેલ સ્ટેડિયમ સ્નાનાગાર ખાતે લેવામાં આવ્યો હતો, તેમાં પણ આંખ આડા કાન કરાયા હતા.

નિયમ મુજબ તો સ્નાનાગારમાં ડીપ વિસ્તારમાંથી વજનદાર પથ્થર-ઇંટ જેવી વજનદાર વસ્તુ કાઢવાની હોય છે તેમજ કોઇ વ્યક્તિ સ્નાનાગારમાં ડૂબતી હોય તેને બચાવી બહાર કાઢવાનો ટેસ્ટ પણ લેવાનો હોય છે. આ પ્રકારના ટેસ્ટ લેવાયા જ નથી તેમ સ્નાનાગાર વિભાગના સૂત્રોમાંથી જાણવા મળ્યુ છે.૩૬ પૂરુષ અને ૩૮ મહિલા કોચ પૂરાં પાડવાનો કોન્ટ્રાક્ટ લઇ બેઠેલી એજન્સી આજદિન સુધીમાં ફક્ત ૧૨ કે ૧૫ કોચ પૂરા પાડી શકી છે અને બીજા કોઇ કોચ તેની પાસે ન હોવાથી ફરી કોચ લેવા માટે જુના ઉમેદવારોને પણ મેસેજ કર્યા હોવાનુ જાણવા મળ્યુ છે

અને તેમાં અગાઉની એક બ્લેકલિસ્ટ થયેલી એજન્સી પડદા પાછળ મદદ કરી રહી હોવાનુ ચર્ચાઇ રહ્યું છે. એકંદરે સ્નાનાગારો માટે કોચ પૂરા પાડવામાં નિષ્ફળ નિવડેલી એજન્સીનો કોન્ટ્રાક્ટ રદ કરી તેની સિક્યોરિટી ડિપોઝીટ જપ્ત કરીને બ્લેક લિસ્ટ કરવા જેવા પગલા લેવાને બદલે સ્નાનાગાર વિભાગના અધિકારીઓ અકળ કારણોસર છાવરી રહ્યાં છે.SS1